Kurdî  ■  كوردی  ■  عربي
MON, 23 APR 2018 12:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Erdogan û Yildirim bo Serok Barzanî: Êrişa li Şingalê bi şaşî bû
| KDP.info


 

Hewlêr-KDP.info- Serokomar û Serokwezîrê Tirkiyê pêwendî bi Serokê Herêma Kurdistanê Mesûd Barzanî re kirin û dilgiraniya xwe li hember şehîdbûna 6 pêşmerge û birîndarbûna 8 pêşmergeyan nîşan dan. Erdogan û Yiildirim serxweşî li Barzanî kirin û gotin, ku bombebarana pêşmerge li Şingalê bi şaşî çê bûye.

Serokatiya Herêma Kurdistanê di daxuyaniyekê de ragihand, Serokomarê Tirkiyê Recep Tayyip Erdogan û Serokwezîrê Tirkiyê Binalî Yildirim li ser mijara bombebarana Şingalê û şehîd û birîndarbûna hejmarek ji Pêşmergeyan, di pêwendiyeke telefonî de bi Serokê Herêma Kurdistanê Mesûd Barzanî re axivîn.

Li gorî vê daxuyaniyê ku ji bo Tora Medyayî ya Rûdawê hatiye şandin, wiha hatiye gotin: “Di vê pêwendiya telefonî de ku roja sêşemî 25ê Nîsana 2017ê hatiye pêkanîn, Serokomarê Tirkiyê Recep Tayyip Erdogan û Serokwezîrê Tirkiyê Binalî Yildirim dilgiraniya xwe li hember şehîdbûna 6 pêşmergyan û birîndarbûna 8 pêşmergeyên din ji Barzanî re anîne ziman, ku di encama êrişa firokeyên şer ên Tirkiyê bo ser Çiyayê şingalê şehîd û birîndar bûn.”

Di daxuyaniyê de tê gotin: “Her du aliyan serxweşî li Barzanî û kesûkarên şehîdên vê bûyerê kirine û hêviya bilez başbûnê ji birîndaran bûyerê re xwestine.”

Serokatiya Herêma Kurdistanê herwiha dibêje, ku Erdogan û Yildirim tekez kirine, ku ev bûyer bi ti şêweyekê bi qestî nebûye û di encama şaşiya firokeyan de çê bûye.

 



Nûçeyên din

Mesrûr Barzanî: Pêwîst e Bexda rêzê li daxwazên hemû pêkhateyan bigre

SUNDAY, 22 APRIL 2018 15:04:34

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî ragihand, Herêma Kurdistanê dê li ser binemaya bername û berçavgirtina mafên destûrî kar bi hikûmeta dahatî re bike, ne li ser bingeha kesayetiyan re.

 
Welatiyên Kurdistanê: PDK şerê mafê me dike û emê dengê xwe bidênê

SUNDAY, 22 APRIL 2018 15:04:37

Hewlêr-KDP.info- Welatiyên bajarê Hewlêrê baweriya wan bi lîst û berbijêrên PDKê heye û dibêjin, tenê PDKê rastgo şerê mafê me dike li Bexdayê.

 
Berbijêrekî PDKê: Binpêkirinên Bexdayê berdewam bin emê li wir behsa encamên referandumê bikin

SUNDAY, 22 APRIL 2018 15:04:06

Silêmanî-KDP.info- Berbijêrekî PDKê ku yasanas e dibêje, emê wek parlamenterên PDKê li Bexdayê ji bo mafên destûrî yên Herêma Kurdistanê guvaşê li Hikûmeta Iraqê û Bexda bikin. Herwiha dibêje, eger Hikûmeta Iraqê berdewam be li ser binpêkirinên xwe emê li Parlamentoya Iraqê behsa encamên referandumê bikin û li wir hewl ji bo serxwebûnê bidin.

 
Hikûmeta Kurdistanê Roja Rojnemegeriya Kurdî pîroz kir

SUNDAY, 22 APRIL 2018 13:04:26

Hewlêr-KDP.info- Encumena Wezîran a Herêma Kurdistanê bi helkefta salvegera Roja Rojnamegeriya Kurdî peyameke pîrozbahiyê weşand û ragihand: “Em li bendê ne medya û medyakar bibin pirra di navbera hemwelatiyan û hikûmetê de.”

 
Mesrûr Barzanî: Tevgera DAIŞê metirsîdar e..Pêwîst e zêdetir alîkariya Pêşmerge bê kirin

THURSDAY, 19 APRIL 2018 17:04:13

Hewlêr-KDP.info- Şêwirmendê Encumena Asayişa Kurdistanê Mesrûr Barzanî pêşwazî li fermandeyê hêzên hevpeyman li Iraqê general Walter Piatt kir û di wê hevdîtinê de Mesrûr Barzanî ragihand ku tevgera DAIŞê li deverên Kurdistanî metirsîdar e û pêwîst e zêdetir alîkariya Pêşmerge bê kirin.

 


 
© 2018 Kurdistan Democratic Party, KDP