Kurdî  ■  كوردی  ■  عربي
TUE, 22 JAN 2019 00:21 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Kurdên Kakeyî piştgiriya referanduma Kurdistanê dikin
| KDP.info


 

 

Kerkûk-KDP.info- Kurdên Kakeyî jî wek pêkhateyên din ên Kurdistanê piştgiriya xwe ji bo referanduma serxwebûna Kurdistanê nîşan didin û dibêjin serxwebûna Kurdistanê tekane çare ye ji bo parastina Kakeyîyan, da ku careke din zilm û zordariyê nebînin.

Çalakvanê Kakeyî Receb Kakeyî ku xelkê Kerkûkê ye, ji malpera KDP.info re ragihand: “Helwêsta me helwêsteke niştimanî û zelal e li ser referandumê, ku em bi hemû awayekî piştgiriya wê dikin û ev xewna me ya sedê salan e. Em nikarin ligel Iraqeke mezhebger bijîn û ew jî dijayetiya me bikin, lewma jî em vê referandumê wek pêngaveke pir girîng dibînin, ji bo ku careke din rastî zilm û zordariyê nebin.”

Endamê Encumena Parêzgeha Helebçe Ako Şawîş ku Kakeyî ye, ji malpera KDP.info re ragihand: “Em pir dilxweş in bi referanduma Kurdistanê û bi ragihandina serxwebûna Kurdistanê, ji ber ku ev yek sûdê dighîne hemû gelê Kurdistanê ne tenê Kakeyî, ji ber vê yekê jî em piştgiriya wê dikin. Ez wek nûnerekî Kakeyîyan dibêjim hêviya me Kurdistaneke serbixwe ye û Kakeyî di hemû kursiyên dewletê de hebin.”

Derbarê vê pirsê, Samî Refiet Kakeyî Endamê Encumena Qezaya Daqûq ji malpera KDP.info re ragihand: “Referandum pêngavek e ber ber bi serxwebûnê ve û bi awayekî giştî em wek Kakeyî ligel wê ne, ku ev xwena tevahiya gelê Kurd e ne tenê Kakeyê û pêwîst e em hemû piştgiriyê lê bikin, da ku ev prose bi ser bikeve û xwena me hemûyan bicîh were û em bibin xwedî welateke serbixwe.”

 
 
 



Nûçeyên din

Hêzên Hevpeymanan bi çaksazî û hevkariya Pêşmerge berdewam dibin

MONDAY, 21 JANUARY 2019 17:01:08

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî ligel Cîgirê Fermandarê Operasyonên Giştî yên Hevpeymana Navdewletî li Bexda General Austin Renforth û şanda pê re dawî pêşhatên navçê, pêşxistina mîkanîzma hevahengiyê di navbera hêzên pêwendîdar û rûbirûbûna gefên terorizma DAIŞê gotûvêj kirin.

 
Serok Barzanî û Elawî guhertinên navçeyê gotûbêj kirin

MONDAY, 21 JANUARY 2019 17:01:30

Hewlêr-KDP.info- Serok Mesûd Barzanî pêşwaziya siyasetmedarê Iraqê Eyad Elawî kir û di wê hevdîtinê de rewşa siyasî û guhertinên ku navçeyê çêdibin, hatin gotûbêjkirin.

Serok Barzanî û Mihemed Hacî Mehmûd li ser çend mijaran axivîn

MONDAY, 21 JANUARY 2019 17:01:57

Hewlêr-KDP.info- Serok Mesûd Barzanî pêşwaziya Sekreterê Giştiyê Partiya Sosyalîsta Demokrata Kurdistanê kir û di wê hevdîtinê de çaend mijar hatin gotûbêjkirin.

Hêzên Amerîka dê li hemû navçeyên Kurdistanî yên madeya 140 bicîh bibin

SUNDAY, 20 JANUARY 2019 18:01:08

Xaneqîn-KDP.info- Berpirsê Şaxa PDKê li Xaneqîn ragihand ku hêzên Amerîkî çûbûn Xaneqîn û dixwazin li navendên xwe yên li Xaneqîn bicîh bibin. Herwiha hatibû ragihandin ku hêzên Amerîka dê li navçeyên Kurdistanî yên li Mûsil û Kerkûk jî bicîh bibin.

Pisporê Fransî Gerard Chaliand serdana mezarê nemiran kir

SATURDAY, 19 JANUARY 2019 18:01:45

Barzan-KDP.info- Şareza û pisporê Fransî yê navdar Gerard Chaliand li devera Barzan serdana mezarê Barzaniyê Nemir û Îdrîs Barzanî kir û li wir got ku Barzaniyê Nemir 50 salî xebat û têkoşîn kiriye ji bo ku gelê wî bi azadî bijî.

 


 
© 2018 Kurdistan Democratic Party, KDP