Kurdî  ■  كوردی  ■  عربي
THU, 19 OCT 2017 10:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"حزبێکی تورکمانی و حزبێکی باکووری کوردستان، جەختیان لە هەوڵدان بۆ سەربەخۆییی کوردستان کردەوە"
| KDP.info


هەولێر-KDP.info-  لە دوو دیداری جیاوازدا لە پێوەندییەكانی دەرەوەی پارتی دیموكراتی كوردستان، (هوشیار سیوەیلی) پێشوازیی كرد لە (عەبدولقادر بازرگان)، سكرتێری پارتی چاكسازی و پێشكەوتنی توركمان و (مونا قاهوەچی)، سەرۆكی فراكسیۆنی پێشكەوتووی توركمان لە پەرلەمانی كوردستان  و (محەمەد ئەمین) سەرۆكی پارتی دیموكراتی كوردستان-توركیا، لە دیدارەکاندا جەخت کرایەوە کە هەنگاو بۆ سەربەخۆییی هەرێمی کوردستان بنرێت.

لە دەستپێکدا، (هۆشیار سیوەیلی) باسی لە پێوەندیی نێوان هەردوو  پارتی چاكسازی و پێشكەوتووی توركمان و پارتی دیموكراتی كوردستان كرد. هەرێمی كوردستان بەبێ جیاوازی جێگای هەموو ئەو پێكهاتانەیە، كە تێیدا دەژین، هەموو لایەك بەرپرسیارەتییان هەیە لە هەوڵی بەرەو پێشەوەچوونی هەرێمی كوردستان و ڕووبەڕووبووونەوەی ئەو گرفت و كێشانەدا كە دێنە پێش. لە درێژەی ئەو دیدارەدا پێوەندیی نێوان لایەنە سیاسییەكانی كوردستان تاوتوو كرا و هەردوولا هاوڕا بوون، كە دەكرێت پارتە سیاسییەكان لەبەر ڕۆشناییی دەستپێشخەرییەكەی جەنابی (سەرۆك بارزانی)دا كار بكەن بۆ چارەكردنی ئەو جیاوازییە سیاسییانەی لەنێوانیاندا هەیە. پاراستنی هەرێمی كوردستان و سنوورەكانی لە ئەستۆی دەزگای ئاسایشی هەرێمی كوردستاندایە.  (سیوەیلی) دووپاتی كردوە، كە هەڵوێستی جەنابی (سەرۆك بارزانی) و پارتی دیموكراتی كوردستان، ئەو هەڵوێستە نەگۆڕەیە، كە خەبات لەپێناو ئاشتی و پێكەوەژیانی هەموو پێكهاتە ئایینی و نەتەوەیییەكانی گەلی كوردستان لە كوردستانێكی سەربەخۆدا دەكات.

(عەبدولقادر بازرگان)  سوپاسی جەنابی (سەرۆك بارزانی) و پارتی دیموكراتی كوردستانی كرد بۆ ئەو هەڵۆێستانەیان لە پاراستنی ماف و داواكاری و هاوكاریی پێكهاتە جیاوازەكانی هەرێمی كوردستان و عێراق و،  جەختی لەوە كردەوە، كە گرینگە پێكهاتەكانی هەرێمی كوردستان و لایەنە سیاسییەكان جیاوازییەكانیان وەلا بنێن و هاوكاریی جەنابی (سەرۆك بارزانی) بکەن بۆ سەرخستن و بەرەو پێشەوەچوونی پرۆسەی سەربەخۆییی هەرێمی كوردستان و زاڵبوون بەسەر بەربەستەكانی بەردەم پرۆسەی سەربەخۆییدا, ئەمەش بە یەكگرتوییی و یەكدەنگی دەبێت، بۆیە دەبێ هەوڵەكان چڕ بكرێنەوە بۆ سوودوەرگرتن لەم دەرەفەتە مێژوویییە.

لە دیداری دووەمدا، لەگەڵ (محەمەد ئەمین) سەرۆكی پارتی دیموكراتی كوردستان-توركیا, باس لە پێوەندیی نێوان هەردوولا كرا و ئەو گرفتانەی كە ئیستا لە باكوور بوونەتە بەربەست لە بەرەوپێشەوەچوونی دۆزی گەلی كورد لەو بەشەی كوردستاندا. (هوشیار سیوەیلی) باسی لە هەوڵەكانی جەنابی (سەرۆك بارزانی) كرد، لە پرۆسەی ئاشتی و ئەو كێشانەی كە لە بەردەم ئەو پرۆسە گرینگەدا دروست كران, (سەرۆك بارزانی) لە هەوڵی بەردەوامدایە بۆ دۆزینەوەی ڕێچارەیەك بۆ دەستپێكردنەوەی پرۆسەی ئاشتی و پارتی دیموكراتی كوردستان لەو باوەڕەدایە، كە دەبێ شیوازی خەبات بۆ بەدەستهێنانی مافە نەتەوەیی و نیشتیمانییەكان لەڕێی ئاشتییەوە و بە دیالۆگ و لێكتێگەیشتن لەگەڵ دەوڵەتانی ناوچەكە بێت. پارتی پێی وایە، ئەم گرفتانە بە هێزی سەربازی یەكلا نابێتەوە و ڕابردووش ئەم ڕاستییەی سەلماندووە, پەنابردن بۆ یەكلاییكردنەوەی كێشەكان بە هێز، جگە لە ماڵوێرانی و نەهامەتی، هیچی دیكەی لێ بەدەست نایەت.

(ئەمین) سوپاسی ئەو پێشوازییەی كرد و  ڕۆڵی جەنابی (سەرۆك بارزانی)ی بەرز نرخاند، كە بە سیاسەتی حەكیمانە و دیپلۆماسییانەی خۆی توانی كاریگەریی ئەرێنی لەسەر دۆزی گەلی كوردی هەرچوار پارچەی كوردستان دروست بكات و بیخاتە قوناغێكی نوێوە. بەڵگەش ئەو سەردانانەی جەنابیانە بۆ دەرەوەی كوردستان و هەڵكردنی ئاڵای پیرۆزی كوردستان لەو شوێنانەی كە تا چەند ساڵێك لەمەوبەر ناوی كوردستانیان تێدا قەدەغە بوو.  پێگەی (سەرۆك بارزانی) و هەرێمی كوردستان و پارتی دیموكراتی كوردستان لە ناوچەكەدا كاریگەریی بەهێزی هەیە، بۆیە گرینگە لایەنە سیاسییەكانی كوردستان پاڵپشتیی بكەن, ئیمە دڵنیان بەدەستهێنانی مافەكانمان لە باكوور زیاتر دابین دەكرێت، ئەگەر هەرێمی كوردستان سەربەخۆ بێت.

لە كوتاییی ئەو دیدارانەدا جەخت لە یەكڕیزی و هەماهەنگیی نێوان پێكهاتە و پارتە سیاسییەكان كرایەوە, کە لەو ڕێیەوە دەكرێت، ژیانێكی شایستەتر و ئارامتر بۆ هەرێمی كوردستان و گەلی كورد دابین بکرێت.  




دوایین هەواڵەکان

مه‌كته‌بی سه‌رۆك سەرەخۆشی لە خانه‌واده‌ی یه‌عقوب فلوه‌ دەکات

THURSDAY, 19 OCTOBER 2017 09:10:21
به‌ناوی خودای گه‌وره‌ و میهره‌بان
 
هه‌ڤاڵ سه‌نا یه‌عقوب فلوه‌
 
به‌دڵگرانییه‌كی زۆره‌وه‌، هه‌واڵی كۆچی دوایی پێشمه‌رگه‌ی شۆڕشی ئه‌یلوولی مه‌زن و گوڵان و كه‌سایه‌تی دیاری مه‌سیحه‌كانی شارۆچكه‌ی شه‌قڵاوه‌(یه‌عقوب فلوه‌)ی باوكی هه‌ڤاڵ(سه‌نا یه‌عقوب)مان پێگه‌یشت.
حەشدا شەعبی ژ بەنداڤا مووسل و ئاسکێ مووسل ژی خۆ ڤەکێشان

THURSDAY, 19 OCTOBER 2017 03:10:43

دەشتا نەینەوا-KDP.info- بەرپرسێ لیژنا وانکی یا پارتی دیموکراتی کوردستان راگەهاند، حەشدا شەعبی و ‌ هێزێن عیراقێ پشتی ڤەکێشانا وان ژ نافچەیێن دی یێن کوردستانی نها خۆ ژ بەنداڤا مووسل و ئاسکێ مووسل ژی ڤەکێشان.

حەشدا شەعبی خۆ ژ شنگالێ ڤەکێشا

THURSDAY, 19 OCTOBER 2017 02:10:09

شنگال-KDP.info- سەرکردیەکی ژ فەرماندەیا پێشمەرگەیێن شنگالێ راگەهاند، نها حەشدا شەعبی دەست ب ڤەکیشانی کر ل قەزا شنگالێ.

 
حەشدی شەعبی لە خانەقین وەدەر نرا

THURSDAY, 19 OCTOBER 2017 01:10:44

هەولێر-KDP.info-  خەڵکی شاری خانه‌قین ئەم ئێوارەی چوارشەممەیە ڕاپەڕین و پاش دەستگرتن بەسەر چەند تانك و هه‌مه‌ڕێ، حه‌شدى شه‌عبییان وەدەر نا.

 
راگەیەندراوێک لە ئەنجوومەنی ئاسایشی هەرێمی کوردستانەوە

THURSDAY, 19 OCTOBER 2017 01:10:54

هەولێر-KDP.info-  ئەنجوومەنی ئاسایشی هەرێمی کوردستان وێڕای بەدرۆخستنەوەی هەندێ سایت و پەیجی چەواشەکار، خەلکی هەولێر دڵنیا دەکاتەوە کە هیچ مەترسییەک لەسەر هەولێر نییە و هیچ هێزێک بە ئاراستەی هەولێر جووڵەی پێ نەکراوە.

 


فەرماندەیی گشتیی هێزی پێشمەرگەی كوردستان: حەشد و قەرارگای قودس هێرشیان ئەنجام داوە.. حكوومەتەكەی عەبادی دەبێ بە قورسی باجی ئەو زوڵمەی بدات

 

هەولێر-KDP.info-  فەرماندەیی گشتیی هێزی پێشمەرگەی كوردستان، لە ڕاگەیێندراوێکیدا ڕایدەگەیێنێ، ئەو پەلامارە كە لە لایەن حكوومەتی عێراقی و حەشد و هێزەكانی سەر بە قەرارگای قودسی سوپای پاسداران ئەنجام دراوە، تۆڵەسەندنەوەیە لە خەڵكی كوردستان كە داوای ئازادییان كردووە و تۆڵەیە لە خەڵكی سەربەرزی كەركووك كە هەڵوێستی مەردانەیان نواندووە.

لە راگەیێندراوەکەدا، فەرماندەیی گشتیی هێزی پێشمەرگەی كوردستان، داوا لە هەموو پێشمەرگە ڕاستەقینەكانی گەل و وڵات و جەماوەری خۆڕاگر و دوژمن بەزێن دەكات، ئەوەی لە دەستیان بێت بیكەن بۆ بەرخودان و تێكشكاندنی پەلاماردەران. بەرپرسی یەكەمی شەڕفرۆشتن بە گەلی كوردستان حكوومەتەكەی عەبادییە و دەبێ بە قورسی باجی ئەو زوڵمەی بدات.

هەولێر-KDP.info-  فەرماندەیی گشتیی هێزی پێشمەرگەی كوردستان، لە ڕاگەیێندراوێکیدا ڕایدەگەیێنێ، ئەو پەلامارە كە لە لایەن حكوومەتی عێراقی و حەشد و هێزەكانی سەر بە قەرارگای قودسی سوپای پاسداران ئەنجام دراوە، تۆڵەسەندنەوەیە لە خەڵكی كوردستان كە داوای ئازادییان كردووە و تۆڵەیە لە خەڵكی سەربەرزی كەركووك كە هەڵوێستی مەردانەیان نواندووە.

لە راگەیێندراوەکەدا، فەرماندەیی گشتیی هێزی پێشمەرگەی كوردستان، داوا لە هەموو پێشمەرگە ڕاستەقینەكانی گەل و وڵات و جەماوەری خۆڕاگر و دوژمن بەزێن دەكات، ئەوەی لە دەستیان بێت بیكەن بۆ بەرخودان و تێكشكاندنی پەلاماردەران. بەرپرسی یەكەمی شەڕفرۆشتن بە گەلی كوردستان حكوومەتەكەی عەبادییە و دەبێ بە قورسی باجی ئەو زوڵمەی بدات.

 
© 2017 Kurdistan Democratic Party, KDP