Kurdî  ■  كوردی  ■  عربي
TUE, 19 JUN 2018 19:00 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Ji bo serxwebûnê ez amade me canê xwe bikim qurbanî
| KDP.info


Hewlêr-KDP.info- Serokê Herêma Kurdistanê Mesûd Barzanî ragihand, ku Wezîrê Berevanî yê Amerîkayê James Mattis ji wî re gotiye, em daxwaz û armancên gelê Kurdistanê fêm dikin û ne li dijî giştpirsiyê ne lê niha ev mijar balê ji şerê DAIŞê dûr dixe.

Serok Barzanî di hevpeyvînekê de ji rojnameya Şerqulewset re axivî û derbarê çend mijarên giring ên li ser paşeroja Kurdistan û Iraqê de, bersiv da pirsan.

Serokê Herêma Kurdistanê tekez kir, ku dê giştpirsî di dema xwe de were kirin û da xuyand ku giştpirsî bikaranîna mafê rewa yê çarenivîsa gelê Kurdistanê ye.

Serok Barzanî got: "Herêma Kurdistan ji demekê dîrokî re derbas dibe û dê derbarê çarenivîsa xwe de biryarê bide. Bi ti awayî ji biryara giştpirsiyê poşman nabin. Paşxistin nabe. Tenê eger berdêleke baştir hebe, dikare li ser were sekinandin.”

Mesûd Barzanî di hevpeyvînê de behsa naveroka hevdîtina xwe ya li gel Wezîrê Berevanî yê Amerîkayê James Mattis a hefteya derbasbûyî jî kir û da xuyakirin: “Mattis ji min re got, em daxwaz û armancên gelê Kurdistanê fêm dikin û ne li dijî giştpirsiyê ne. Dizanin ku mafê we ye. Lê niha ev mijar balê ji şerê DAIŞê dûr dixe. Lewma em dixwazin hûn vê biryarê li ber çavê xwe re derbas bikin.”

Serokê Herêma Kurdistanê da zanîn, ku wî ji Mattis re gotiye, hemû hewldanên li gel şîrîkatiya bi Bexdayê re serkeftî nebûne. Derbarê pêşniyara paşxistina giştpirsiyê jî diyar kiriye, “Gelo ji bo îmzekirina belgenameyekê, ku garantiyê bdie kurdan ti amadekariyek heye. Eger kurd salekî din giştpirsiyê bike û biryara serxwebûnê bide dê nas bikin?”

Serok Barzanî destnîşan kir, ku sala derbasbûyî wî ji Serokwezîrê Iraqê Heyder Ebadî û serkirdeyên hêzên siyasî re gotiye, tecrubeya hevbeşî û şîrîkatiya bi Bexdayê re biser neket, bila hewl bidin da bibin du cîranên baş û alîkar bin.

Mesûd Barzanî bal kişande ser wê yekê, ku Bexdayê hevbeşiya wan qebûl nekiriye û got: “Bijardeya me jî giştpirsî û serxwebûne, eger derfetek mabe jî ku em giştpirsiyê çênekin, divê garentiyeke nivîskî ji aliyê Bexda û Washington û Neteweyên Yekgirtî û Yekîtiya Ewropa ve hebe, ku encamên giştpirsiyê qebûl bikin eger şeş mehan yan salekê hat paşxistin. Ji bo serxwebûna gelê Kurdistanê ez amade me heta canê xwe jî bikim fîda.”

Li ser rewşa Kerkûkê Serok Barzanî diyar kir: "Kerkûk bi tenê ne bajarê kurdî ye. Kurd, tirkmen, ereb û krîstiyan li vî bajarî dijîn. Em ji bo gotûbêja li gel wan amade ne.”

Di berdewam hevpeyvînê de Serok Barzanî tekez kir, ku dê biryara dewleta Kurdistanê di destê wê de be û nabe beşek ji projeyên Îranê û ti aliyekî din. Serok Barzanî got: “Min ji îraniyan re ragihand, ku pêwendiyên baş ên cîrantiyê dê di berjewendiya herdu aliyan de be. Bi eşkere jî min ji wan re got, ku em rê nadin ew xwe bixin nava biryarên me.”

Serokê Herêma Kurdistanê Barzanî bal kişande ser wê yekê ku erebên sune zerermendên herî mezinin ên rewşa navxwe ya Iraqê bûne.
 




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP