Kurdî  ■  كوردی  ■  عربي
FRI, 20 JUL 2018 13:18 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Komîteya Referandumê şanda danûstandinan ligel Bexdayê pesend kir
| KDP.info


Hewlêr-KDP.info- Komîteya Bilind a Referandumê biryar da ku şandeke danûstandinê bo gotûbêjkirina mijara referanduma Herêma Kurdistanê bişîne Bexdayê.

Îro Komîteya Bilind a Referandumê bi serpireştiya Serokê Herêma Kurdistanê Mesûd Barzanî civiya.

Civîna Komîteya Bilind a Referandumê derdora 2 saetan dom kir û berî demekê bi dawî hat û tê de çend biryar hatin dan.

Piştî civînê, daxuyaniyeke kurt derbarê naveroka civînê de hat weşandin û tê de tê gotin, ku “di civînê de pêşhatên herî dawî yên siyasî û helwestên navxweyî û navçeyî û navdewletî hatin gotûbêjkirin û nirxandin jê re hat kirin.”

Li gorî daxuyaniyê, di civîna xwe ya îro de Komîteya Bilind a Referandumê biryara birêkirina şandeke danûstandinê bo Bexdayê jî pesend kiriye.

Komîteya Bilind a Referandumê ragihadiye: “Biryara pêkanîna şandeke danûstandinê li gel Bexdayê hat pesendkirin û acenda û bernameya karê wê şandê jî biryar li ser hat dan.”

Roja 7ê Hezîrana 2017ê, hemû partî û aliyên siyasî yên Herêma Kurdistanê, ji bilî Tevgera Goran û Komela Îslamiya Kurdistanê, bi serpireştiya Serokê Herêma Kurdistanê civiyabûn û biryara sazdana referanduma bo serxwebûna Herêma Kurdistanê dabûn.

Li gorî wê biryara aliyên siyasî yên Kurdistanê, roja 25ê Îlona îsal bo birêveçûna referanduma Herêma Kurdistanê hatiye diyarkirin.

Di heman civînê de, herwiha biryar hatibû dan, ku ji bo xweşkirina zemîneyê û gotûbêjên bi Iraq, welatên cîran û civaka navdewletî re, çend sand û komîte bihêne avakirin.
 




Nûçeyên din

Kerkûk- Heşda Şeibî ji aliyekî û DAIŞ ji aliyê din ve gefan li Kurdên Kakeyî dikin

THURSDAY, 19 JULY 2018 18:07:23

Hewlêr-KDP.info- Kurdên Kakeyî di navbera Heşda Şeibî û DAIŞê de bûne qurbanî, ku herdû alî gefan li wan dikin. Bi roj Heşda Şeibî bi zorê wan çekdar dike û bi şev jî DAIŞ êrîş dike ser wan, ew jî ji tirsa dixwazin ji mal û gundên xwe bar bikin.

 
Berpirsê Pêwendiyên PDKê: Dorpêça ser Kurdistanê hat şikestin..Pêwendiyên Kurdistanê pir baş bûne

THURSDAY, 19 JULY 2018 17:07:43

Hewlêr-KDP.info- Berpirsê Pêwendiyên Derve yên PDKê Hoşyar Sîweylî ragihand, niha Herêma Kurdistanê pêwendiyên wê yên dîplomatîk pir baş in û ew dorpêça ku Bexda avêtibû ser Kurdistanê me karî bişkînin.

 
PDK: Bi qesdî dengê xelkê Şingalê hijmar nekirin.. Me gilî kiriye

WEDNESDAY, 18 JULY 2018 17:07:26

Şingal-KDP.info- Berpirsê Şaxa PDKê li Şingalê Qadir Qaçax ragihand ku ji ber ku dengên xelkê Şingalê di hilbijartinan de nehatine hejmartin, PDKê gilî kir li dijî wan kesên ku bûne sedem ku dengê wan neyên hijmartin.

 
Nêçîrvan Barzanî: Rojên zehmet derbas dibin, siberojeke ronahî û geştir li pêşiya me ye

WEDNESDAY, 18 JULY 2018 16:07:21

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, ku piştî dorpêç û sizakirinên li ser Herêma Kurdistanê rojên zor û zehmet derbas bûne û diyar kir, ku niha siberojeke ronahî û geştir li pêşiya Herêma Kurdistanê ye.

 
Hozanvana Amazîxî: Pêwîst e Kurdistan bibe mînakek ji hemû navçeyê re

WEDNESDAY, 18 JULY 2018 14:07:22

Hewlêr-KDP.info- Ew hozanvana Amazîxî ya ku li ser piştgiriya referanduma serxwebûna Kurdistanê li welatê xwe ketibû zindanê, serdana Başûrê Kurdistanê kiriye.

 


 
© 2018 Kurdistan Democratic Party, KDP