Kurdî  ■  كوردی  ■  عربي
TUE, 30 MAY 2017 08:27 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Pêşmergeyên Eylûl û Gulanê: Jibilî serxwebûnê em bi tiştekî din razî nabin
| KDP.info


Hewlêr-KDP.info- Pêşmergeyên herdu şoreşên Eylûl û Gulanê dibêjin, ji bo ku xebat û têkoşîna me vala neçe, jibilî serxwebûnê em tiştekî din naxwazin, lewma jî pêwîst e bilez rojek ji referandumê re bê diyarkirin û em biryarê li ser çarenivîsa xwe bidin.

Zikrî Hemîd, ku Pêşmergeyê herdu şoreşên Eylûl û Gulanê ye, ji malpera KDP.info re ragihand: “Di nava 100 salên borî de me gelek xebat kiriye û me gelek qurbanî dane, ew jî ji bo ku am bi azadî bijîn. Ti gavek li ser çiyayên Kurdistanê nemaye ku me xwîn li ser nerijandibe. Lewma jî em daxwaz ji hemû aliyên siyasî dikin ku yekrêz ûyekgirtî bin û piştgîriyê li biryar û pêngavên Serok Barzanî bikin, da ku em referandumê bikin û serxwebûna xwe rabighînin.”

Pêşmergeyê dêrîn, Hacî Qadir jî dibêje: “Ez di gelek şer û dastanan de beşdar bûme û li dijî dijmin rawestiya me, ew jî ji bo ku em wek gelê Kurd bi azadî bijîn. Niha hin alî dixwazin pirsgirêkan derxînin ji bo ku em neghên wê armanca xwe ya ku me qurbanî di ber de nane. Lê em wek Pêşmergeyên herdu şoreşên Eylûl û Gulanê, jibilî serxwebûnê bi tiştekî din razî nabin, lewma jî em daxwaz dikin bilez rojek ji bo lidarxistina referandumê were diyarkirin û em jê re bêjin erê ji serxwebûna Kurdistanê re.”

Herwiha Pêşmerge Şerîf Mihyedîn jî dibêje: “Temenê min 10 sal bû dema ku ez bûm Pêşmerge, niha jî temenê min 60 sal e û hêj ez Pêşmerge me û amade me her Pêşmerge bim ji bo gelê xwe. Me ewqas ked û xebat û têkoşan kiriye ku em bighên hêvî û armancên xwe ku ew jî serxwebûn e, lewma jî em daxwaz dikin ku ji bo ku xebata me vala neçe, referandum bê kirin û em tê de serxwebûnê hilbijêrin û em bi çavê xwe berhema xebat û têkoşîna xwe bibînin.”




Nûçeyên din

PKK çekdarên xwe li Şingalê kom dike..Nêta wan a şer e

MONDAY, 29 MAY 2017 21:05:35

Şingal-KDP.info- Berpirsekî PDKê metirsiyên PKKê li ser Şingalê eşkere dike û dibêje, PKK ciwan û çekdarên xwe ji bajarên din ên Kurdistanê tîne Şingalê.

 
Fransa: Em piştgiriya her gavekê dikin ku, aramiyê li Kurdistanê zêde bike

MONDAY, 29 MAY 2017 18:05:53

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî pêşwazî li balyozê Fransa li Iraqê Marc Barety kir, ku bi boneya bidawîhatina erkê wî li Iraqê, serdana Herêma Kurdistanê kir.

 
Êzdî: Bila navçeyên me vegerin ser Herêma Kurdistanê..Êdî rastiya PKKê eşkere bûye

MONDAY, 29 MAY 2017 17:05:00

Şêxan-KDP.info- Endamê Serkirdatiya PDKê û Berpirsê Şaxa 20 ya PDKê li Şêxan Mehmûd Êzdî dibêje, Êzdiyan gelek qurbanî dane û êdî dixwazin ew û navçeyên wan bi yekcarî vegerin ser Herêma Kurdistanê.

 
Serok Barzanî pêşwazî li Balyozê Fransa li Iraqê kir

MONDAY, 29 MAY 2017 14:05:14

Hewlêr-KDP.info- Îro Dûşem 29.05.2017 li Selahedîn Mesûd Barzanî Serokê Herêma Kurdistanê pêşwaziya Marc Barety Balyozê Fransa li Iraqê û Dominique Mas Konsolê Fransa li Hewlêrê kir.

 
Heşda Şeibî hatiye Şingalê ji bo alîkariya rêjîma Sûriyê

MONDAY, 29 MAY 2017 00:05:45

Şingal-KDP.info- Qayimeqamê berê yê Şingalê ragihand ku Heşda Şeibî hatiye Şingalê da ku bi vê riyê alîkariya rêjîma Sûriyê bikin, ji ber ku Şingal navçeyeke stratejîk e.

 


 
© 2017 Kurdistan Democratic Party, KDP