Kurdî  ■  كوردی  ■  عربي
TUE, 12 DEC 2017 03:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی: نه‌ورۆز جه‌ژنی بووژانه‌وه‌ی گیانى نیشتمانپه‌روه‌رییه
| KDP.info


هەولێر-KDP.info-  (نێچیرڤان بارزانی)، سه‌رۆكوەزیرانی هه‌رێمی كوردستان، به‌بۆنه‌ی جه‌ژنی نه‌ورۆز و سه‌ری ساڵی تازه‌ی كوردییه‌وه‌، له‌ په‌یامێكدا پیرۆزبایی له‌ بنه‌ماڵه‌ی شه‌هیدان و گه‌لی كوردستان ده‌كات و ده‌ڵێ: نه‌ورۆز جه‌ژنى بووژانه‌وه‌ و به‌هێزبوونی گیانى نیشتمانیی نه‌ته‌وه‌ی كورد و هه‌موو گه‌لی كوردستانه‌.


ئه‌مه‌ش ده‌قی په‌یامه‌كه‌یه‌:

به‌بۆنه‌ی جه‌ژنی نه‌ورۆز و سه‌ری ساڵی تازه‌ی كوردییه‌وه‌، پیرۆزبایی له‌ یه‌كە به‌ یه‌كه‌ی خێزانی سه‌ربه‌رزى شه‌هیدانی كوردستان ده‌كه‌م كه‌ به‌ خوێن و قاره‌مانێتیی ئه‌و شه‌هیدانه‌، ئێستا كوردستان جه‌ژنی سه‌ركه‌وتن و تێكشكاندنی داعش ده‌گێڕێت. پیرۆزبایی له‌ پێشمه‌رگه‌ قاره‌مانه‌كان، له‌ ئاسایش و هێزه‌كانی ناوخۆ و خۆبه‌خشان ده‌كه‌م كه‌ سه‌قامگیریی كوردستانیان پاراستووه‌. پیرۆزبایی له‌ فه‌رمانبه‌رانی كوردستان ده‌كه‌م كه‌ به‌ خۆڕاگریی خۆیان، هێزیان دایه‌ گه‌ل و حكوومه‌تی كوردستان.

جه‌ژنی نه‌ورۆز له‌ نه‌ته‌وه‌ی كورد و هه‌موو گه‌لی كوردستان پیرۆز ده‌كه‌م، ئه‌و جه‌ژنه‌ی به ‌درێژاییی مێژووی كوردستان، هاوكات له‌گه‌ڵ نوێبوونه‌وه‌ی سروشتدا، ڕۆژی نوێبوونه‌وه‌ی گیانى نیشتمانپه‌روه‌ریی كورد بووه‌، بۆیه‌ش به ‌ڕاستی نه‌ورۆز بۆ كورد و كوردستان جه‌ژنی نوێبوونه‌وه‌یه‌. پیرۆزبایی له‌ هه‌موو ئه‌و گه‌لانه‌ی ناوچه‌كه‌ ده‌كه‌م كه‌ جه‌ژنی نه‌ورۆز ده‌گێڕن، هیوادارم جه‌ژنی پێشكه‌وتن و ئارامیی زیاتر بێت بۆ هه‌موومان.

له‌ نه‌ورۆزی ئه‌مساڵدا ڕاسته‌ هێشتا زۆر له‌ خه‌ڵكی خۆشه‌ویستی ناوچه‌ی شنگال له‌به‌ر ده‌ستی داعشدا ماون، تا ئێستاش قورساییی شه‌ڕ و لێكه‌وته‌كانی شه‌ڕی داعش به‌سه‌ر گه‌لی كوردستاندا ماون، هێشتا قورساییی قه‌یرانی ئابووری به‌سه‌ر كوردستاندا ماوه‌، به‌ڵام به‌ هه‌وڵی بێوچان، به‌رده‌وام خوشك و برا ئێزدییه‌كانمان له‌ ده‌ستی داعش ڕزگار ده‌كرێن، سه‌ركه‌وتنی پێشمه‌رگه،‌ گه‌لی كوردستانی وه‌ك میلله‌تێكی پارێزه‌ری ئازادی و به‌ها مرۆڤایه‌تییه‌كان به‌ هه‌موو جیهان ناساندووه‌، ئیراده‌ی خه‌ڵكی كوردستان و كاركردنی به‌رده‌وامی حكوومه‌تی هه‌رێمی كوردستان له‌پێناو چاكسازی و ڕێكخستنه‌وه‌ی كاروباری حكوومه‌ت و هاوبه‌شیكردن له‌گه‌ڵ ده‌زگا نێوده‌وڵه‌تییه‌كاندا له‌وباره‌یه‌وه‌، هیوایه‌كی به‌هێزی كۆتاییهێنان به‌ هه‌موو قه‌یران و كێشه‌كان ده‌به‌خشن.

له‌ نه‌ورۆزدا، له‌ پیرۆزترین ڕۆژی كوردستاندا، داوا له‌ هه‌موو لایه‌نه‌كانی كوردستان ده‌كه‌م له‌پێناو پاراستنی هه‌موو ده‌ستكه‌وت و پێشكه‌وتنه‌كانی هه‌رێمی كوردستان، ده‌نگیان بكه‌نه‌ یه‌ك بۆ ئه‌وه‌ی بتوانین به‌ شێوه‌ی لێكتێگه‌یشتن و ئاشتیانه‌، هه‌موو كێشه‌ و ناكۆكییه‌ ناوخۆییه‌كان، فره‌هێزی و گوێنه‌دانه‌ سه‌روه‌ریی خاك و حكوومه‌تی هه‌رێمی كوردستان كۆتایی پێبینین.

هیوادارم به‌ دڵێكی پڕ له‌ خۆشی و گه‌شبینییه‌وه‌ جه‌ژنی نه‌ورۆز له‌گه‌ڵ خێزان و ئازیزانتاندا پیرۆز بكه‌ن و به‌ پاراستنی ژینگه‌ و سروشتی كوردستان، دۆستایه‌تی و خۆشه‌ویستیی خۆتان له‌گه‌ڵ سروشتی جوانی كوردستاندا نیشان بده‌ن.


نێچیرڤان بارزانی
سه‌رۆكوه‌زیرانی هه‌رێمی كوردستان
20/3/2017

 




دوایین هەواڵەکان

ئێمینکی بۆ یوئین: لە دەرخستنی ڕاستییەکاندا ورد نەبوون

MONDAY, 11 DECEMBER 2017 19:12:14

هەولێر-KDP.info- جێگری سەرۆکی پەرلەمانی کوردستان و سکرتێری پەرلەمان پێشوازییان لە جێگری نێردەی تایبەتی سکرتێری گشتیی نەتەوە یەکگرتووەکان لە عێراق و بەرپرسی یۆنامی لە هەرێمی کوردستان کرد. لە دیدارەکەدا (ئێمینکی) بە پێویستی زانی کە دەبێ سنوورێک بۆ جموجووڵە سەربازییەکانی حکوومەتی عێراق دابنرێت و نیگەرانیشی دەربڕی لە ڕاپۆرتەکەی (یان کۆبیش) کە لە دەرخستنی ڕووداوەکاندا ورد نەبووە.

 
سەرۆک بارزانی: بەشی هەرە گەورەی ئێش و ئازاری گەلەكەمان لەسەر شانی ئافرەتان بووە

MONDAY, 11 DECEMBER 2017 19:12:10

هەولێر-KDP.info-  (سەرۆك بارزانی) بەبۆنەی شەست و پێنج ساڵەی دامەزراندنی یەكێتیی ئافرەتانی كوردستان پەیامێکی پیرۆزبایی ئاراستەی یەكێتیی ئافرەتان و هەموو ئافرەتانی كوردستان کرد و لە پەیامەکەدا (سەرۆک بارزانی) رایگەیاند، بەشی هەرە گەورەی ئێش و ئازاری گەلەكەمان لەسەر شانی ئافرەتان بووە.

چاودێرانی سیاسی: پێویستە لایەنی سێیەم بۆ دانوستانی هەولێر و بەغدا بێتە سەرهێڵ

MONDAY, 11 DECEMBER 2017 18:12:30

ھەولێر-KDP.info-  چاودێرانی سیاسی پێیان وایە، سەرۆکوەزیرانی عێراق بەمەبەست ناوی ھێزی پێشمەرگەی نەھێناوە و لەبیری نەکردووە، بەڵکو دەریخست کە ئەو، کەسێکی شۆڤینییە و بە یەک چاو تەماشای ھەموو عێراق ناکات، بۆیە پێویستە ئەو وڵاتانەی جەخت لەسەر یەکپارچەییی عێراق دەکەنەوە وەک لایەنی سێیەم بێنە سەرخەت و نێوەندگێری لە نێوان ھەرێم و بەغدا بکەن.

 
هێزە عێراقییەکان دوو پێشمەرگەی حزبێکی ڕۆژهەڵاتیان دەستگیر کردووە

MONDAY, 11 DECEMBER 2017 18:12:54

هەولێر-KDP.info- کۆمەڵەی شۆڕشگێڕی زەحمەتکێشانی کوردستانی ئێران ئاشکرای دەکات، نزیکەی مانگێکە هێزەکانی عێراق لە نزیک شاری کەرکووک دوو پێشمەرگەی ئەو حزبەیان دەستگیر کردووە.

 
٤٠ کۆمەڵە و سەندیکای پیشەیی داوا دەکەن عێراق بە هەڵەکانیدا بچێتەوە

MONDAY, 11 DECEMBER 2017 18:12:33

هەولێر-KDP.info- ئەمڕۆ لە شاری ھەولێر لە کۆنگرەیەکی ڕۆژنامەوانیدا ٤٠ کۆمەڵە و سەندیکای پیشەیی، دژی (حەیدەر عەبادی)، سەرۆکوەزیرانی عێراق ھەڵوێستی خۆیان ڕاگەیاند و داوا دەکەن کە عێراق بە هەڵەکانیدا بچێتەوە.

 


 
© 2017 Kurdistan Democratic Party, KDP