Kurdî  ■  كوردی  ■  عربي
THU, 14 DEC 2017 09:28 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Eşîra Şemer: Çarenivîsa me û gelê Kurdistanê yek e
| KDP.info


 

Hewlêr-KDP.info- Serok Barzanî pêşwaziya Enwer Ehmed Ecîl Elyawer kir û di wê hevdîtinê de şanda mêvan tekez kir ku çarenivîsa wan bi ya gelê Kurdistanê ve girêdayî ye.

Îro sêşem 08.08.2017 li Selaheddîn Mesûd Barzanî Serokê Herêma Kurdistanê, pêşwaziya Şêx Enwer Ehmed Ecîl Elyawer kesayetiyê diyarê hoza Şemer û şandekî li gel kir.

 

Di hevdîtinê de Şêx Enwer bi navê xwe û hoza Şemer ve spas û pêzanînên xwe pêşkêşî Serok Barzanî û gelê Kurdistanê û Pêşmergeyên qehreman kir ku rûbirûyê terorîstan rawestan û DAIŞê têkşikandin. Bi taybetî jî pêzanînên xwe ji bo rola Pêşmerge ya li azadkirina navçeyên rojavayê çemê Dîcle hebû û ew rêz û hurmeta ji aliyê Pêşmerge ve li nîştecihên navçeyê girtiye û eve bi nîşana rewşt û ehlaqa bilind dane zanîn ku herdem gelê Kurdistanê û Serok Barzanî û Pêşmerge û pê hatine nasîn. Pêzanîneke zêde jî hebû ji bo gel û hikûmeta Herêma Kurdistanê ji bo hewandina wê hejmara zêdeya koçber û lêqewimiyan û ragihand ku ew camêriya gel û Hikûmeta Herêma Kurdistanê tu carî ji bîr nakin.

Her wiha tekez li ser peywendiya kevnar û birayaneya gelê Kurdistan û hoza Şemer kirin û piştevaniya xwe ji bo siyaset û helwestên Serok Barzanî û serkirdayetiya Kurdistanê dûpat kirin û tekez li ser hevçarenûsa xwe û gelê Kurdistanê kirin.

Li beranber da Serok Barzanî ji bilî bi xêrhatina wan, spasî Şêx Enwer û şanda li gel kir û tekez li ser tebayî û birayetiya di navbera Kurd û wan Ereban kir ku baweriya wan bi pêkvejiyanê heye û destê wan li gel terorîstên DAIŞê de nebûye.

Serok Barzanî eve jî dûpat kir ku ewê Pêşmerge û gelê Kurdistanê encam daye erkekî mirovî û niştîmaniye û Pêşmergeyên Kurdistanê bi navê parastina azadîxwazan da qurbanî daye û niha û paşarojê jî Pêşmerge parêzerê wê pêkvejiyanê dibe 




Nûçeyên din

Li Şingalê şer di navbera balên Heşda Şeibî de derket

WEDNESDAY, 13 DECEMBER 2017 18:12:05

Şingal-KDP.info- Çavkaniyekê ji Şingalê ragihand ku îro li Şingalê şer û pevçûn di navbera 2 balên Heşda Şeibî de rû da û kuştî û birîndar hene.

 
Hikûmet û Parlamentoya Kurdistanê dê bi hevahengî vê rewşê derbas bikin

WEDNESDAY, 13 DECEMBER 2017 18:12:55

Hewlêr-KDP.info- Îro di civîna xwe, Serokatiya Parlamentoya Kurdistanê û Serokatiya Hikûmeta Kurdistanê tekez kirin ku vê rewşa niha bi hevahengî di navbera xwe de derbas bikin.

 
Nûnerê Hikûmetê li Fransa: Heta Sersalê dê guhertinên mezin çêbibin..Fransa bi cidî hewl dide

WEDNESDAY, 13 DECEMBER 2017 14:12:40

Fransa-KDP.info- Nûnerê Hikûmeta Kurdistanê li Fransa Elî Dolemerî dibêje, Fransa bi cidî hewl dide ji bo çareserkirina pirsgirêkên di navbera Hewlêr û Bexdayê de û ji niha û heta Sersalê dê guhertinên mezin çêbibin û dê ew kêşe bên çareserkirin.

 
Bexda destûr cîbicî neke Kurd dê dîsa berê xwe bidin Serxwebûnê

WEDNESDAY, 13 DECEMBER 2017 13:12:10

Hewlêr-KDP.info- Amerîka û welatên Ewropî zextê li Bexdayê dikin ku dest bi danûstandinan bike ligel Herêma Kurdistanê û daxwaz jê dikin ku destûr bi temamî cîbicî bike. Siyasetmedarên Kurd jî dibêjin, eger Bexda destûr cîbicî neke, Kurdistan dê dîsa berê xwe bide pêngava serxwebûnê.

 
Serokwezîra Brîtanya: Ji bo parastina maf û nasnameya Kurdan emê tekoşîna xwe bidomînin

TUESDAY, 12 DECEMBER 2017 17:12:56

Hewlêr-KDP.info- Serokwezîrê Herêma Kurdistanê Nêçîrvan Barzanî bi rêya telefonê li gel Serokwezîra Brîtanyayê Theresa May axivî. May di çarçoveya destûra Iraqê de pişgiriya welatê xwe ya ji bo çareserkirina pirgirêkên di navbera Hewlêr û Bexdayê kir.

 


 
© 2017 Kurdistan Democratic Party, KDP