Kurdî  ■  كوردی  ■  عربي
SUN, 22 APR 2018 09:41 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nûnerê Hikûmeta Kurdistanê: PKK mezintirîn arîşe ye ji Ewropa re..Fransa ligel fedraliya Rojava ye
| KDP.info


Hewlêr-KDP.info- Nûnerê Hikûmeta Herêma Kurdistanê li Fransa Elî Dolemerî di hevpeyvînekê de ligel malpera KDP.info dibêje, Fransa bi riya Kurdan dixwaze derbasî nava Rojhilata Navîn bibe. Herwiha dibêje jî, PKK mezintrîn arîşe ye ji Ewropa re.

Derbarê rola Fransa di Rojhilata Navîn de, beriya şerê DAIŞê û piştî hatina DAIŞ, Nûnerê Hikûmeta Kurdistanê ragihand: “Piştî hatina DAIŞê, Fransa di cih de hat ser xetê, ji ber ku ew aliyê sereke bûn di çêkirina rêkeftina Sakis Bîko de. Siyaseta derve ya Fransa êdî ber bi lawazbûnê ve diçû, ji ber ku Sûriyê ji destê wan çûbû û Libnan ketibû bin destê Îranê de, herwiha Amerîka destê xwe danîbû ser Iraqê, lewma jî piştî hatina DAIŞê di cih de Serokê Fransa hat Herêma Kurdistanê û biryar dan ku tevlî Hevpeymaniya Navdewletî bibin. Fransa hêviya xwe Iraq û Sûriyê qût kir û biryar da ku êdî hêviya xwe bavêje ser Kurdistanê. Fransa dixwaze bi riya Kurdan vegere Rojhilata Navîn û niha Fransa ji hemû welatan zêdetir giringiyê bi Herêma Kurdistanê dide. Fransa êdî fêm dike ku Kurd ji ber wan ev 100 sal e ku êş û nexweşiyan dibîne, lewma jî dixwaze birînên me derman bike.”

Elî Dolemerî wiha got: “Gelek berjewendiyên Fransa ligel Îranê hene û em dizanin Îran serxwebûna Kurdistanê naxwaze, lê hink tişt hene ku divê em bikin defakto û em referanduma Başûrê Kurdistanê li ser cîhanê feriz bikin. Niha dewletekî Kurdî bihêz hebe ji Tirkiyê re baştir e ji Iraqeke Şîiî bihêz.”

Dolemerî derbarê nêrîna Fransa û Ewropa li ser Bakurê Kurdistanê û pirsa PKKê, ragihand: “PKK mezintirîn arîşe ye ji wan re. Niha nêzîkî 2 milyon Kurdên Tirkiyê li Ewropa dijîn û nêzîkî nîv milyon ji wan PKK ne. Ew mezintirîn arîşe ne ji Fransa û Almanya û Beljîka re. Niha piraniya qaçaxçiyên madeyên hişber ji Afganistan û heta nava dilê Ewropa endamên PKKê ne û ji bo bidawîhatina wî karî jî Tirkiye alîkariya welatên Ewropa nake. Enqere jî naxwaze pirsgirêka PKKê çareser bibe û eger bixwaze dê zû çareser bibe. Lê bi nêrîna min Serokomarê Tirkiyê Receb Teyip Erdogan niha piştî ku di referandumê de bi ser ket, dê wê pirsgirêkê çareser bike. Lê Ewropa li dijî wê guhertina sîstema Tirkiyê ye, ji ber ku bi nêrîna wan dê Tirkiye ber bi dîktatoriyetê ve biçe.”

Derbarê perçeyên din ên Kurdistanê jî, Nûnerê Hikûmeta Herêma Kurdistanê wiha domand: “Fransa ligel çareserkirina aştiyane ji pirsa Kurd re li herçar perçeyên Kurdistanê û Kurdan jî han didin ku bi aştiyane pirsgirêkên xwe çareser bikin. Li Sûriyê jî Fransa ligel nemana Beşar Esed e li ser deselatê û herwiha ligel fedraliyê ye ji bo Kurdên Rojavayê Kurdistanê.”




Nûçeyên din

Mesrûr Barzanî: Tevgera DAIŞê metirsîdar e..Pêwîst e zêdetir alîkariya Pêşmerge bê kirin

THURSDAY, 19 APRIL 2018 17:04:13

Hewlêr-KDP.info- Şêwirmendê Encumena Asayişa Kurdistanê Mesrûr Barzanî pêşwazî li fermandeyê hêzên hevpeyman li Iraqê general Walter Piatt kir û di wê hevdîtinê de Mesrûr Barzanî ragihand ku tevgera DAIŞê li deverên Kurdistanî metirsîdar e û pêwîst e zêdetir alîkariya Pêşmerge bê kirin.

 
Berdevkê PDKê: Baweriyek xûrt a gelên Kurdistanê bi PDKê heye

WEDNESDAY, 18 APRIL 2018 18:04:13

Hewlêr-KDP.info- Encûmena Birêvebir a Serokatiyê ya Partiya Demokrat a Kurdistanê derbarê hilbijartinên Iraqê yên 12ê Gulana îsal li Pîrmam civiya û Berdevkê PDKê derbarê wê civînê ragihand ku baweriyek xûrt a gelên Kurdistanê bi PDKê heye.

 
NY û Kurdistan: Çareseriya pirsgîrêkan bi rêya diyalogê ye

WEDNESDAY, 18 APRIL 2018 18:04:54

Hewlêr-KDP.info- Neteweyên Yekgirtî û Hikûmeta Herêma Kurdistanê tekezî li ser çareserkirina pirsgirêkan di rêya diyalogê de kirin.

 
Zêbarî: PDKê hewl dide ji bo yekîtiya aliyên Kurdistanî li Bexdayê

WEDNESDAY, 18 APRIL 2018 15:04:43

Hewlêr-KDP.info- Endamekî polîtburoya PDKê dibêje, zêdebûna lîsteyên kurdan bo hilbijartinên Iraqê dê ziyanê bigihîne pêgeha kurdan li Bexdayê, lê PDKê hewl dide ji bo yekîtiya hemû aliyên Kurdistanî li Bexdayê piştî hilbijartinan.

 
Nêçîrvan Barzanî û Nûnerê Serokê Amerîka çend mijar gotûbêj kirin

WEDNESDAY, 18 APRIL 2018 13:04:46

Hewlêr-KDP.info- Serokwezîrê Herêma Kurdistanê Nêçîrvan Barzanî pêşwazî li şandeke amerîkî ya bi serokatiya Nûnerê Serokê Amerîkayê di Hevpeymaniya Navdewletî ya li Dijî DAIŞê de Brett McGurk kir. Di hevdîtinê de rewşa herêmê û Iraqê û herwiha hilbijartinên giştî yên Iraqê hatine gotûbêjkirin.

 


 
© 2018 Kurdistan Democratic Party, KDP