Kurdî  ■  كوردی  ■  عربي
THU, 23 NOV 2017 23:16 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Piştî gelek salên xebat û qurbanîdanê, em ber bi rawestgeha dawî diçin
| KDP.info


 

Hewlêr-KDP.info- Serokwezîrê Herêma Kurdistanê Nêçîrvan Barzanî îro pêncşembiyê bi helkevta hatina Cejna Qurbanê peyamek belav kir û tê de ragihand: “Piştî gelek salên xebat û qurbanîdanê, gelê me berev gihîştina bi rawestgeha dawî ya mafên xwe pêngavan dihavêje..”


Serokwezîr Nêçîrvan Barzanî di vê peyama xwe de prozbayiyên xwe pêşkêşî hemû malbatên şehîdan û tevahiya muslimanên Kurdistanê û cîhanê dike û hêvî dike, ku ew cejn bibe handerek ji bo xurtkirina pêkvejiyana ku di navbera pêkaheteyên olî û netewî yên Kurdistanê de heye.

Nêçîrvan Barzanî amaje bi rewşa Kurdistanê û deverê dike û dibêje, ku her çend rewşa deverê aloz e û Kurdistan di krîzan re derbas dibe, lê belê hêviya ku gelê Kurdistanê bigihîje tevahiya mafên xwe jî zêdetir bûye.

Serokwezîr Barzanî di peyama xwe de wiha dibêje: “Cejna Qurbanê di demekê de tê, ku hêşta Kurdistan û dever bi giştî di rewşeke aloz re derbas dibin û encama wan krîzên ku rastî Kurdistanê hatine, rewşeke nexwastî çê kirine, lê belê di heman demê de hêviyeke mezin bo gihîştina bi xwezî û mafên rewa yên gelê Kurdistanê di asoyê de tê dîtin û piştî gelek salên xebat û qurbanîdanê, gelê me berev gihîştina bi rawestgeha dawî ya mafên xwe pêngavan dihavêje.”

Di beşeke din a peyama xwe de, Serokwezîrê Herêma Kurdistanê dibêje: “Yekîtî û yekrêzî û pêkvebûn û hevkariya navbera alî û pêkhateyên Kurdistanê, rêya me ya ji bo gihîştina bi armancan nêzîktir dike, ji ber vê jî hêvîdarim ku hemû pêkhate û aliyên Kurdistanê hestyariya rewşê û giringiya karkirina bi hev re, bi armanca gihîştina bi serkevtina yekcarekî û bi dest xistina tevahiya mafên gelê Kurdistanê, li ber çav bigirin û em hemû bi hev re hewl bidin, ku hemû arîşe û giriftan bi rêya diyalogê û têgihîştina ji hev çareser bikin û xwe ji qonaxa li pêş re amade bikin.”

Nêçîrvan Barzanî herwiha tekez dike: “Bi vê hêviyê ku gelê Kurdistanê cejn û helkevtên li pêş di bin siya kurdistaneke gihîştî bi tevahiya mafên xwe û dûr ji şer û teror û aloziyê de bike û hemû xuşk û birayên me yên aware û penaberên hemû pêkhateyên netewî û olî bi serfirazî vegerin ser mal û warên xwe.”
 




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP