Kurdî  ■  كوردی  ■  عربي
FRI, 20 JUL 2018 13:29 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî li Amerîka: Kurdistan dê bibe dewleta tevahiya pêkhateyan
| KDP.info


 

Washington-KDP.info- Şêwirmendê Encumena Asayişa Herêma Kurdistanê Mesrûr Barzanî li Waşingtonê ragihand: “Me rêya referandumê hilbijartiye û em dê çarenivîsa xwe diyar bikin.” Mesrûr Barzanî herwiha rexe li helwesta hin welatan girt, ku dibêjin niha dema referandumê nîne û tekez kir: “Ew dema em dihatin kîmyabarankirin, çima ti kesî nediaxivt?”

Mesrûr Barzanî ku di konfransa Kurdistan Hvepeymanê Stratejîkê Amerîka de, li Waşington a paytexta Amerîkayê diaxivt, got: “Heta kengê xelkê me bi vî şêweyî reftar li gel bihê kirin û paşerojeke geş nebe, ku civaka navdewletî parêzvaniyê lê bike?”

Mesrûr Barzanî ragihand: “Em dixwazin weke gelên din û welatên din serbixwe bin. Yek ji armancên Netewên Yekgirtî hebûna pêwendiya dostane ya navbera gelan e. Aya bi şêweyeke yeksan reftar li gel me tê kirin?”

Şêwirmendê Encumena Asayişa Herêma Kurdistanê di beşeke din a axavtina xwe de diyar kir: “Divê em dawiyê bi wê tepeserkirinê bihînin, em nikarin bêdeng bin û tiştekê nekin heta ku xelek din li cihê me biryarê bidin. Gelo dema biryardana me kengê ye? Ew dema ku em dihatin kîmyabarankirin, çima ti kesî neaxivt û nedigotin, dema wê nîne ku Kurd bêne kîmyabarankirin?”

Derbarê wê çendê ku hinek ji welat dibêjin, niha ne dema referandumê ye, Mesrûr Barzanî got: “Di hemû qonaxên pêş DAIŞê û paş DAIşê de, ji me re dibêjin, niha dema wê yekê nîne. Êdî kengê dema wê ye ku em biryarê li ser çarenivîsa xwe bidin?”

Mesrûr Barzanî amaje bi siyasetên Iraqê yên li hember Kurdan kir û da zanîn: “Eger em bera xwe bidin siyaseta Iraqê, di 80 salên salên bihorî de ti serkevtin bi dest nexistiye û ji niha paş ve jî serkevtî nabe û dive ez bibêjim ku dê xirabtir jî bibe. Divê em çareseriyeke rasteqîn bibînin û me rêya xwe diyar kiriye.”

Şêwirmenda Encumena Asayişa Herêma Kurdistanê destnîşan kir: “Hikûmeta Iraqê di heyama bihorî de hemû rêyên serbazî ceribandiye, lê belê me rêya aştiyê hilbijart û niha jî em rêya gotûbêjê hildibijêrin. Em niha rêya referandumê hilbijartiye, da ku li ser encamên referandumê li gel cîhanê û Bexdayê biaxivîn.”

Di berdewamiya axavtina xwe de, Mesrûr Barzanî diyar kir: “Şikesta siyaseta hikûmeta Iraqê bû, ku DAIŞ çê kir û 1 milyon 800 hezar aware berê xwe dane Herêma Kurdistanê û di wê demê de jî bûdceya Kurdistanê birîn û di heman demê de jî rêgir bûn ji wê yekê ku çek bigihîje me, ne tenê ku bi xwe çek nedan me.”

Mesrûr Barzanî got: “Kurdistan dê bibe welatê tevahiya pêkhateyan, niha Kurdistan tekane devera cihê hêviyê li Rojhilata Navîn e. Ji wan cihên ku ber bi tayifîbûnê ve diçin, Kurdistan tekane cih e ku bûye cihê hêviya hemû pêkhateyan bêyî ti ciyawaziyan.”

Mesrûr Barzanî tekez kir: “Bêyî serxwebûna Kurdistanê hemû tiştek di xeterê de ye.”

Şêwirmendê Encumena Asayişa Herêma Kurdistanê wiha got: “Hikûmeta Iraqê nexwest xelkê navçeyên Kurdistanî biryarê li ser çarenivîsa xwe bidin, lê emê di referandumê de derfetê bidin wan ku biryara xwe bidin û emê rêzê jî li biryara wan bigrin. Êdî em û Iraq ne şirîkê hev in û bila em bibin cîranê hev. Em nikarin êdî ligel Iraqê bin.”
Derbarê pirsa gelo piştî ragihandina serxwebûna Kurdistanê dê Tirkiye tankên xwe neşîne ser Başûrê Kurdistanê, Mesrûr Barzanî ragihand: “Pêwendiyên me û Tirkiyê baş in û ez bawer nakim ku ew tankên xwe bişîne ser Kurdistanê. Herwiha em ji bo ti welatî şerê PKKê jî nakin.”

Li ser rewşa Rojavayê Kurdistanê jî, Mesrûr Barzanî wiha got: “Ne tenê PYDê li Rojavayê Kurdistanê heye û hêz û aliyên din jî hene lê ew ji aliyê PYDê ve hatine dûrxistin. Me wek Herêma Kurdistanê gelek caran hewl daye ku wan nêzîkî hev bikin û wan bikin yek dest, lê ew yek biser nediket. Em dîsa jî daxwaz ji wan dikin ku destê xwe bidin hev û pêkve kar bikin û ji bo serxistina wê yekê jî em amade ne dîsa alîkar bin.”
 




Nûçeyên din

Kerkûk- Heşda Şeibî ji aliyekî û DAIŞ ji aliyê din ve gefan li Kurdên Kakeyî dikin

THURSDAY, 19 JULY 2018 18:07:23

Hewlêr-KDP.info- Kurdên Kakeyî di navbera Heşda Şeibî û DAIŞê de bûne qurbanî, ku herdû alî gefan li wan dikin. Bi roj Heşda Şeibî bi zorê wan çekdar dike û bi şev jî DAIŞ êrîş dike ser wan, ew jî ji tirsa dixwazin ji mal û gundên xwe bar bikin.

 
Berpirsê Pêwendiyên PDKê: Dorpêça ser Kurdistanê hat şikestin..Pêwendiyên Kurdistanê pir baş bûne

THURSDAY, 19 JULY 2018 17:07:43

Hewlêr-KDP.info- Berpirsê Pêwendiyên Derve yên PDKê Hoşyar Sîweylî ragihand, niha Herêma Kurdistanê pêwendiyên wê yên dîplomatîk pir baş in û ew dorpêça ku Bexda avêtibû ser Kurdistanê me karî bişkînin.

 
PDK: Bi qesdî dengê xelkê Şingalê hijmar nekirin.. Me gilî kiriye

WEDNESDAY, 18 JULY 2018 17:07:26

Şingal-KDP.info- Berpirsê Şaxa PDKê li Şingalê Qadir Qaçax ragihand ku ji ber ku dengên xelkê Şingalê di hilbijartinan de nehatine hejmartin, PDKê gilî kir li dijî wan kesên ku bûne sedem ku dengê wan neyên hijmartin.

 
Nêçîrvan Barzanî: Rojên zehmet derbas dibin, siberojeke ronahî û geştir li pêşiya me ye

WEDNESDAY, 18 JULY 2018 16:07:21

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand, ku piştî dorpêç û sizakirinên li ser Herêma Kurdistanê rojên zor û zehmet derbas bûne û diyar kir, ku niha siberojeke ronahî û geştir li pêşiya Herêma Kurdistanê ye.

 
Hozanvana Amazîxî: Pêwîst e Kurdistan bibe mînakek ji hemû navçeyê re

WEDNESDAY, 18 JULY 2018 14:07:22

Hewlêr-KDP.info- Ew hozanvana Amazîxî ya ku li ser piştgiriya referanduma serxwebûna Kurdistanê li welatê xwe ketibû zindanê, serdana Başûrê Kurdistanê kiriye.

 


 
© 2018 Kurdistan Democratic Party, KDP