Kurdî  ■  كوردی  ■  عربي
TUE, 19 SEP 2017 20:16 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Îdareya Şingalê: Bexda rêkeftin binpê kiriye..Em Heşda Şeibî qebûl nakin
| KDP.info


Şingal-KDP.info- Qayimeqamê Şingalê Mehma Xelîl dibêje, hatina hêzên Heşda Şeibî bo sînorê navçeya Şingalê li dijî rêkeftina Hewlêr û Bexdayê ye, herwiha xelkê Şingalê wê hêzê li navçeya xwe qebûl nakin.

Mehma Xelîl ji malpera KDP.info re ragihand: “Li gorî wê rêkeftina leşkerî ya ku di navbera Hewlêr û Bexdayê de di operasyona Mûsilê de hatiye kirin, nabe hêzên Heşda Şeibî bên navçeyên me, ji ber ku Hêzên Pêşmerge dê wan nevçeyan rizgar bikin, lewma jî ev pêşketina Heşda Şeibî li sînorê Şingalê binpêkirin e ji wê rêkeftinê re.”

Xelîl tekez dike ku xelkê Şingalê hebûna wê li devera xwe qebûl nakin, ji ber ku bi wan bawer nakin û pêwîst e tenê Hêzên Pêşmerge li wir bin.

Hevdem Fermandarê Pêşmerge li Şingalê Qasim Dirbo ji malpera KDP.info re ragihand: “Ev 6 meh in ku me xwe ji rizgarkirina wan navçeyan re amade kiriye. Li gorî rêkeftinê Heşda Şeibê dê Beiac û Bilêc rizgar bikin û em jî dê navçeyên Şingalê yên ku di destê DAIŞê de mane, lê niha wan ew rêkeftina Hewlêr û Bexdayê binpê kirin û em ji vê yekê pir dilgiran in û em razî nabin ku Heşda Şeibî li navçeyên me be.”
 




Nûçeyên din

Barzanî: Em serxwebûnê dixwazin, kursî û pereyan ji Bexdayê naxwazin..Biryarên Bexdayê naghên Kurdistanê

TUESDAY, 19 SEPTEMBER 2017 18:09:07

Soran-KDP.info- Serokê Herêma Kurdistanê Mesûd Barzanî li kernevala piştevaniya referandoma serxwebûnê ya devera Soranê ragihand: “Em serxwebûnê dixwazin, em kursî û pereyan ji Bexdayê naxwazin û biryarên Hikûmeta Iraqê û Parlamentoya Iraqê naghên Kurdistanê.

 
Malbatên şehîdan: Serxwebûn wefa ye ji bo xwîna zarokên me

TUESDAY, 19 SEPTEMBER 2017 18:09:24

Hewlêr-KDP.info- Roj bi roj dema lidarxistina referanduma Başûrê Kurdistanê ji bo serxwebûnê nêzîk dibe û piştgiriyên ji bo vê proseyê jî berfirehtir dibin. Malbatên şehîdan dibêjin xwîna şehîdan ji bo serxwebûnê bû û tekane wefa ji bo xwîna wan şehîdan serxwebûn e.

 
Serok Barzanî bo Wezîrê Brîtanya: Bê garentiyeke navdewletî em referandumê paş naxin

MONDAY, 18 SEPTEMBER 2017 22:09:26

Hewlêr-KDP.info- Di bersiva daxwaza Wezîrê Bergiriyê yê Brîtanya bo paşxistina referandumê, Serokê Herêma Kurdistanê Mesûd Barzanî ragihand bê garentiyeke navdewletî Kurdistan referandumê paş naxe.

 
Seidî Pîre: Sibe şanda referanduma Kurdistanê biçe Bexdayê

MONDAY, 18 SEPTEMBER 2017 21:09:49

Hewlêr-KDP.info- Endamê Komîteya Bilind a Referandumê Seidî Pîre ragihand ku biryar e sibe Sêşemê şanda Herêma Kurdistanê bo gotûbêjan derbarê proseya referandumê serdana Bexdayê bike.

 
Wezîrê Darayî: Bo piştevaniya serxwebûnê min dest ji Goran berda

MONDAY, 18 SEPTEMBER 2017 20:09:18

Silêmanî-KDP.info- Wezîrê Darayî û Aborî yê Hikûmeta Herêma Kurdistanê yê ji pişka Tevgera Goranê, Rêbaz Hemlan ji ber piştgirînedana Goranê bo referanduma serxwebûna Herêma Kurdistanê, dest ji vê tevgrê berda û divêje bo piştevaniya serxwebûna Kurdistanê min dest ji Goran berda.

 


 
© 2017 Kurdistan Democratic Party, KDP