Kurdî  ■  كوردی  ■  عربي
THU, 26 APR 2018 08:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokê ENKSê: Emê dîsa ofîsên xwe vekin..PKK ji xebata me ditirse
| KDP.info


Rojavayê Kurdistanê-KDP.info- Serokê ENKSê Îbrahîm Biro dibêje, zêdetirî 40 ofîs û navendên wan ji aliyê PKKê ve rastî êrişan hatine û ew ofîs hatine girtin, lê ewê dîsa wan ofîsan vekin û li ser xebata xwe berdewam bibin. Herwiha PKK ji ber xebata me ya dîplomatîk rastî tirseke mezin hatiye.

Îbrahîm Biro ji malpera KDP.info re ragihand: “Heta niha zêdetirî 40 ofîs û navendên ENKSê li ji aliyê dezgehên leşkerî yên PKK û PYDê ve rastê êrişan hatine, lê biryar e em ofîs û navendên xwe dîsa vekin, ji ber ku ENKS xwedî rewatiyê ye li cem xelkê Rojavayê Kurdistanê. PKK bi hemû hêza xwe hewla vemirandina tevgera partiyên siyasî yên Rojavayê Kurdistanê dide, lê dîsa jî ji destê wê dernakeve, ji ber ku me serê xwe ji rêjîma Esed re dananî heta ew bên û nehêlin em xebata xwe bikin. PKK bi wan gef û çavsoriyan guvaşê dixe ser partiyên Kurdî. Çalakvan û siyasetmedar avêtine binê zindanan û êrîşî ser ofîsên me dikin. Karê ku PKK dike rêjîma Esed li dijî opozisyonê xwe dikir.”

Biro wiha got: “Zimanê siyaseta PYDê tenê tundî ye û çekê ENKSê jî zimanî dîplomatîk û diyalog e. Lemwa jî PKK ji me ditirse, ji ber ku PKK tenê zimanê revandin û totalîtarya dizane. Baregehêm me wek metirsî li ser hebûna xwe dibînin. PYDê gelekî hewl dide ji bo ku şerê me bike, lê ENKSê ew yek nekir û hewlên wan ser negirtin.”

Serokê ENKSê wiha ragihand: “Bêguman ew siyaseta PYDê ya şaş heta serî naçe û eger Pêşmergeyên Rojavayê Kurdistanê vegerin dê hevsengiya navçeyê bê guhertin û me ev yek ji Amerîka re jî behs kir da ku ew zêdetir giringiyê bi Pêşmergeyên Roj bidin.”




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP