Kurdî  ■  كوردی  ■  عربي
THU, 14 DEC 2017 09:27 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Kurdistan ber bi serxwebûnê ve diçe..Mafê Xristiyanên Kurdistanê dê her parastî be
| KDP.info


Hewlêr-KDP.info- Serokê Herêma Kurdistanê Mesûd Barzanî bi helkevta bîranîna Roja Şehîd a Kildan-Suryan-Aşûrî peyamek belav kir û tê de ragihand, niha ku gelê Kurdistanê ber bi serxwebûnê ve pêngavan dihavêje, maf û daxwaziyên xuşk û birayên mesîhî yên li Kurdistanê di hemû qonaxan de dê parastî bin û biryatî û pêkvejiyan li Kurdistanê dê mikumtir bibe.

Serok Barzanî di destpêka peyama xwe de dibêje: “Bi boneya yada Roja Şehîd a Kildan-Suryan-Aşûrî, em hezaran silav bo canê pakê hemû şehîdên Kurdistanê û şehîdên komkujiya Sêmêlê dişînin, ku bi destê rejîma wê demê ya Iraqê di 7ê Tebaxa 1933an de hat encamdan û hejmareke zêde ya xûşk û birayên me yên Mesîhî bi şêweyeke dirindane hatin şehîdkirin.”

Serok Barzanî diyar kir, ku hevwelatiyên Mesîhî yên Kurdistanê di hemû qonaxan de li gel pêkhateyên din ên Kurdistanê hevbeş û hevçarenivîs in.

Serok Barzanî wiha got: “Komkujiya Sêmêlê beşek e ji wan êş û karestên ku hatiye sere xelkê Kurdistanê û belgeyeke bihêz e jî ji bo wê yekê ku di dewleta Iraqê de ne tenê şirîkatî bê wate bûye, belku cenosîd û qirkirin û komkujî para pêkhateyên netewî û olî bûye.

Di bîranîna heştê û çar salî ya wê karesatê de, ku hevdem e li gel sêyemîn salvegera êrişa dirindane ya DAIŞê bo ser xûşk û biryaên me yên Xristiyan û pêkhateyên din ên li Deşta Neynewayê, ez tekez dikim, ku xûşk û birayên me yên Mesîhî di berê, niha û paşerojê de, di êş û serkevtinan de, li gel hemû pêkhateyên din ên Kurdistanê hevçarenivîs û hevbeş in.”

Serokê Herêma Kurdistanê tekezî li ser parastina mafên Xristiyanên Kurdistanê dike û dibêje: “Niha jî ku gelê Kurdistanê berev serxwebûnê pêngavan dihavêje, maf û daxwazên xûşk û birayên Xristiyan yên li Kurdistanê di hemû qonaxan de parastî dibin û biratî û pêkvejiyan li Kurdistanê xurttir dibe.”

Mesûd Barzanî destnîşan dike: “Tekane dermanê hemû êşên me û tekane garantiya bo dubarenebûna karesatan ev e ku em ber bi serxwebûnê ve pêngavan bihavêjîn.”




Nûçeyên din

Li Şingalê şer di navbera balên Heşda Şeibî de derket

WEDNESDAY, 13 DECEMBER 2017 18:12:05

Şingal-KDP.info- Çavkaniyekê ji Şingalê ragihand ku îro li Şingalê şer û pevçûn di navbera 2 balên Heşda Şeibî de rû da û kuştî û birîndar hene.

 
Hikûmet û Parlamentoya Kurdistanê dê bi hevahengî vê rewşê derbas bikin

WEDNESDAY, 13 DECEMBER 2017 18:12:55

Hewlêr-KDP.info- Îro di civîna xwe, Serokatiya Parlamentoya Kurdistanê û Serokatiya Hikûmeta Kurdistanê tekez kirin ku vê rewşa niha bi hevahengî di navbera xwe de derbas bikin.

 
Nûnerê Hikûmetê li Fransa: Heta Sersalê dê guhertinên mezin çêbibin..Fransa bi cidî hewl dide

WEDNESDAY, 13 DECEMBER 2017 14:12:40

Fransa-KDP.info- Nûnerê Hikûmeta Kurdistanê li Fransa Elî Dolemerî dibêje, Fransa bi cidî hewl dide ji bo çareserkirina pirsgirêkên di navbera Hewlêr û Bexdayê de û ji niha û heta Sersalê dê guhertinên mezin çêbibin û dê ew kêşe bên çareserkirin.

 
Bexda destûr cîbicî neke Kurd dê dîsa berê xwe bidin Serxwebûnê

WEDNESDAY, 13 DECEMBER 2017 13:12:10

Hewlêr-KDP.info- Amerîka û welatên Ewropî zextê li Bexdayê dikin ku dest bi danûstandinan bike ligel Herêma Kurdistanê û daxwaz jê dikin ku destûr bi temamî cîbicî bike. Siyasetmedarên Kurd jî dibêjin, eger Bexda destûr cîbicî neke, Kurdistan dê dîsa berê xwe bide pêngava serxwebûnê.

 
Serokwezîra Brîtanya: Ji bo parastina maf û nasnameya Kurdan emê tekoşîna xwe bidomînin

TUESDAY, 12 DECEMBER 2017 17:12:56

Hewlêr-KDP.info- Serokwezîrê Herêma Kurdistanê Nêçîrvan Barzanî bi rêya telefonê li gel Serokwezîra Brîtanyayê Theresa May axivî. May di çarçoveya destûra Iraqê de pişgiriya welatê xwe ya ji bo çareserkirina pirgirêkên di navbera Hewlêr û Bexdayê kir.

 


 
© 2017 Kurdistan Democratic Party, KDP