Kurdî  ■  كوردی  ■  عربي
MON, 18 JUN 2018 10:46 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hinek pirs ji PKKê
| KDP.info


 

Aryan Ferec

PKK li dijî serxwebûna Kurdistanê ye, li dijî kurdayetiyê ye. Ew bi eşkere dibêjin kurdayetî faşîzm e û avakirina dewleta Kurdistanê zêdetir Rojhilata Navîn ji aliyê împiryalîzmê ve, perçe dike. Dibêjin heya ji destê me bê emê rêgiriyê li avakirina wê bikin.

Dibêjin, em ala Kurdistanê naxwazin û em yekîtiya gelên navçeyê dixwazin. Dibêjin, em parastina yekîtiya axa welatên Rojhilata Navîn dikin û em ji kantonan bilindtir naxwazin. Dixwazin neteweya Kurd di nava (neteweyên demokratîk) de winda bine.

Li ser wan helwêstan gelek pirsên rewa û bêbersiv bi dawa PKKê digrin û ev jî hinek ji wan pirsan:

- Eger hûn dijî serxwebûna Kurdistanê bin, ev 30 sal e bi navê serxwebûna herçar perçeyên Kurdistanê, hûn çima zarokên Kurdan bi kuştin didin û hûn hîn jî berdewam in li ser bi kûştina wan?

- Eger hûn ne dewlet û ne azadî û ne jî ol û ne welat û ne alayê dixwazin, baş e doz û armancên we çi ne?

- Eger hûn xwe wek partiyeke Kurdî nabînin û kurdayetî li cem we faşîzm e û serkirdatiya we nîvê wan Tirk in û nêvî jî nizanin bi zimanê Kurdî, çima ji bo şerê we yê vala hûn zarokên Kurdan dikin gurbanî?

- Dirûşma we ya “na ji bo dewletûnê, na ji malbat û malbatbûnê re, na ji bo ala û serweriyê û na ji deselat û dezgehêm hikûmî re” ku we bilind kiriye, jibilî berelayî û bê sîstembûn û hovîtiyê, çi wateya wê heye?

- Di ber çi de hûn li ser xebata demokrasî ya Bakurê Kurdistanê siwar bûn û we derfet û destkeftên siyasî yên HDPê jinav birin û hûn bûn sedema zindanîkirina serkirdeyên wan?

- Çima û di ber çi armancan de we çeper li nava bajarên Bakurê Kurdistanê kolandin û we xelkê sivîl xistin nava şerê xwe de, piştre jî we ew neparastin û hûn reviyan, xelk jî koçber û derbider û bêmal bûn?

- Çima we derfeta ku ji Kurdên Rojavayê Kurdistanê re hatibû we jinav bir û we ew perçeyê Kurdistanê kir koyle di ber destê rêjîma Esed? Çima bi hezaran ciwanên Rojava li Minbic we bi kuştin dan û di dawiyê de jî we ew bajar da destê artêşa rêjîma Beis û hîna jî hûn dixwazin miletê Kurd ji we re bêje destê we sax be?

- Hûn li Rojavayê Kurdistanê ku ji Beis re hûn kar dikin û hûn Kurdan û kurdperweran nefî dikin û partiyên Kurdî qedexe dikin û zarokên Kurdan davêjin binê zindanan û wan eşkence dikin û ala Kurdistanê dişewitînin. Bi çi rûyekî hûn hîna dibêjin em Kurd in?

- Hûn li Rojhilatê Kurdistanê bûne parêzer û pasevanên sînor û hûn dijayetiya xebat û sembolên netewî û têkoşana rizgarîxwaza Kurdan dikin, baş e hûnê çawa bibin rizgarkerê Kurdên Rojhilat?

- Hûn bo hemû xelkê şer dikin û tenê ji Kurdan re şer nakin. Hûn koyle û darê destê hemû aliyan e û bê îrade ne, lê hûn tenê li hemberî Kurdan dilêr û aza ne. Baş e hûn çawa xwe wek Kurd û Kurdistanî dibînin?

- Çima we xwe li Şingalê asê kiriye û hûna naxwazin ew bajêr bê avedankirin û xelkê wê ku karesat dîtiye, dîsa di bin rehma şer û malwêraniyê de bimîne?

- Hûnê heta kengî karibin zarokên Kurdan li dikî Kurdan û li dijî hêviyên Kurdan bi kuştin bidin?.

Attachments area
 




Nûçeyên din

Serok Barzanî daxwazekê arasteyî aliyên siyasî dike

FRIDAY, 15 JUNE 2018 14:06:02

Hewlêr-KDP.info- Serok Barzanî daxwazê ji hemû aliyên siyasî yên Iraqê dike ku piştî Cejna Remezanê dest bi gotûbêjeke binyatner bikin.

 
Hikûmeta Kurdistanê: Cejna Remezanê pîroz be

THURSDAY, 14 JUNE 2018 20:06:15

Hewlêr-KDP.info- Encûmena Wezîran a Herêma Kurdistanê di peyamekê de Cejna Remezanê li misilmanên Kurdistanê û li malbatên şehîdan û pêşmergeyên qehreman pîroz kir. Ev jî tekesta wê peyamê ye:

 
Serok Barzanî cejin li Pêşmerge û malbatên şehîdan pîroz kir

THURSDAY, 14 JUNE 2018 20:06:57

Hewlêr-KDP.info- Serok Mesûd Barzanî di peyamekê de Cejna Remezanê li malbatên şehîdan û pêşmergeyên qehreman û misilmanên Kurdistanê pîroz kir. Ev jî tekesta wê peyamê ye:

 
Amerîka jî ji tevgera DAIŞê li Mexmûrê ditirse

WEDNESDAY, 13 JUNE 2018 17:06:05

Hewlêr-KDP.info- Berpirsê Şaxa PDKê li Mexmûrê Kirmanc Ebdulah ragihand ku li sînorê Mexmûrê tevgera DAIŞê zêde bûye ku bi goman tên dîtin, Amerîka jî bi cidî hest bi metirsiyê dike ji wê tevgera terorîstan.

 
Fazil Mîranî: Yekîtiya Kurdan li Bexdayê pir girîng û pêwîst e

WEDNESDAY, 13 JUNE 2018 17:06:24

Hewlêr-KDP.info- Sekreterê Polîtburoya PDKê Fazil Mîranî ragihand yekrêziya Kurdan li Bexdayê pir girîng û pêwîst e, ku pêwîst e hemû aliyên siyasî yên Kurdistanê bighên nêrîneke hevbeş ji bo parastina destkeftên Kurdistanê û bi destxistina hemû mafên gelê Kurdistanê.

 


 
© 2018 Kurdistan Democratic Party, KDP