Kurdî  ■  كوردی  ■  عربي
THU, 14 DEC 2017 09:27 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Washington Times: Dostê sitratejîk ê herî nêzîkî Amerîka, Kurdistan e
| KDP.info


Amerîka-KDP.info- Rojnameya Washington Times a Amerîkî di mijareke taybet de bi destên sitratejîk ên Amerîka li Rojhilata Navîn, dinivisîne, dostê herî nêzîk li Rojhilata Navîn ji Amerîka re, Kurdistan e û Kurdan rolekî gelekî bi bandor li navçeyê lîstine.

Bûyerên siyasî yên li navçeyê nîşanî cîhanê dane ku Rojhilata Navîn, Herêma Kurdistanê di 25 salên borî de, kedeke mezin ji bo aramiya navçeyê û ji bo jinavbirina terorê û cîbicîkirina bingehên demokrasiyê, kiriye.

Jibilî ku Herêma Kurdistanê niha li cîhanê wek tekane hêz ku DAIŞ jinav bir, tê naskirin, herwiha Kurdistanê pêkhateyên olî û neteweyî jî parastine û nêzîkî 2 milyon koçberan xwe avêtine mala Kurdistanê û Kurdistanê jî ew hewandine.

Ev serkeftinên Kurdan li Rojhilata Navîn di rojnameya Washington Times de cih girtine. Di destpêka wê mijarê de, hatiye nivîsandin ku îsal 25 sal bi ser yekem hilbijartina parlamento û Hikûmeta Kurdistanê derbas dibe û tîne bîra cîhanê ku çawa Amerîka û hevpeymaniyên wê yên Ewropa di sala 1991ê de Herêma Kurdistanê parastin ji destê rêjîma Iraqê û ji wê demê de û heta niha Kurdistan ber bi nirxên demokrasiyê ve diçe.

Rast e ew rojnameya Amerîkî behsa parastina Herêma Kurdistanê ji aliyê Amerîka û hevpeymaniyên wê ve dike, lê tê zanîn jî ku Kurd bi destê xwe gelek ked û xebat ji bo azadiyê kirine, ku ji encama çendîn şoreşên mezin gihîştin roja Raperînê di sala 1991ê de û karîn rêjîma Beis bişkînin û wê neçar bikin îtîrafê bi mafê Kurdan bike û bi vê yekê Kurdistan azad bû. Hevdem di şerê li dijî DAIŞê de, Hêzên Pêşmerge pir bi mêrxasî rûbirûyê wan terorîstan bûn û wek Serokê Herêma Kurdistanê Mesûd Barzanî di gotarekê de li Parlamentoya Ewropayê de got, Hêzên Pêşmerge karîn 30 hezar kîlometir ji axa Kurdistanê ji destê DAIŞê rizgar bikin û 15 hezar DAIŞî jî tê çûn.

Washington Times di wê mijara xwe de mîşan dide ku salên 90an de Amerîka Kurd ji êrişên Sedam Husên parastin, herwiha pişgiriya Kurdan kir di Iraqa piştî Sedam de jî. Herwiha sala 2014ê dema DAIŞê berê xwe da Iraq û Herêma Kurdistanê, Amerîka dîsa Herêma Kurdistanê parast û niha jî berdewam e li ser alîkariya Kurdistanê.

Niha pêdviya Amerîka bi dostekî sitratejîk li Rojhilata Navîn heye, ew dostê sitratejîk jî Kurdistan e, ji ber ku bandora Kurdan li ser bûyerên navçeyê zêde ye.

Washington Times di wesfê Herêma Kurdistanê de nivîsandiye, Herêma Kurdistanê dikeve dilê Rojhilata Navîn, ne tenê hewcebûna Amerîka bi dostayetiya Kurdistanê heye, lê belê Amerîka gelekî jî hewceyî Kurdistanê ye. Kurd dê roleke mezin bibînin di çareserkirina pirsgirêkên navçeyê de, lewma jî dostê sitratejîk ê herî nêzîkî Amerîka, Kurdistan e.




Nûçeyên din

Li Şingalê şer di navbera balên Heşda Şeibî de derket

WEDNESDAY, 13 DECEMBER 2017 18:12:05

Şingal-KDP.info- Çavkaniyekê ji Şingalê ragihand ku îro li Şingalê şer û pevçûn di navbera 2 balên Heşda Şeibî de rû da û kuştî û birîndar hene.

 
Hikûmet û Parlamentoya Kurdistanê dê bi hevahengî vê rewşê derbas bikin

WEDNESDAY, 13 DECEMBER 2017 18:12:55

Hewlêr-KDP.info- Îro di civîna xwe, Serokatiya Parlamentoya Kurdistanê û Serokatiya Hikûmeta Kurdistanê tekez kirin ku vê rewşa niha bi hevahengî di navbera xwe de derbas bikin.

 
Nûnerê Hikûmetê li Fransa: Heta Sersalê dê guhertinên mezin çêbibin..Fransa bi cidî hewl dide

WEDNESDAY, 13 DECEMBER 2017 14:12:40

Fransa-KDP.info- Nûnerê Hikûmeta Kurdistanê li Fransa Elî Dolemerî dibêje, Fransa bi cidî hewl dide ji bo çareserkirina pirsgirêkên di navbera Hewlêr û Bexdayê de û ji niha û heta Sersalê dê guhertinên mezin çêbibin û dê ew kêşe bên çareserkirin.

 
Bexda destûr cîbicî neke Kurd dê dîsa berê xwe bidin Serxwebûnê

WEDNESDAY, 13 DECEMBER 2017 13:12:10

Hewlêr-KDP.info- Amerîka û welatên Ewropî zextê li Bexdayê dikin ku dest bi danûstandinan bike ligel Herêma Kurdistanê û daxwaz jê dikin ku destûr bi temamî cîbicî bike. Siyasetmedarên Kurd jî dibêjin, eger Bexda destûr cîbicî neke, Kurdistan dê dîsa berê xwe bide pêngava serxwebûnê.

 
Serokwezîra Brîtanya: Ji bo parastina maf û nasnameya Kurdan emê tekoşîna xwe bidomînin

TUESDAY, 12 DECEMBER 2017 17:12:56

Hewlêr-KDP.info- Serokwezîrê Herêma Kurdistanê Nêçîrvan Barzanî bi rêya telefonê li gel Serokwezîra Brîtanyayê Theresa May axivî. May di çarçoveya destûra Iraqê de pişgiriya welatê xwe ya ji bo çareserkirina pirgirêkên di navbera Hewlêr û Bexdayê kir.

 


 
© 2017 Kurdistan Democratic Party, KDP