Kurdî  ■  كوردی  ■  عربي
THU, 26 APR 2018 09:00 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî bo Almanya: Referandum mafekî xwezayî yê xelkê Kurdistanê ye
| KDP.info


Hewlêr-KDP.info- Serokwezîrê Kurdistanê Nêçîrvan Barzanî ji Wezîrê Derve yê Almanya re behsa referanduma Kurdistanê kir û ragihand ku referandum mafekî xwezayî yê xelkê Kurdistanê ye.

Sigmar Gabriel Wezîrê Derve yê Almaniyayê di çarçoveya serdana xwe ya bo Herêma Kurdistanê de, roja 20.04.2017ê li bajarê Hewlêrê, ligel Nêçîrvan Barzanî Serokwezîrê Herêma Kurdistanê civiya û çend pirsên giring di rojeva herêmî û deverê de nirxandin.

Şandeya Almaniyayê sipasiya xelk, hikûmet û pêşmergeyê Kurdistanê kir ku, bergirî ji prensîpên mirovatiyê kirine û dikin, hemû pêkhatetên herêmê ji gev û êrîşên terorîstan parastine û diparêzin û hijmareke gelek zêde ya koçber û penaberan hewandine, Almaniya û civaka navdewletî şanaziyê bi vê rola Herêma Kurdistanê dike.

Wezîrê Derve yê Almaniyayê pêkvejiyana pêkhateyên olî û neteweyê bi aşitî li Herêma Kurdistanê bilind nirxand û tekez li ser wê yekê kir ku, Almaniya dê li ser hevkariyên mirovî û leşkerî bo Herêma Kurdistanê berdewam be.

Sigmar Gabriel got ku ew dê lêbixebitin têkeliyên navbera Almniya û herêma Kurdistanê di hemû waran de xurt û berfirehtir bikin û bi pêwîst zanî ku pirsên hilawîstiyên navbera Herwlêr û Bexdayê bi diyalog û danûstandinan bên çareser kirin.

Nêçîrvan Barzanî serokwezîrê Herêma Kurdistanê, ji bo wan alîkariyên di warê însanî û leşkerî de pêşkeşî Herêma Kurdistanê dike, sipasiya Almaniyayê kir û hêvî xwest ku ew alîkarî û hevkarî berdewam bin.

Serokwezîr ji şandeya mêvan re got ku di warê leşkerî de hevahengiyek baş di nabvera pêşmergeyê Kurdistanê û arteşa Îraqê de heye, lê di warên din de diyalog û danûstandinên cidî nînin û bi pêwîstî zanî di vê çerçoveyê de civaka navdewletî bi rola xwe bilîze.

Serokwezîr Barzanî tekez kir ku referendum mafek xwezayî yê xelkê Kurdistanê ye ku çarenivîsa xwe diyar bike. Xelk, hikûmet û aliyên siyaiyên Herêma Kurdistanê bawerî bi wê yekî nîne ku paşeroja xwe bi rêya şidetê diyar bikin, lê divê bi rêya diyalogek cidî be û di vê navberê de divê civaka navdewletî jî alîkariyê bike.




Nûçeyên din

Fraksyona PDKê ji bo bûyerên 16ê Cotmehê daxwaza komîteya lêkolînê kir

WEDNESDAY, 25 APRIL 2018 17:04:17

Hewlêr-KDP.info- Fraksyona Partiya Demokrata Kurdistanê (PDK) li Parlamentoya Kurdistanê daxwaza pêkanîna komîteyeke lêkolînê derbarê bûyerên 16ê Cotmeha 2017 ên li Kerkûk û deverên Kurdistanî yên din de dike.

 
Nêçîrvan Barzanî û şanda Amerîka: Divê hevahengiya me berdewam be

TUESDAY, 24 APRIL 2018 20:04:18

Hewlêr-KDP.info- Serokwezîrê Herêma Kurdistanê Nêçîrvan Barzanî û şandeke leşkerî û dîplomatîk ji Amerîka civiyan û herdû aliyan tekez kirin ku pêwîst e hevahengiya di navbera wan de berdewam be.

 
Amerîka: Em piştevaniyê li Kurdistaneke bihêz û yekgirtî dikin

TUESDAY, 24 APRIL 2018 18:04:58

Hewlêr-KDP.info- Şêwirmendê Encûmena Asayişa Navdewletî Mesrûr Barzanî pêşwazî li general Paul E. Funk û şanda dîplomasî û leşkerî ya Amerîkî kir û di wê hevdîtinê de şanda mêvan tekez kir ku welatê wan piştevaniyê li Kurdistaneke bihêz û yekgirtî dike.

 

 
Referandumçî kî ye?

MONDAY, 23 APRIL 2018 23:04:01

Zikrî Mûsa

Dibêjin ew kesên kar ji referandumê re kirine (referandumçî) ne û divê bên dadgehkirin, lê referandûmçî ew kes in ku natirsin. Ew kes in ku gotinên heq û rast dibêjin. Pilanên dagîrkeran şikandine. Li deştên Zûmar û Rebîhe û Şingal û li Kerkûkê terorîstên DAIŞê şikandine. Referandumçî xwedî dastanên Pirdê û Sihêla ne. Referandumçî rih e, rihê şehîd Husên Mensûr û Mexdîd Herkî û Kake Eta ye, ku canfîda bûn û koylayetî qebûl nedikirin.

Referanduma Başûr, şerm e yan şanazî ye?

MONDAY, 23 APRIL 2018 22:04:00

 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.



 
© 2018 Kurdistan Democratic Party, KDP