Kurdî  ■  كوردی  ■  عربي
MON, 25 SEP 2017 14:24 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Heyder Şeşo partiya xwe ragihand..Divê Şingal vegere ser Herêma Kurdistanê
| KDP.info


 

Dihok-KDP.info- Fermandarê Hêza Parastina Êzîdxanê Heyder Şeşo îro li parêzgeha Dihokê partiya xwe ya nû ragihand û navê wê kir Partiya Êzdî ya Demokrat. Wek serokê wê partiyê dibêje, ew piştgiriyê li referanduma serxwebûna Başûrê Kurdistanê dikin û dixwazin Şingal vegere ser Herêma Kurdistanê.

Heyder Şeşo ji malpera KDP.info re ragihand: “Me kongireya xwe li Dihokê lidar xist ji ber ku piraniya Êzdiyan li parêzgeha Dihokê ne wek koçber, ku nêzîkî %80 ji Êzdiyan e. Herwiha em spasiya Parêzgarê Dihokê û hêzên ewlehiyê dikin li ser alîkariya wan ji bo serxistina kongireyê me.”
Şeşo wiha got: “Partiya me serbixwe ye û ne ser bi ti aliyekî ve ye. Pêwendiya me bi hemû aliyan re xweş e û ti gavê em nikarin li dûrî wan bin. Armanca me jî ji avakirina vê partiyê xizmetkirin û bidestanîna mafê rewa yê Êzdiyan e.”
Şeşo wiha got: “Partiya me pirsa referandumê wek pirseke pir pir girîng dibîne û bi nêrîna me jî divê Êzdî hemû vê pirsê girîng bibînin, ji ber ku Kurdistan axa me ye û welatê me ye û referandum man û nemana me ye, ku divê referandum li hemû navçeyên Êzdiyan birêve biçe û divê Şingal bi fermî vegere ser Herêma Kurdistanê, ji ber ku Êzîdxan Kurdistan e û Kurdistan Êzîdxan e û nabe em jihev cuda bikin.”
 




Nûçeyên din

Komîsyon: Kerkûkî bi rêjeyeke bilind dengê xwe didin

MONDAY, 25 SEPTEMBER 2017 12:09:04

Kerkûk-KDP.info- Berpirseke pilebilind ji Komîsyona Hilbijartinê li Kerkûkê dibêje, rêjeya beşdariya xelkê Kerkûkê di referandumê de bilind a û hemû neteweyên Kerkûkê jî bi bê cudahê dengê xwe didin.

 
Mihemedê Hacî Mehmûd dengê xwe da

MONDAY, 25 SEPTEMBER 2017 12:09:16

Silêmanî-KDP.info- Îro danê sibehê, Sekreterê Giştî yê Partiya Sosyalist Demokrat a Kurdistanê Mihemedê Hacî Mehmûd dengê xwe da serxwebûna Kurdistanê.

 
Kerîm: Kerkûk aram e..Emê jiyaneke bextewer bo pêkhateyan dabîn bikin

MONDAY, 25 SEPTEMBER 2017 11:09:07

Kerkûk-KDP.info- Parêzgerê Kerkûkê Necmedîn Kerîm di binkeyek dengdanê yê li Kerkûkê de dengê xwe yê ji bo referandûma serxwebûna Kurdistanê bikaranî û ragihand ku rewşa Kerkûkê aram e û emê jiyaneke bextewer bo pêkhateyan dabîn bikin.

 
Tevgera bazirganî û geştiyarî li xalên sînorê asayî ye

MONDAY, 25 SEPTEMBER 2017 11:09:14

Hewlêr-KDP.info- Berûvajî hemû daxuyaniyên berpirsên Tirkiyê û nêrîna kesayetiyên siyasî û pisporên aborî, îro tevgera bazirganî di navbera Başûrê Kurdistanê û Tirkiyê de asayî ye.

 
Serok Barzanî dengê xwe da serxwebûna Kurdistanê

MONDAY, 25 SEPTEMBER 2017 11:09:07

Hewlêr-KDP.info- Serokê Herêma Kurdistanê Mesûd Barzanî li Pîrmamê çû ser sinduqa dengdana referanduma Başûrê Kurdistanê û got Erê ji serxwebûna re.

 


 
© 2017 Kurdistan Democratic Party, KDP