Kurdî  ■  كوردی  ■  عربي
THU, 22 FEB 2018 13:52 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî ligel Şahê Urdinê civiya
| KDP.info


 

Urdin-KDP.info- Piştî ku Serokê Herêma Kurdistanê Mesûd Barzanî gihîşt Urdinê di serî de ligel Şah Abdullah Padşayê Şahnişîna Urdinê civiya.

Roja pênçşem 18.05.2017 Mesûd Barzanî Serokê Herêma Kurdistanê li ser vexwendina fermî ya Şah Abdullah Padşayê Şahnişîna Urdinê û bi mebesta beşdarîkirina li Korbenda Aborî ya Cîhanî li Deryaya Mirî ya Urdinê serdana Şahnişînê Urdinê kir û li Firokxaneya Ammana paytexta Şahnişîna Urdinê ji aliyê şandekî hikûmî û serbazî ya wî welatî ve hate pêşwazî kirin ku ji Emîr Feysel Bin Husên û Abdullah Urîkat Şêwirmendê Padşayê Urdin û Wezîrê Pîşesazî û Bazirganiya Urdin û Parêzgerê Ammana paytext û Nûnerê hêzên çekdarên welatê Urdinê pêk hatibû.

 

Li yekemîn wêstgeha serdana xwe ya Şahnişîna Urdinê birêz Mesûd Barzanî li gel Şah Abdullah Padşayê Urdinê civiya.

Di vê civîna dûqoliyê de her dû aliyan di derbarê rewşa siyasî ya navçeyê û pêşhatên siyasiyên dawî yên li ser asta herêmayetî û navdewletî û şerê terorê de danustandina bîr û ramanan kirin.

 

Her di nîvroya heman rojê firavînek li ser şerefa Serok Barzanî ji aliyê Şah Abdullah Padşayê Urdinê hate rêkxistin û li wê firavînê da Emîr Feysel Bin Husên û Serokê Dezgeha Hewalgiriya(îstîxbarat) Urdinê û Serok Erkanê Artêşê û çend berpirseke bilindê wî welatî amade bûn.

 

Êvariya heman rojê birêz Mesûd Barzanî bi mebesta rewş û halpirsînê serdana çend Pêşmergeyekî birîndar yên li nexweşxaneya Bajarê Pizîşkî ya Elhusên kir û ji nêzîk ve hal û rewşa tendirustiya Pêşmergeyên birîndar pirsî û hêviya başbûna bi lez ji bo wan xwest ku li wê nexweşxaneyê da li bin çareseriya pizîşkîdane
 




Nûçeyên din

Rûsya: Divê hikûmeta Sûriyê ligel Kurdan gotûbêjan bike

WEDNESDAY, 21 FEBRUARY 2018 19:02:54

Ajans-KDP.info- Wezîrê Derve yê Rûsyayê Sergey Lavrov ragihand ku divê hikûmeta Sûriyê dest bi gotûbêja ligel Kurdan bike û got: “Tevgerên Amerîkayê yên ser veqetandina Kurdan ji Sûriyê, xizmeta çareseriyê nekir.”

 
Serok Barzanî û şanda ENKSê rewşa Efrînê gotûbêj kirin

WEDNESDAY, 21 FEBRUARY 2018 18:02:51

Hewlêr-KDP.info- Serok Mesûd Barzanî, li Selaheddîn pêşwazî li Desteya Serokatiya Encûmena Niştimanî ya Kurdî li Sûrya (ENKS) kir û di wê civînê de rewşa Efrînê hat gotûbêjkirin.

 
Hêzên Sûriyê derbasî Efrînê bûn

TUESDAY, 20 FEBRUARY 2018 19:02:05

Ajans-KDP.info- Hêzên ser bi hikûmeta Sûriyê ve ku bi Hêzên Gel an jî Hêzên Şeibî tên naskirin, derbasî herêma Efrînê ya Rojavayê Kurdistanê bûn. Derbasbûna wan hêzan piştî rêkevtina navbera YPGê û hikûmeta Sûriyê hat.

 
Rewşa Kerkûkê xerab e..Hejmara tawanan zêde bûye

TUESDAY, 20 FEBRUARY 2018 19:02:45

Kerkûk-KDP.info- Piştî dagîrkirina Kerkûk û navçeyên Kurdistanî ji aliyê hêzên Iraqê û hêzên Heşda Şeibî ve, êdî rewşa Kerkûkê pir xerab bûye û wek welatiyên wî bajêrî dibêjin, hejmara tawanan zêde bûye.

 
Efrîn.. 171 welatiyên sivîl şehîd bûne

MONDAY, 19 FEBRUARY 2018 18:02:25

Efrîn-KDP.info- Rêveberê Nexweşxaneya Giştî ya Efrînê ragihand ku ji ber bordûmana balafirên şer ên Tirkiyê li ser Efrînê, 171 welatiyên sivîl şehîd bûne.

 


 
© 2017 Kurdistan Democratic Party, KDP