Kurdî  ■  كوردی  ■  عربي
SAT, 23 JUN 2018 07:06 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Şingal- 800 çekdarên PKKê tevlî Pêşmerge bûne
| KDP.info


Şingal-KDP.info- Fermandarê Hêzên Pêşmerge li Şingalê Qasim Şeşo dibêje, PKK li Şingalê şipirze bûye û rojane xelk dev je wan berdidin û heta niha 800 çekdarên wan tevlî Hêzên Pêşmerge bûne.

Qasim Şeşo ji malpera KDP.info re ragihand: “Pilana wan 5 komelgeh û gundên Şingalê yên ku di destê DAIŞê de mane, amade ye.”

Şeşo wiha got: “Cudabûna çekdarên PKKê ji YBŞê berdewam e û rojane xelkê Şingalê dest ji wan berdidin. Kesên ku heta niha di nava wan de mane bi zorê ew di nava xwe de hiştine û hatine xapandin. Heta niha 800 çekdarên wan hatine û tevlî Hêzên Pêşmerge bûne û 400 kes jî ji wan li bendava Mûsilê tên perwerdekirin û 400 kesên din jî amade ne û dê piştî wan, ew jî perwerdeya leşkerî bibînin.”

Wî fermandarê Pêşmerge wiha domand: “Piştî bombebarana balafirên Tirkiyê li Şingalê PKK hest bi metirsiyeke mezin dike. Herwiha tên û xwe nêzîkî Hêzên Pêşmerge dikin da ku eger careke din bombebaran hat kirin, ziyan bighê Pêşmerge.”

Derbarê hewlên avakirina partiyeke Êzdiyan, Şeşo ragihand: “Ti partiyên Êzdiyan çênabin û tişta ku heye tenê PKK wê yekê dike û careke din Êzdiyan bixapîne. Mixabin PKK ji bo têkdan û tevliheviyê li Şingalê ye û hemû xelkê Şingalê dizanin ku armanca PKKê li Şingalê çi ye.”
 




Nûçeyên din

Şeşo: Şêwirmendên leşkerî yên welatan li Şingalê navendeke leşkerî ava dikin

THURSDAY, 21 JUNE 2018 18:06:56

Şingal-KDP.info- Fermandarê Hêzên Pêşmerge li Çiyayê Şingalê Qasim Şeşo ragihand ku çendîn şêwirmendên leşkerî yên welatan hatine Şingalê û li wir navendeke leşkerî mezin ava dikin.

 
Berpirsekî PDKê: Hêzên Iraqê nikarin Xaniqîn biparêzin..Pêşmerge venegerin dê bajêr bikeve destê DAIŞê

THURSDAY, 21 JUNE 2018 17:06:40

Xaneqîn-KDP.info- Îro li dijî tevger û çalakiyên DAIŞê li derdora Xanexîn û ji bo vegera Hêzên Pêşmerge bo navçeyê, xwepêşandanek li Xaneqîn birêve çû. Berpirsekî PDKê li wê deverê dibêje hêzên Iraqê nikarin Xaneqîn biparêzin û eger Hêzên Pêşmerge venegerin navçeyê dê bajarê Xaniqîn bi temamî bikeve destê wan terorîstan.

 
Ermenistan 2 kursiyên parlamentoyê daye Kurdan

THURSDAY, 21 JUNE 2018 17:06:29

Hewlêr-KDP.info- Serokê Koma Tak a Ermeniyên Kurdistanê, Îrwant Nîsan Markos behsa wê yekê dike ku kursiyê Ermeniyan di Parlamentoya Kurdistanê de pir girîng e û xwedî bandor e, li hember vê yekê jî Ermenistanê jî biryar daye ku 2 kursan di parlamentoya welatê xwe de bide Kurdan.

 
Dadgeha Federalî ya Iraqê hilweşandina dengdana taybet red kir

THURSDAY, 21 JUNE 2018 16:06:38

Bexda-KDP.info- Dadgeha Federalî ya Iraqê di civîna xwe ya îro de biryar da, ku hilweşandina dengdana taybet û awareyan û dengdana derveyî welat neyasayî ye û berovajî mafê dengdanê yê dengderan e û hilweşandina wan dengan red kir.

 
Nêçîrvan Barzanî sersaxî ji malbata Şêx Bayîz Talebanî

THURSDAY, 21 JUNE 2018 16:06:14

Hewlêr-KDP.info- Serokwezîrê Herêma Kurdistanê Nêçîrvan Barzanî bi helkefta wefata wezîrê berê yê darayî û aboriya Kurdistanê Bayîz Talebanî peyamek belav kir.

 


 
© 2018 Kurdistan Democratic Party, KDP