Kurdî  ■  كوردی  ■  عربي
SAT, 25 NOV 2017 00:52 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Divê PKK bi aştiyane ji Şingalê derkeve..Em alîkariya Kurdên Rojava dikin
| KDP.info


 

Amerîka-KDP.info- Şêwirmendê Encumena Asayişa Herêma Kurdistanê Mesrûr Barzanî li Amerîka ragihand ku ew rijd in li ser lidarxistina referanduma serxwebûna Kurdistanê di sala 2017ê de. Herwiha got ku divê PKK bi aştiyane ji Şingalê derkeve û tekez jî kir ku Herêma Kurdistanê berdewam e li ser alîkariya Kurdên Rojavayê Kurdistanê.

Mesrûr Barzanî simînarek li Washnigtonê bi navê “Nerînek ji Kurdistanê bo Iraqa piştî DAIŞê” pêşkêş kir û tê de ragihand: “Pêwîst e PKK bi aştiyane ji Şingalê derkeve. PKK dixwaze pirsgirêkên xwe binîne nava Başûrê Kurdistanê. Divê PKK rêzê ji serweriya Başûr re bigre.”

Derbarê Rojavayê Kurdistanê jî Mesrûr Barzanî got: “PYD rêkeftinên Hewlêr û Dihokê ji aliyekî ve binpê kir û tekalî Rojavayê Kurdistanê birêve dibe. Em danûstandinê ligel PYDê red nakin û em berdewam in li ser alîkariya Kurdên Rojavayê Kurdistanê. Herwiha YPG rêgiriyê li vegera şervanên biyanî yên di nava xwe de bo welatên xwe, dike.

Şêwirmendê Encumena Asayişa Herêma Kurdistanê wiha derbarê referanduma serxwebûna Kurdistanê ragihand: “Pêwîst welatên rojava şaşîtiya xwe ya beriya 100 salî rast bikin û em wek Herêma Kurdistanê rijd in li ser lidarxistina referanduma Kurdistanê di sala 2017ê de. Divê em bizanin ka xelkê Kurdistanê çi dixwazin, lewma divê em referandomê encam bidin û mafê xwe yê demokrasî cîbecîbikin, piştî encamên referandomê ligel Bexdayê dicivin û danûstanan bo baştirîn çareserî dikin, encamdana fererandomê rewşê aloztir nake, ji ber ku, em bawerin ku, refrandom baştirîn rêye bo aştiyê, herwiha emê li ser danûstan û civînan berdewam bin heta em baştirîn çereserî bibînin.

Mesrûr Barzanî wiha domand: “Divê Heşda Şeibî rêzê li sînorên Başûrê Kurdistanê bigre. Tenê Hêzên Pêşmerge parastina Kerkûkê kirin. Em li dijî destêwerdana her welatekî ne di karûbarê Başûrê Kurdistanê de. Pêwîst e piştî DAIŞê rêkeftineke siyasî were kirin. DAIŞ di qonxa dawî de ye, şekstina serbazî ya rêxistina DAIŞê nayê wê wateyê ku, hizra tûndirew bi dawî tê, lewma divê em bizanin piştî DAIŞê wê çi rûbide û divê em çibikin? Dive bi cidî bîra vê yekê bikin, em hêvîdarin ku ew pêwendiyên niha di navbera me û Washingtonê de di pêşerojê de bi hêztir bibin.




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP