Kurdî  ■  كوردی  ■  عربي
THU, 23 NOV 2017 23:17 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

71 salên rûmetê li gelê Kurdistanê pîroz be
| KDP.info


Çeto Omerî

Di 1946 de li Mahabadê bingeha PDK tê danîn û Partiya Demokrata Kurdistanê ya Bașûr 15 Tebaxê hat damezirandin. Di heman rojê de jî serokê dilsoz û Kurdistanperwer birêz Mesûd M. Barzanî ji dayîkek bindest, li welatek bindest weke zarokek Kurd û Kurdistaniyek bindest tê dinyayê û çavên xwe li jiyana bindestiyê de vedike.

Lê li ser hatina vê bindestiya kambax cardin jî cûdahiyek wî zarokê bindest ji zarokên din û hin taybentmendiyên wî ji zarokên ku di wê rojê de çêbûne hebû, ji ber ku ew kûrê M. Mistefa Barzaniyê nemir bû û ew nikarîbû weke zarokên din jiyanek normal di nava yarî û lîstikên di nava cîhana zarokan de bijiya. Ji ber ku gava demsalên wî bi gokê dilîstin û zaroktiyên xwe dijiyan ew çek li mil û li gel bavê xwe li gel Mistefa Barzaniyê nemir li ser rêbaza wî doza azadiya welatek û neteweyek bindest dikir.

Ew beriya her tiştî li gel Mistefa Barzaniyê nemir hevalek bû, şagirtek bû, pêşmergeyek bû û piştre jî kûrê wî qehremanê mezin û nemir bû. Ew ji aliyê M. Mistefa Barzaniyê nemir ve bi erkên netewî, bi berpirsiyarî û bi baweriya azadî û serxwebûna Kurdistanê hate perwerdekirin. Jiyana wî di nava şoreşa Kurdistanê de, di nava şerê azadiya welatê wî de û di nava medreseya bîrdoziya Pêşmergeyatiyê de hate qemirandin.

Wî şikestin didît lê di nava şikestinan de dengê bavê wî dihate guhên wî û digot.; Mêrxasên mino di şikestinan de bêhêvî nebin, ka de rabin li ser xwe û wan bêhêviyên xwe bikin moral û hêviyên pêşerojê. Ji ber ku her carê ku hûn rabin li ser piyan hûnê qûdûm û çongên metînkaran bişkînin. Ew carek din bi hêvî û bi baweriyek mezin radibûn li ser piyan û weke şêrek, şerwanek qehraman ya rêbaza Barzaniyê nemir pêşengiya doza azadiya gelê xwe dikir.

Ew di mekteba Kurdîniyê ya herî kûr de, Ew di armanca dozekî ya herî dûr de û ew di nava şoreşek herî zor û zexmet de herdem li pêşiya hêvalên xwe, li pêşiya şervanên xwe û li pêşiya gelê xwe de bûye rêberek ya mîsal û emsalê. Ew mirovek dilsoz, mirovek mûtevazî, mirovek dilpak û Kurdistaniyek bêhempa ye.

Ew bi wan wesfên xwe yên bêhempatî di dilê gelê Kurdistanê de ciyê xwe çêkir û ji hezkirinan ji xwe re hêlîneke ya rûmetê ava kir Birêz Mesûd Mistefa Barzanî di axaftineke xwe de dibêje; Ez xwe weke şagirtekî ya dibistanek miqaddes dibînim. Ez ji Şêx Evdiselam Barzanî ji bo yekîtî û serxwebûnê çanda bedel dayînê fêrbûm. Ji
Şêx Ehmed Barzanî fêrbûm ku ol beriya her tiştî exlaqe û bawerî ji zincîr û bendan jî qayîmtir e.
Ez dîsan ji bavê xwe M. Mistefa Barzaniyê nemir fêrî Pêşmergeyatiyê û jiyana fêdabûnê fêrbûm.
Piştî ku başûrê wêlatê me azad bû û roj bi roj ber bi dewletbûnê ve gav davêje ew ji bo Kurdistanê serkeftinek e û di nava evqas serkeftinan de serok Barzanî bi jiyana xwe ya mûtevazî ji her Kurdekî re bû mînakek û serbilindiyek. Ji ber ku bavê wî/me gotibû; Di serkeftinan de ji ser xwe neçin.
Êdî navê wî sînoran derbas kiriye. .
Ew bi cilên xwe yên Pêşmergayetî bûye rengê me, Ew bi zimanê Kurdî bûye dengê me, Ew bi daxwaza serxwebûna Kurdistanê û bi sekinandina xwe yên Kurdistanî bûye îrada me. Ew temsîla me Kurdan e. Belê serokê me Mesûd Mistefa Barzanî bi ked û xebata xwe, bi dilsoziya xwe, û bi fîdekariya xwe îro bûye serokê hemî Kurdên welatperwer. Ew li gel navê xwe doza Kurdistanê mezin kir. Ew li gel serokatiya xwe Partiya xwe mezin kir. Ew li gel xwe rûmeta me Kurdan bilind kir.
Ew serokê me ye ji ber ku ew dibêje; Heta ku ez sax bim û heta ku derfeta min hebe ez êdî nahêlim ku xwîna Kurd ji destê Kurd were rijandin.
Ew serokê me ye ji ber ku ew dibêje; Îradeya gelê Kurd li ser rûyê hemî xwest û îradeyek e. Doza gelê Kurdistanê rewa ye û hêyajî giranbihatirîn deskeft e. Ji ber ku li rêya azadiyê da qurbaniyeke bê hêjmar da ye.
Ew serokê me ye ji ber ku ew dibêje; Yên ku welatê me perçe kirin ji me ne pirsîn, gava ku em jî welatê xwe ava bikin helbet ji wan napirsin.
Ew serokê me ye ji ber ku ew dibêje; Ew şerê me yên dawiye yan em dê hemî bimrin yan jî emê dewleta serbixwe ya Kurdistanê ava bikin.
Dîsan dibêje; Yan em li vî welatî bihevre bi azadî bijîn yan jî em hemî bi hevre birûmetî bimrin.

Belê îroj ango 16 tebaxê him rojbûna serokê me birêz Mesûd Mistefa Barzanî ye û him jî 71 saliya demezrandina Partiya me PDK ye. 71 saliya kar û xebatên rûmetê ji bo azadî û serxwebûna Kurdistanê pîroz be. Ey birêz Berzanî rojbûna te pîroz be.

Çeto Omerî
16.08.2017




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP