Kurdî  ■  كوردی  ■  عربي
THU, 19 APR 2018 12:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî bo Amerîka: Em ber bi serxwebûnê ve diçin
| KDP.info


Hewlêr-KDP.info- Serokê Herêma Kurdistanê Mesûd Barzanî ji Balyozê Amerîka li Iraqê re tekez kir ku gelê Kurdistanê bi riya diyalogê û bi aştiyane ber bi serxwebûnê ve diçe. Balyozê Amerîka jî hêvî xwest ku referanduma Başûrê Kurdistanê bi riya diyalog û jihevtêgiheştinê be di navbera Hewlêr û Bexdayê de.

Îro Dûşema 03.07.2017 li Selaheddîn Mesûd Barzanî Serokê Herêma Kurdistanê pêşwaziya Douglas Silliman Balyozê Amerîka li Iraqê û şanda ligel wî kir.

Di destpêka hevdîtinê de Balyozê Amerîka li Iraqê spasiyên welatê xwe ji bo rola Serok Barzanî û Pêşmergeyên Kurdistanê li têkşikandina terorîstên DAIŞê derbirî û bi girîngiyê ve behsa hemahengî û hevkariya her dû aliyan ya li şerê dijî terorê kir û tekez li ser berdewamiya wê hemahengî û hevkariyan kir.

Herwiha ji bo wê hemahengiya bêhempa ya li operasyona azakirina Mûsilê da li gel Iraqê hebuye spasî Herêma Kurdistanê kir û bi bilind nirxand û rêz û pêzanînên zêde jî ji bo Herêma Kurdistanê hebû ku li wê rewşa giran de pêşwaziya wê hejmara zêdeya koçber û penaberan kiriye û wekî bihayekî bilind ê mirovî wesif kir.

Her li vê hevdîtinê de behsa operasyona azadkirina Musilê û encamên wê kirin û behsa wan nîgeraniyan jî kirin ku bi sedema kirdarên berevajiya rêkkeftin û hevdû têgihîştinan hatine encam dan û li paşarojê de dibine sedema dirustbûna kêşeyên mezintir û metirsî li ser pêkvejiyana pêkhatên wê parêzgehê dirust dikin. Li vî derbarî de Serokê Herêma Kurdistanê ji bo rola wan ya li şerê terorê û yarmetîdana gelê Kurdistanê û hêzên Pêşmerge spas û pêzanînên xwe ji bo gel û hikûmet û artêşa Amerîka derbirî û ronahî kir ku qonaxa piştî DAIŞê gelek hestiyare û pêwîste rê li dûbarebûna wan bingehan bê girtin ku bûye sedema serhildana DAIŞê.

Serok Barzanî bi bîra şanda mîhvan anî ku berî destpêkirina operasyonê me daxwaz dikir li gel hebûna plana serbazî pêwîste planekî siyasî û îdarî jî ji bo parêzgeha Nînowa li piştî derxistina DAIŞê hebê lê belê mixabin ew rêkkeftin nehate kirin û niha di destpêkê de kêşe derketine.

Serok Barzanî careke din jî tekez kir ku her çende li sayeya hemahengî û hevkariya hêzên Pêşmergeyên Kurdistanê û artêşa Iraqê û piştevaniya hevpeymanên navdewletî ya bi serokayetiya Amerîka, wiha mijule operasyona azadkirina Musilê bi têkşikandin û derxistina DAIŞê li Musilê bi dawî tê, lê belê nemana DAIŞê li Musil bi wateya dawî hatina DAIŞê û terorê nayê û pêwîste ew sedem nemînin ku bûye sedema serhildan û bihêzbûna terorê û divê pêkhatên wê parêzgehê hest bi bawerî û parastiya jiyana xwe bikin.

Her di vê hevdîtinê de bi têr û tije behsa biryara gelê Kurdistanê ya ji bo encamdana referandûmê ya li 25 ê Eylûlê kirin û Serok Barzanî bi hurî wan sedeman ronahî kir ku hana gelê Kurdistanê daye berev referandûmê hengavan bavêjin û tekez li wê yekê kir ku gelê Kurdistanê li rêya diyalog û bi amrazên aştiyane berev serbixweyî û mîsogerkirina mafên xwe ve diçe û eve jî bi navê rêgirtina li dûbarebûna şer û giriftên nû ye.

Ji aliyê xwe ve Balyozê Amerîka hêvî xwest babeta referandûm û peywendiyên Hewlêr û Bexda li rêya diyalog û hevdû têgihîştina her dû aliyan bê.




Nûçeyên din

Berdevkê PDKê: Baweriyek xûrt a gelên Kurdistanê bi PDKê heye

WEDNESDAY, 18 APRIL 2018 18:04:13

Hewlêr-KDP.info- Encûmena Birêvebir a Serokatiyê ya Partiya Demokrat a Kurdistanê derbarê hilbijartinên Iraqê yên 12ê Gulana îsal li Pîrmam civiya û Berdevkê PDKê derbarê wê civînê ragihand ku baweriyek xûrt a gelên Kurdistanê bi PDKê heye.

 
NY û Kurdistan: Çareseriya pirsgîrêkan bi rêya diyalogê ye

WEDNESDAY, 18 APRIL 2018 18:04:54

Hewlêr-KDP.info- Neteweyên Yekgirtî û Hikûmeta Herêma Kurdistanê tekezî li ser çareserkirina pirsgirêkan di rêya diyalogê de kirin.

 
Zêbarî: PDKê hewl dide ji bo yekîtiya aliyên Kurdistanî li Bexdayê

WEDNESDAY, 18 APRIL 2018 15:04:43

Hewlêr-KDP.info- Endamekî polîtburoya PDKê dibêje, zêdebûna lîsteyên kurdan bo hilbijartinên Iraqê dê ziyanê bigihîne pêgeha kurdan li Bexdayê, lê PDKê hewl dide ji bo yekîtiya hemû aliyên Kurdistanî li Bexdayê piştî hilbijartinan.

 
Nêçîrvan Barzanî û Nûnerê Serokê Amerîka çend mijar gotûbêj kirin

WEDNESDAY, 18 APRIL 2018 13:04:46

Hewlêr-KDP.info- Serokwezîrê Herêma Kurdistanê Nêçîrvan Barzanî pêşwazî li şandeke amerîkî ya bi serokatiya Nûnerê Serokê Amerîkayê di Hevpeymaniya Navdewletî ya li Dijî DAIŞê de Brett McGurk kir. Di hevdîtinê de rewşa herêmê û Iraqê û herwiha hilbijartinên giştî yên Iraqê hatine gotûbêjkirin.

 
Serok Barzanî Çarşema Sor li Êzdiyan pîroz kir

TUESDAY, 17 APRIL 2018 23:04:59

Hewlêr-KDP.info- Serok Mesûd Barzanî di peyamekê de cejna Çarşema Sor li Êzdiyên Kurdistan û Iraq û cîhanê pîroz kir.

 


 
© 2018 Kurdistan Democratic Party, KDP