Kurdî  ■  كوردی  ■  عربي
SUN, 25 FEB 2018 07:11 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Em sitargeh û piştevanên kurdên perçeyên din ên Kurdistanê ne
| KDP.info


Hewlêr-KDP.info- Serokê Herêma Kurdistanê Mesûd Barzanî dibêje, em piştevan û sitargeha kurdên perçeyên din ên Kurdistanê ne, ew ji bo mafên xwe çi bikin, emê pişta wan bigirin.

Serokê Herêma Kurdistanê Mesûd Barzanî ragihand, “Nasnameya Kerkûkê Kurdistanî ye û her kesek bixwaze bi zorê bibe, heta dawî kes rûbirûyî wan dibin û heger hat û êrîş kirin û bixwazin bi zorê xwe bi ser de bisepînin, ew tiştê rû bide di xeyala kesî de nayê.” Tekez kir jî, referandûm di dema xwe de tê kirin û dewleta Kurdistanê federalî dibe.

Di çarçova hevdîtina ligel mamosteyên zanîngehên di sînorê Hewlêrê de, Serokê Herêma Kurdistanê Mesûd Barzanî behsa hevbeşî û hevsengiya di avakirina dewleta Iraqê de kir û got: “Di vê demê de ligel çend şandên welatên cîhanê û welatên cîran civiyam, tu nûnerekî wan dijayetiya xwe bo daxwaza Kurd di diyarkirina çarenivîsê de nîşan neda. Tenê têbîna wan li ser demê hebû, li gor wan referandûm di vê rewşa pir krîz a navçê de, bandorekê li ser şerê li dijî DAIŞê dike, lê di rastiyê de tu bandor li ser şerê DAIŞê nabe.”

Got jî: “Min ji wezîrên derve yên welatan re ragihand ku, reng e birêvebirina referandûmê bibe sedema dûrketina serankêşiyê li ser şerê DAIŞê.” Ragihand jî, “Ew daxwaz dikin referandûm bo demeke din bê paşxistin, lê min ji wezîrên welatan re ragihand, bedîlê paşxistina referandûmê çi ye?”

Herwiha Serokê Herêma Kurdistanê ragihand, “Kerkûk dibe bajarê pêkvejiyanê di navbera pêkhateyan de û nabe pêwendî jî ligel kesên ku dijayetiya referandûmê dikin, bê birîn.”

Serok Barzanî dibêje: “Tu carekê çaverêya wê nebûn, ku welat bên û bibêjin ev e dewlet û li we pîroz be. Em bixwe ji sala 1991an ve rûbirûyî heman tehedeyane bûn, lê bi vîna bihêz ya gelê Kurdistanê û serkirdayetiya Kurdistanê, me karî parlemento û hikûmetê jî damezrînin.”

Amaje bi wê jî kir, “Eger heye ji piştî referandûmê û ragihandina dewleta Kurdistanê, hin welat bi awayekî demkî helwest bigirin, lê dirustkirina dewletê bê bac nabe û dibe bo wê jî amade bin.”

Di berdewamiya gotara xwe de, Serokê Herêma Kurdistanê careke din derbarê awayê dahatû ya dewleta Kurdistanê de axivî û got: “Bi me xweş e dewleta Kurdistanê, dewleteke federalî be û tevahiya mafên pêkhateyên netewî û olî tê de parastî bin.”

Herwiha amaje bi wê kir, pêwîst e di dewleta Kurdistanê ya nû de kar li ser sîstemeke nû ya aborî were kirin û daxwaz ji mamosteyên zanîngehan û akademesyenan kir, hevkariyê di destûra dewleta Kurdistanê de bikin, ku çawa be.




Nûçeyên din

Biro: Rêjîma Sûriyê heşda şeibî şandiye Efrînê

SATURDAY, 24 FEBRUARY 2018 22:02:00

Hewlêr-KDP.info- Nûnerê ENKSê ji bo kongreya Cenêfê Îbrahîm Biro dibêje, hatina hêzên ser bi hikûmeta Sûriyê bo Efrînê bûye sedem ku Tirkiye êrîşên xwe li ser Efrînê zêdetir bike, ji ber ku hikûmeta Sûriyê li şûna ku hêzên fermî bişîne Efrînê hêzên heşda şeibî şandine.

 
Parlamenterê PDKê yê ku çûbû Efrînê: Emê peyama Efrînê bighînin welatên cîhanê

THURSDAY, 22 FEBRUARY 2018 22:02:07

Hewlêr-KDP.info- Nûnerê PDKê di şanda Parlamentoya Kurdistanê de ya ku çûbû Efrînê, Elî Halo ragihand ku wan dest bi serdana nûnerên welatên cîhanê yên li Kurdistanê kirine, ji bo ku peyama Efrînê bighînin wan û ew jî alîkariya wî bajêrî bikin, “bersiva wan erênî bû.”

 
Mesrûr Barzanî dê li Amerîka ligel berpirsên Koşka Spî bicive

THURSDAY, 22 FEBRUARY 2018 22:02:02

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî bi serdanekê gihişt Amerîka û biryar e di wê serdanê de bi hejmarek ji berpirsên pilebilind ên wî welatî re bicive.

Rûsya: Divê hikûmeta Sûriyê ligel Kurdan gotûbêjan bike

WEDNESDAY, 21 FEBRUARY 2018 19:02:54

Ajans-KDP.info- Wezîrê Derve yê Rûsyayê Sergey Lavrov ragihand ku divê hikûmeta Sûriyê dest bi gotûbêja ligel Kurdan bike û got: “Tevgerên Amerîkayê yên ser veqetandina Kurdan ji Sûriyê, xizmeta çareseriyê nekir.”

 
Serok Barzanî û şanda ENKSê rewşa Efrînê gotûbêj kirin

WEDNESDAY, 21 FEBRUARY 2018 18:02:51

Hewlêr-KDP.info- Serok Mesûd Barzanî, li Selaheddîn pêşwazî li Desteya Serokatiya Encûmena Niştimanî ya Kurdî li Sûrya (ENKS) kir û di wê civînê de rewşa Efrînê hat gotûbêjkirin.

 


 
© 2017 Kurdistan Democratic Party, KDP