Kurdî  ■  كوردی  ■  عربي
THU, 22 FEB 2018 13:38 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Erê û sed carî erê ji referanduma serxwebûna Kurdistanê re
| KDP.info


 

Konê Reş

Erê.. Stranek pesin ji referanduma serxwebûna Kurdistanê re, ji roja 25ê Îlona 2017an re, roja serxwebûn û dewletbûna Kurdistanê re.. Erê.. Silav, pesin û stranek çiyayî ji 11ê îlona 1961ê re.. ji pêşmegeyên qehreman re, yên ku em bi xwîna wan gîhan vê qonaxê.. Erê.. Silav ji ilim û zanînê re.. Ji Kurdistanê re.. Kurdistana ku ji her gotinê mezintir e, ji her sînorî firehtir e.. Kurdistana ku em di bin banê wê de têne parastin û geşbîniyê bi ser me de dibarîne.. Erê ji referanduma serxwebûna Kurdistanê re û sed carî ERÊ.. Erê.. Bela êdî bes Ehmedê Xanî bibêje:

 

Ez mame di hikmeta Xwdê de, Kurmanc di dewleta dine de

Aya biçi wechî mane mehrûm, bilcumle ji bo çi bûne mehkûm?

Ger dê hebiwa me itîfaqek, vêkra bikira me inqiyadek

 

Erê.. Em ê bi geşbînî ji referandumê re dilîlînin. Ev referanduma ku bi xurtî li dergehê dewletên cîhanê dixîne û serxwebûna Kurdistanê bûye nûçeya yekemîn di medya cîhanî de.. Erê.. Bela careke din gotina Mîr Bedirxan di asmanê Kurdistanê de belav dibe: Dîn dinê Xwedê ye, em tev birayên hev in.. Û Misilman, Xiristyan û Êzidî tev bi aştî bi hev û din re li Kurdistana azad dijîn.. Erê.. Bela daxwazên Hacî Qadirê Koyî bibin rastî:

Ta rêk nekewin qebîlî ekrad

Her wa dibine xerabe abad!

Enwa`î mîlel le gewre ta çûk

Xemilîwe memalîkî wekû bûk

Yek berg in û yek zuban û yek reng

Bê xeybet û xeyb û `ar û bê deng..

 

Erê.. Bela êdî serxwebûna ku Cegerxwîn dixwest nema xewn be:

 

Ala rengî ta bi kengî dê li ser sînga me bî,

Lê divê ew serbilind bî, ser serayê berze bî.

Serxwebûn doza me ye, lê Pêşveçûn bo me divê.

Herne pêş, herne pêş, herne pêş..

Erê.. Stranek pesin ji 25ê îlonê re ji referanduma serxwebuna Kurdistanê re, ji avakirina dewleta Kurdî re..

Erê.. Ez nebawerim ku neferekî Kurd heye û ev referandum ne bi dilê wî ye.. Erê.. Wek nivîskarekî kurd, ez roja referanduma serxwebuna Kurdistanê rojek dîrokî dibînim, ji dil û can dibêjim (Erê) û pîroz dikim..

 




Nûçeyên din

Rûsya: Divê hikûmeta Sûriyê ligel Kurdan gotûbêjan bike

WEDNESDAY, 21 FEBRUARY 2018 19:02:54

Ajans-KDP.info- Wezîrê Derve yê Rûsyayê Sergey Lavrov ragihand ku divê hikûmeta Sûriyê dest bi gotûbêja ligel Kurdan bike û got: “Tevgerên Amerîkayê yên ser veqetandina Kurdan ji Sûriyê, xizmeta çareseriyê nekir.”

 
Serok Barzanî û şanda ENKSê rewşa Efrînê gotûbêj kirin

WEDNESDAY, 21 FEBRUARY 2018 18:02:51

Hewlêr-KDP.info- Serok Mesûd Barzanî, li Selaheddîn pêşwazî li Desteya Serokatiya Encûmena Niştimanî ya Kurdî li Sûrya (ENKS) kir û di wê civînê de rewşa Efrînê hat gotûbêjkirin.

 
Hêzên Sûriyê derbasî Efrînê bûn

TUESDAY, 20 FEBRUARY 2018 19:02:05

Ajans-KDP.info- Hêzên ser bi hikûmeta Sûriyê ve ku bi Hêzên Gel an jî Hêzên Şeibî tên naskirin, derbasî herêma Efrînê ya Rojavayê Kurdistanê bûn. Derbasbûna wan hêzan piştî rêkevtina navbera YPGê û hikûmeta Sûriyê hat.

 
Rewşa Kerkûkê xerab e..Hejmara tawanan zêde bûye

TUESDAY, 20 FEBRUARY 2018 19:02:45

Kerkûk-KDP.info- Piştî dagîrkirina Kerkûk û navçeyên Kurdistanî ji aliyê hêzên Iraqê û hêzên Heşda Şeibî ve, êdî rewşa Kerkûkê pir xerab bûye û wek welatiyên wî bajêrî dibêjin, hejmara tawanan zêde bûye.

 
Efrîn.. 171 welatiyên sivîl şehîd bûne

MONDAY, 19 FEBRUARY 2018 18:02:25

Efrîn-KDP.info- Rêveberê Nexweşxaneya Giştî ya Efrînê ragihand ku ji ber bordûmana balafirên şer ên Tirkiyê li ser Efrînê, 171 welatiyên sivîl şehîd bûne.

 


 
© 2017 Kurdistan Democratic Party, KDP