Kurdî  ■  كوردی  ■  عربي
TUE, 19 JUN 2018 18:46 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Serxwebûn armanca PDKê ye û tenê ew rê li pêşiya me maye
| KDP.info


Hewlêr-KDP.info- Serokê Herêma Kurdistanê Mesûd Barzanî bi boneya 71emîn salvegera damezirandina Partiya Demokrat a Kurdistanê (PDK) de peyamek belav û tê de ragihand ku baştirîn dilsozî li hemberî xwîna şehîdan serxwebûna Kurdistanê ye ku armanca PDKê ye û tenê ew rê li pêşiya Kurdistanê maye.

Îro, Sêşemê 15.08.2017 Serokê Herêma Kurdistanê Mesûd Barzanî bi boneya 71emîn salvegera damezirandina Partiya Demokrat a Kurdistanê (PDK) de peyamek belav kir tê de ragihand, gelê Kurdistanê ji bilî serxwebûnê ti riyeke din lê pêş nîne. Herwiha got, baştirîn dilsozî û bersiv bo xwîna şehîdan û qurbaniyên gel, serxwebûna Kurdistanê ye.

Serok Barzanî di peyama xwe de got: “Bi boneya roja 16 Tebaxê, 71emîn salvegera damezirandina Partiya Demokrat a Kurdistanê germtirîn pîrozbahiyên xwe araste Kadro, endam û alîgirên PDKê dikim. Pîrozbahiyê li xwediyên serbilind ên şehîd û Pêşmergeyên Qehreman û hemû çîn û pêkhateyên Kurdistanê dikim.”

Serok Barzanî got: “PDKê ji destpêka damezrandinê ve û heta niha amrazek bû, bo bidesthênana armancên demokratî, niştimanî û netewî yên gelê Kurdistanê û di heman demê de jî hevşan ligel hêzên têkoşer û niştîmanperwer ên din ên Kurdistanê amraza bergîrîkirinê bûye bo maf û pênaseya gelê Kurdistanê di hemû qonaxan de.”

Herwiha got jî: “PDK bi durişm û kirê xwe pêşneg û hilgirê berpirsayetiyê bûye di qonaxên girîng ên xebata gelê Kurdistanê de û niha jî di qonaxa avakirin, şerê terorê û gavên berve serxwebûnê de bi şanazî xwedî heman erk û rol e û di vê riyê de qurbaniyên bêhejmar daye.”

Serok Barzanî di beşeke din ya peyamê de got: “Di vê boneyê de bi pêwîstî dizanim spasiya xweragirî û bêwestana cemawerê PDKê û hemû xelkê Kurdistanê bikim. Ew xweragirî dihêle em di gavên berve ayînde û karkirin bo misogerkirina mafên rewa ya gelê me bavêjin. Wê jî dupat dikim ku baştirîn dilsozî û bersiv bo xwîna şehîdan û qurbaniyên gel, serxwebûna Kurdistanê ye. Serxwebûna Kurdistanê, aştî û pêkvejiyan armanca PDKê ye û di wê riyê de amadehiya hemû qurbaniyekê bo gihêştina wan armancên PDKê bi yekrêzî û tebaya navxweyîya Kurdistanê heye.”

Di dawiyê peyama Serokê Herêma Kurdistanê de hatiye: “Daxwaz ji endam û alîgirên PDKê dikim, ku bi hemû karînên xwe hevşan ligel hemû xelkê Kurdistanê piştevanê proseya serxwebûn û referandûmê bin, ji ber ku ji bilî serxwebûnê, gelê Kurdistanê ti riyeke din li pêş nîne, ew jî di bin navê dubare nebûna karesatan û peydabûna aştî û geşepêdanê.”




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP