Kurdî  ■  كوردی  ■  عربي
FRI, 20 JUL 2018 13:32 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Dûşemê şanda referandumê biçe Bexdayê..Endamên şandê hatin diyarkirin
| KDP.info


Hewlêr-KDP.info- Endamê Encumena Bilind a Referandumê Sadiq Cebarî ragihand ku roja Dûşemê dê şanda referandumê biçe Bexdayê û li wir pirsa referandumê û binpêkirinên Hikûmeta Iraqê ligel hizb û aliyên siyasî yên Iraqê gotûbêjan bike.

Îro Encumena Bilind a Referandumê bi serperiştiya Serok Barznaî civiya û di wê civînê de hêlên giştî û naveroka danûstandinên ligel Bexdayê yên li ser pirsa referandumê hatin diyarkirin.

Sadiq Cebarî derbarê civîna îro de ji malpera KDP.info re ragihand: “Îro biryar li ser xal û hêlên danûstandinên ligel aliyên Iraqê hatin diyarkirin û biryar e roja Dûşemê ew şand biçe Bexdayê. Dê ew şand ligel Şîe û Suneyan û pêkhateyên din jî bicive û gotûbêjan ligel wan bike. Herwiha biryar e ligel Hikûmeta Iraqê jî bicive.”

Cebarî wiha got: “Şanda referandumê dê behsa binpikirinên Hikûmeta Iraqê bike û dê ji wan re bêje me biryara referandumê daye û divê hûn jî nebin rêgir ji referandum û serxwebûna Kurdistanê re û em dixwazin bi aştî bighên wî mafê xwe. Eger ji me re bêjin çima we ew biryar daye emê ji wan re behsa çend mijaran bikin, wek binpêkirinên Hikûmeta Iraqê li hemberî Kurdistanê. Emê bi zelalî behsa her tiştî bikin û ew jî azad in ku helwêsta wan çawa be.”

Li gorî wî endamê Encumena Bilind a Referandumê, piştî ku Serok Barzanî û Kosret Resûl hatin erikdarkirin bo pêkanîna şanda Kurdistanê, ew şand hat pêkanîn û navê endamên şandê jî ev in: Dr. Roj Şawês wek nûnerê PDKê, Seidî Pîre wek nûnerê YNKê, Dr. Mihemed Ehmed nûnerê Yekgirtû, Macid Bazirgan nûnerê Turkmanan, Viyan Dexîl nûnera Êzdiyan û Romyo Hekarî nûnerê Xristiyanan.

Attachments area
 




Nûçeyên din

Kerkûk- Heşda Şeibî ji aliyekî û DAIŞ ji aliyê din ve gefan li Kurdên Kakeyî dikin

THURSDAY, 19 JULY 2018 18:07:23

Hewlêr-KDP.info- Kurdên Kakeyî di navbera Heşda Şeibî û DAIŞê de bûne qurbanî, ku herdû alî gefan li wan dikin. Bi roj Heşda Şeibî bi zorê wan çekdar dike û bi şev jî DAIŞ êrîş dike ser wan, ew jî ji tirsa dixwazin ji mal û gundên xwe bar bikin.

 
Berpirsê Pêwendiyên PDKê: Dorpêça ser Kurdistanê hat şikestin..Pêwendiyên Kurdistanê pir baş bûne

THURSDAY, 19 JULY 2018 17:07:43

Hewlêr-KDP.info- Berpirsê Pêwendiyên Derve yên PDKê Hoşyar Sîweylî ragihand, niha Herêma Kurdistanê pêwendiyên wê yên dîplomatîk pir baş in û ew dorpêça ku Bexda avêtibû ser Kurdistanê me karî bişkînin.

 
PDK: Bi qesdî dengê xelkê Şingalê hijmar nekirin.. Me gilî kiriye

WEDNESDAY, 18 JULY 2018 17:07:26

Şingal-KDP.info- Berpirsê Şaxa PDKê li Şingalê Qadir Qaçax ragihand ku ji ber ku dengên xelkê Şingalê di hilbijartinan de nehatine hejmartin, PDKê gilî kir li dijî wan kesên ku bûne sedem ku dengê wan neyên hijmartin.

 
Nêçîrvan Barzanî: Rojên zehmet derbas dibin, siberojeke ronahî û geştir li pêşiya me ye

WEDNESDAY, 18 JULY 2018 16:07:21

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, ku piştî dorpêç û sizakirinên li ser Herêma Kurdistanê rojên zor û zehmet derbas bûne û diyar kir, ku niha siberojeke ronahî û geştir li pêşiya Herêma Kurdistanê ye.

 
Hozanvana Amazîxî: Pêwîst e Kurdistan bibe mînakek ji hemû navçeyê re

WEDNESDAY, 18 JULY 2018 14:07:22

Hewlêr-KDP.info- Ew hozanvana Amazîxî ya ku li ser piştgiriya referanduma serxwebûna Kurdistanê li welatê xwe ketibû zindanê, serdana Başûrê Kurdistanê kiriye.

 


 
© 2018 Kurdistan Democratic Party, KDP