Kurdî  ■  كوردی  ■  عربي
SUN, 22 APR 2018 01:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كه‌ركوك له‌نێوان دوو سه‌ردانی‌ مه‌لیك فه‌یسه‌ڵ‌ و نوری‌ مالكیدا
| Hawlati


عارف قورباني

ده‌ڵێن نوسينه‌وه‌ي‌ مێژوو چه‌ند بۆ تۆماركردني‌ رووداوه‌كانه‌، ئه‌وه‌نده‌ش بۆ ئه‌وه‌يه‌ نه‌وه‌كاني‌ داهاتوو عيبره‌تي‌ لێوه‌رگرن. هه‌ر بۆيه‌ زۆرجاريش كه‌ رووداوێكي‌ هاوشێوه‌ دووباره‌ ده‌بێته‌وه‌، ده‌وترێت مێژوو دوباره‌ ده‌بێته‌وه‌. گرنگه‌ له‌ دووباره‌بوونه‌وه‌ي‌ رووداوه‌كاندا مرۆڤ كه‌ڵك له‌ مێژوو وه‌ربگرێت، سوود له‌ لاپه‌ڕه‌ پرشنگداره‌كاني‌ وه‌رگرێت و خۆي‌ له‌ دووباره‌ بوونه‌وه‌ي‌ هه‌ڵه‌كان بپارێزێت.
پرسياري‌ ساده‌ و ساكار بۆ ئێمه‌ ئه‌وه‌يه‌ ئايا ئێمه‌ عيبره‌تمان له‌ مێژوو وه‌رگرتووه‌.؟

ئه‌م دوو روداوه‌ي‌ لێره‌دا ده‌يگێڕمه‌وه‌، دوو لاپه‌ڕه‌ن كه‌ كاريگه‌ريان له‌سه‌ر مێژووي‌ كورد و خاكي‌ كوردستان هه‌يه‌، په‌يوه‌ستن به‌ بابه‌تێكي‌ هه‌ستيار و چاره‌نوسسازي‌ وه‌ك كه‌ركوكه‌وه‌.

من ته‌نها ده‌ياننوسمه‌وه‌ و به‌راوردكاري‌ و هه‌ڵسه‌نگاندنيان بۆ ئێوه‌ جێ‌ ده‌هێڵم.
سه‌ره‌تاي‌ دروستبووني‌ ده‌وڵه‌تي‌ عيراق، كاتێ‌ چاره‌نوسي‌ ويلايه‌تي‌ موسڵ‌ يه‌كلا نه‌كرابويه‌وه‌ و (عوسبه‌ت ئومه‌م) ليژنه‌يه‌كي‌ پێكهێنابوو بۆ بڕياردان له‌ چاره‌نوسي‌ ئه‌م ناوچه‌يه‌، هێشتا روون نه‌بوو كه‌ كه‌ركوك و ناوچه‌كاني‌ تري‌ كوردستان له‌ نه‌ينه‌وا و هه‌ولێر و سلێماني‌ و ده‌شتي‌ شاره‌زور ده‌كرێن به‌ ده‌وڵه‌تي‌ كوردستان بۆ كورد، يان ده‌بنه‌وه‌ به‌شێك له‌ ده‌وڵه‌تي‌ توركيا، ياخود ده‌لكێندرێن به‌ عيراقي‌ عه‌ره‌بيه‌وه‌.

مه‌ليك فه‌يسه‌ڵ‌ كه‌ تازه‌ كرابوو به‌ مه‌ليكي‌ عيراق به‌ ياوه‌رێتي‌ مه‌ندوبي‌ سامي‌ سه‌رداني‌ شاري‌ كه‌ركوك ده‌كات و ئامانجيش له‌ سه‌ردانه‌كه‌ي‌ ئه‌وه‌يه‌ كه‌ ئاماژه‌ي‌ ئه‌وه‌ بدات كه‌ عوسبه‌ت ئوومه‌م له‌ نێوان كێشمه‌كێشمي‌ تورك و به‌ريتانياو عه‌ره‌ب به‌ قازانجي‌ عه‌ره‌ب بڕيار ده‌دات، له‌ كۆبوونه‌وه‌يه‌كي‌ له‌گه‌ڵ‌ ژماره‌يه‌ك كه‌سايه‌تي‌ شاره‌كه‌ ده‌ڵێت (رۆژێك دێت كه‌ركوك ده‌بێته‌ جوانترين شاري‌ عيراق).

له‌ ناو كۆبوونه‌وه‌كه‌وه‌ كه‌سايه‌تي‌ جوامێر نيشتمان په‌روه‌ر حه‌مه‌ سه‌عيد جاف له‌ مه‌ليك راده‌په‌ڕێت و په‌نجه‌ي‌ له‌ رووي‌ به‌رز ده‌كاته‌وه‌و به‌ زماني‌ هه‌ڕه‌شه‌وه‌ ده‌ڵێت (مه‌ليك فه‌يسه‌ڵ‌ گوێ‌ بگره‌ و مه‌ندوبي‌ سامي‌ تۆش شايه‌ت به‌، له‌ كه‌سي‌ قبوڵ‌ ناكه‌ين گومان بخاته‌ سه‌ر ناسنامه‌ي‌ ئه‌م شاره‌، ئێره‌ كوردستانه‌و ده‌بێ‌ هه‌ر به‌ كوردستاني‌ بمێنێته‌وه‌). ئه‌وكات كورد نه‌ خاوه‌ني‌ هێزي‌ سياسي‌ و نه‌ خاوه‌ن هێزي‌ پێشمه‌رگه‌ و نه‌ خاوه‌ن سه‌رۆك كۆمار و نه‌ خاوه‌ن هه‌رێمێكي‌ ئازاد و نه‌ خاوه‌ن موئه‌سه‌ساتي‌ ده‌وڵه‌تي‌ بوو، به‌ڵام حه‌مه‌ سه‌عيد جاف خاوه‌ني‌ عيزه‌تي‌ كوردانه‌ و خاوه‌ني‌ هه‌ستێكي‌ نيشتمان په‌روه‌رانه‌ي‌ كوردانه‌بوو. چاوي‌ له‌ به‌رژه‌وه‌ندي‌ و پله‌و پايه‌ و ئيمتيازات نه‌بوو، بۆيه‌ به‌ جورئه‌ته‌وه‌ به‌گژ مه‌ليكي‌ عيراقدا چووه‌وه‌ و لاپه‌ڕه‌يه‌كي‌ پرشنگداري‌ له‌ هه‌ڵوێست و له‌ داكۆكيكردن له‌ كوردستانيه‌تي‌ كه‌ركوك تۆماركرد.

دواي‌ نزيكه‌ي‌ 90 ساڵ‌ به‌سه‌ر ئه‌م رووداوه‌ مێژوويه‌دا، دواي‌ ئه‌وه‌ي‌ كورد دوو شۆڕشي‌ له‌ پێناوي‌ كه‌ركوكدا هه‌ڵگيرساند، دواي‌ ئه‌وه‌ي‌ 4500 گوندي‌ كوردستان له‌ پێناوي‌ كوردستانيه‌تي‌ كه‌ركوكدا بوونه‌ خۆڵه‌مێش، دواي‌ ئه‌وه‌ي‌ نزيكه‌ي‌ چاره‌كه‌ مليۆنێ‌ مرۆڤي‌ كورد له‌سه‌ر ناسنامه‌ي‌ كه‌ركوك جينۆسايد كران. دواي‌ ئه‌وه‌ي‌ ئێستا كه‌ركوك ئازاده‌و كورد حوكمي‌ ده‌كات، جارێكي‌ تر مالكي‌ سه‌رۆك وه‌زيراني‌ عيراق ديته‌ كه‌ركوك و ئه‌مجاره‌ له‌ كۆبوونه‌وه‌يه‌كدا ئه‌و په‌نجه‌ راده‌وه‌شێنێ‌ جگه‌ له‌ ناسنامه‌ي‌ عيراقێتي‌ هيچ ناسنامه‌يه‌كي‌ تر بۆ كه‌ركوك قبوڵ‌ ناكه‌ين.

به‌ڵام ئه‌فسوس حه‌مه‌سه‌عيد جافێك له‌وێ‌ نابێ‌ و كه‌س وه‌ڵامي‌ ناداته‌وه‌.

ئه‌مه‌يه‌ ده‌ڵێن مێژوو دوباره‌ ده‌بێته‌وه‌، به‌ڵام ئه‌مجاره‌ پێچه‌وانه‌ ده‌بێته‌وه‌ و له‌ بري‌ ئه‌وه‌ي‌ كوردێك په‌نجه‌ راوه‌شێنێ‌ بۆ داكۆكيكردن له‌ ناسنامه‌ي‌ كوردستانيه‌تي‌ كه‌ركوك، عه‌ره‌بێك په‌نجه‌ راده‌وه‌شێنێ‌ له‌سه‌ر ناسنامه‌ي‌ عيراقێتي‌.
مێژوو ئه‌مه‌شيان تۆمار ده‌كات و هه‌ميشه‌ ده‌بێته‌ ئاماژه‌ و نمونه‌ي‌ به‌رجه‌سته‌ي‌ دوو هه‌ڵوێستي‌ پێچه‌وانه‌.

* رۆژنامه‌نوسي‌ سه‌ربه‌خۆ




دوایین هەواڵەکان

كاندیدێکی پارتی: گوشار دەخەینە سەر بەغدا بۆ دەستەبەرکردنی مافە دەستوورییەکانی هەرێم

SATURDAY, 21 APRIL 2018 16:04:41

سلێمانی-KDP.info-  یاساناسێك ده‌ڵێت: ئه‌گه‌ر به‌غدا پێشلی ده‌ستووری نه‌كردایه‌، كورد مافی ڕه‌وای خۆی وه‌رگرتبوو، به‌ڵام كاتێك حكوومه‌تی عێراق هێزی چه‌كداری بنیات نایه‌وه‌، بە ته‌واوه‌تی پشتی له‌ ده‌ستوور و یاسا كرد به‌رامبه‌ر به‌ كورد. كاندیدێكی لیستی ژماره‌ 184ی پارتی له‌ سنووری پارێزگای سلێمانی ده‌ڵێت: به‌ پێی یاسا و ده‌ستوور ته‌واوی ئه‌و مافانه‌ی كوردستان پێشێل كراون له‌ لایەن حكوومه‌تی عێراقەوە، بۆ گه‌له‌كه‌مانی وه‌رده‌گرینه‌وه‌.

 
مەکتەبی سەرۆک ساڵیادی گۆڤاری گوڵان پیرۆز دەکات

SATURDAY, 21 APRIL 2018 16:04:28

هەولێر-KDP.info-  مەکتەبی سەرۆک، بەبۆنەی بیست و چوارەمین ساڵیادی دەرچوونی گۆڤاری گوڵان پەیامێکی پیرۆزبایی ئاراستەی سەرنووسەر و ستافی گۆڤارەکە کرد کە ئەمە دەقەکەیەتی:

 
پارتی ٢٤ ساڵەی گۆڤاری گوڵان پیرۆز دەکات

SATURDAY, 21 APRIL 2018 16:04:56

هەولێر-KDP.info-  مەکتەبی سیاسی پارتی دیموکراتی کوردستان و دەزگای رۆشنبیری و راگەیاندنی پارتی، لە دوو پەیامی جوودادا ٢٤ ساڵەی گۆڤاری گوڵان پیرۆز دەکەن کە ئەمە دەقەکانیەتی:

 
راگەیاندنی پارتی، ١٢٠ ساڵەی رۆژنامەگەری کوردی پیرۆز دەکات

SATURDAY, 21 APRIL 2018 16:04:35

هەولێر-KDP.info- دەزگای رۆشنبیریی وراگەیاندنی پارتی دیموكراتی كوردستان بۆ(120)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

 
"بەغدا ڕێگرە لە دانی قەرزی ژاپۆن بە ھەرێمی کوردستان"

SATURDAY, 21 APRIL 2018 16:04:35

هەولێر-KDP.info-  وڵاتی ژاپۆن چەند پڕۆژەیەکی کەرتی کارەبا لە ھەرێمی کوردستان جێبەجێ دەکات و گوتەبێژی وەزارەتی کارەبای حکوومەتی ھەرێمی کوردستانیش دەڵێ، ئەو قەرزەی ژاپۆن بە عێراقی داوە بەشی ھەرێمی کوردستانی تێدایە بۆ جێبەجێکردنی  پڕۆژەی دیکە، بەڵام تا ئێستا بەغدا ڕازی نەبووە بە خەرجکردنی بەشی ھەرێمی کوردستان.

 


 
© 2018 Kurdistan Democratic Party, KDP