Kurdî  ■  كوردی  ■  عربي
TUE, 19 SEP 2017 20:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دڵشاد شەعبان بۆ هەڵەدنی: نزیكەی 68%ـی نەوتی كوردستان لە هەولێر و دهۆكەوە ڕەوانە دەكرێت
| KDP.info


 

 هەولێر-KDP.info- جێگری سەرۆكی لیژنەی سامانە سرووشتییەكان لە پەرلەمانی كوردستان، لە وەڵامی سەرۆكی فراكسیۆنی یەكگرتووی ئیسلامیدا دەڵێت، نزیكەی 68%ـی نەوتی كوردستان كە دەچێتە دەرەوە و هەر چوار پارێزگاكەی هەرێم لەسەری دەژین، لە هەولێر و دهۆكە.

(دڵشاد شەعبان) بە ماڵپەری فەرمیی پارتیی دیموكراتی كوردستانی راگەیاند: "چانسی ئێمەیە كە لە مووسڵ (ئەبووبەكر بەغدایی) و لە هەرێمیش (ئەبووبەكر هەڵەدنی) هەیە، لەبەر ئەوەی ئەو قسانەی ئەو كردوویەتی هیچ جیاوازی نییە لەگەڵ ئەو هێرشانەی داعش كاتی خۆی كردیە سەر هەرێمی كوردستان، چونكە هەموو ئامانجی ئەوان تێكدانی هەرێم بوو بە پاڵپشتیی هەندێك ئەجێندای دەرەكی بۆ ئەوەی بگەڕێینەوە بۆ پێش 2003، ئەوەی (هەڵەدنی)ـیش دەیكات، داواكردنی دووئیدارەییە".

(شەعبان) گوتیشی: "هەندێك كەس لەناو حیزبە ئیسلامییەكان هەن وەكو (ئەبووبەكر هەڵەدنی) و (سۆران عومەر) و ژمارەیەكی دیكە، كە وەكو شانەی نوستوون و بیركردنەوەیان هیچ جیاوازییەكی نییە لەگەڵ توندڕۆكان، بۆیە هەر كاتێك ئامادەن وەكو بۆمبێك بتەقنەوە".

دەشڵێت: "پێویستە ئەو كەسە وەكو پەرلەمانتار بزانێت نەوت چەندی لە سنووری هەولێرە و چەندی لە سنووری سلێمانی و دهۆكە، نزیكەی 68%ـی نەوتی كوردستان كە دەچێتە دەرەوە و شادەماری ئابووریی هەرێمی كوردستانە و هەر چوار پارێزگاكەی هەرێم لەسەری دەژین، لە هەولێر و دهۆكە".

ئەو هەروەها زیاتر گوتی: "لەو سێ هەزار مێگاوات كارەبایەی بەرهەم دێت، نزیكەی 2 هەزار و 100 بۆ 2 هەزار و 300مێگاوات لە هەولێر و دهۆك بەرهەم دێت، بۆیە پێویستە ئەو پەرلەمانتارە بزانێت گەر كارەبا لە هەولێر و دهۆكەوە نەچێت بۆ سلێمانی، كارەبایان نابێت و تۆڕی كارەبایش لە هەموو كوردستان پێكەوە گرێ دراوە و ناكرێت جیا بكرێتەوە" .

جێگری سەرۆكی لیژنەی سامانە سرووشتییەكان ئەوەیشی خستە ڕوو: "ئەگەر نەوتی هەولێر و دهۆك نەبێت، 51%ـی فەرمانبەرانی راست و بندیوار ناتوانن مووچە وەربگرن، بۆیە وەكو پەرلەمانتار پێویستە زانیاریی دروستیان هەبێت ئەوكات قسە فڕێ بدەنە بازاڕەوە، جگە لەوەیش پێویستە هەست بە بەرپرسیارێتیی نەتەوەیی بكات و هەوڵ نەدات جارێكی دیكە هەرێم بگەڕێنێتەوە بۆ دووئیدارەیی".

باسی لەوەیش كرد، ئەو پەرلەمانتارە و هاوشێوەی ئەو، هەوڵیان داوە گوشار لەسەر هەرێم دروست بكەن و تێكی بدەن، هەروەها گوشار لەسەر پارتی و بە تایبەت (سەرۆك بارزانی)ـیش دروست بكەن بۆ ئەوەی رێ لە پێشڕەوییەكان بۆ سەربەخۆیی كوردستان بگرن، بەڵام نەیانتوانیوە و ئامانجەكەیان گۆڕبەگۆڕ بووە، بۆیە ئەمە هیچ سوودێكی نییە".

سەرۆكی فراكسیۆنی یەكگرتووی ئیسلامیی كوردستان، باسی لەوە كردووە كە زۆرینەی نەوتی كوردستان لە سلێمانییە و پێویستە وەك گوشار دژی پارتی دیموكراتی كوردستان، هەناردەكردنی نەوت لە سنووری سلێمانی رابگیرێت.

 

بڵند ئیبراهیم




دوایین هەواڵەکان

نێچیرڤان بارزانى پیرۆزبایى له‌ خانمى پێشمه‌رگه‌ كۆچه‌ر ساڵح حاجى ده‌كات

TUESDAY, 19 SEPTEMBER 2017 18:09:19

هەولێر-KDP.info-  به‌بۆنه‌ى خه‌ڵاتكردنى پێشمه‌رگه‌ى زێره‌ڤانى خاتوو كۆچه‌ر ساڵح حاجییه‌وه‌ كه‌ وه‌ك قاره‌مانێكى هه‌ڵمه‌تى جیهانیى دژ به‌ هزرى تونڕه‌وى و نالێبورده‌یى له‌لایه‌ن یوونسکۆ و هاوپه‌یمانیى جیهانیى هیواوه‌وه له‌ ڕێوڕه‌سمێكدا له‌ نیوویۆرك خه‌ڵات كرا، (نێچیرڤان بارزانى) سه‌رۆك وه‌زیرانى هه‌رێمى كوردستان، په‌یامێكى پیرۆزبایى ئاراسته‌ كرد، ئه‌مه‌ ده‌قه‌كه‌یه‌تى:

نەجمەدین کەریم: کەرکووکییەکان بڕیاری بەڵێ دەدەن..ئامادەکاریی تەواو کراوە

TUESDAY, 19 SEPTEMBER 2017 18:09:46

کەرکووک-KDP.info- پارێزگاری کەرکووک دەڵێت، خەڵکی کەرکووک ڕۆژی ڕیفراندۆم قسەی خۆی دەکات، چونکە دەنگی خەڵکی ئەم شارە بەڵێیە بۆ سەربەخۆییی کوردستان. لە ئێستاشەوە ئامادەکاریی تەواو کراوە بۆ ڕۆژی ڕیفراندۆم و سەرجەم دامەزراوەکانی شارەکە پێشوەختە کۆبوونەوەیان کردووە و ئامادەییان دەربڕیوە.

مامۆستایەکی زانکۆ؛ کەرنەڤاڵەکانی جەماوەر بوون بە ڕیفراندۆم..پەیامەکە بە جیهان گەیشت

TUESDAY, 19 SEPTEMBER 2017 18:09:46

هەولێر-KDP.info- مامۆستایەکی زانکۆ دەڵێ، کەرنەڤاڵەکانی خەڵکی کوردستان بۆ پشتیوانیکردن لە پڕۆسەی ڕیفڕاندۆم مانای ئەوە دەگەیەنێت، کە گەلی کوردستان لەگەڵ ئەنجامدانی ڕیفڕاندۆم و سەربەخۆییی کوردستاندایە، ئیدی ڕیفڕاندۆم بکرێت و نەکرێت پەیامی خەڵکی کوردستان گەیشتە جیھان، کە دەمانەوێت لە دەوڵەتی عێراق جیا ببینەوە.

کەسایەتییەکانی ئێزدی: بۆ ئەوەی ئێزدیخان دابەش نەبێت دەبێ سەربەخۆییی کوردستان هەڵبژێرین

TUESDAY, 19 SEPTEMBER 2017 18:09:27

دهۆک-KDP.info- کەسایەتییەکانی کوردی ئێزدی دەڵێن، بۆ ئەوەی ئێزدیخان دابەش نەبێت، دەبێ سەربەخۆییی کوردستان هەڵبژێرین و دەنگ بە ڕیفراندۆم بدەین، چونکە ئەمە تاکە ڕێگەیە بۆ ئەوەی جارێکی دیکە تووشی کارەسات نەبینەوە.

چۆن دڵنیایی ده‌ده‌ینه‌ پێكهاته‌كانی كه‌ركووك و ده‌شتی نه‌ینه‌وا؟

TUESDAY, 19 SEPTEMBER 2017 17:09:32

جه‌بار قادر

كه‌ركووك و دەشتی نەینەوا، فره پێكهاتەیە و ئایین و ئیتنیكی جیاوازیان لێ دەژیێن، ژیانە كۆمه‌ڵایه‌تی و كولتووری و ئایینیەکەیان جیاوازه‌ له ‌ناوچه‌كانی دیكه‌ی باشووری كوردستان؛ فره‌یی لەوێ ئاڵۆزتر و زیاتره‌، بۆیه‌شه‌ پێویسته‌ هه‌ستیارانەتر مامه‌ڵه‌ له‌گه‌ڵ پێكهاته‌كانی دیكه‌دا بكرێت و گفتوگۆكردنێكی به‌رده‌وام و نه‌رم په‌یڕه‌و بكرێت.



 
© 2017 Kurdistan Democratic Party, KDP