Kurdî  ■  كوردی  ■  عربي
MON, 19 FEB 2018 13:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ستاندەر دەمێک بوو دەبوایە بخرێتە ژێر لێپێچینەوەی یاسایی
| KDP.info


بەختیار جاف

کۆمەڵێک خەڵک لەسەر ستاندەر نامەیەکیان ئیمزا کردووە، گوایە پشتیوانیی لەو دەزگایە دەکەن کە هێزە ئەمنییەکان نەیانهێشتووە سیمینارێک ساز بکات و دەزگاکەیان داخستووە، جارێ پێش هەموو شتێک ستاندەر بریتییە لە سایت و لە پێشیشدا هەفتەنامەیەکی توندڕۆی پاشکەوتووی لایەنگری نابەرابەری کۆمەڵایەتی دژی ئافرەتان و دژی پیشكەوتنی کۆمەڵایەتی و سەنگەری توندڕۆیی ئیسلامی بووە.

لەهەمانکاتدا ئەو سایتە سەنگەرێکی بەردەوامی دژی حکوومەتی هەرێمی کوردستان و بڵاوکردنەوەی بەدناوی و بڕو بیانووو  بوختان بووە و، لە کوێیش شتێک دژی کوردستان گوترابێت دووبارەی کردووه‌تەوە، جیالەوەش بەبێ سەرچاوە بیروڕای جیاجیا و قسەی جیاجیا لە دژی بەرژەوەندیی وڵات و ئاسایشی وڵات و، هەندێکجاریش لە دژی کەسایەتییە سیاسییەکان و حزبەکانیش بڵاو دەکاتەوە، لە ڕووی یاساییەوە دەبوایە ئێستا بەهۆی هەموو ئەوانەوە ستاندەر دەمێک بێ بخرێتە ژێر لێپێچینەوەی یاساییەوە و، ئێستا خاوەنی ستاندەر بەدوای مافی یاساییی خۆی بكەوتایە.

ئەوەی کە جێی تێبینییە، لە سلێمانی، کۆمەڵێک خەڵکی کە بەردەوام ستاندەرئاسا ناهەقی دەڵێنەوە و بڕوبوختان دەکەن و هستریای ڕاگەیاندنیان بەسەر خەڵکی کوردستاندا سەپاندووە، ئەوانە نامەیەکیان نووسیوە کە بەرگری لە هاوپیشەکەیان دەکەن کە ستاندەرە، ئەوانە ڕاهاتوون کە هەمیشە پشتیوانیی خەڵکی تێکدەر بن بەو شێوەیە:
1-کێ لە دژی سەربەخۆییی دامودەزگای حکوومەتی هەرێمی کوردستان بجووڵێنێ، ئەوانە لە سلێمانییەوە پشتیوانی دەکەن.
2-ئەوانە هەمیشە هەوڵ دەدەن وەکو قاز بقیڕێنن، گوایە هاودەنگی دەکەن و گوشار دەخەنە سەر حکوومەتی هەرێمی کوردستان.
3-کێ لە دژی ئارامی و ئاسایشی کوردستان کار بکات و هەنگاو بنێ و پڕوپاگەندە بڵاو بکاتەوە، دیسان ئەوانەی کە ئێستا ئەو نامەیەیان ئیمزا کردووە پشتیوانی لێ دەکەن.

جابۆیە لە وەڵامی ئەوانەدا دەڵێین، ستاندەر چەند قیمەتی هەیە، قسە و ڕای ئەو پەلاماردەرانەشی بەناو ڕاگەندنکار و یان ناویان لە خۆیان ناوە ڕۆشنبیر لە سلێمانی، کە لە ڕاستیدا نە ڕاگەندنکار و نە ڕۆشنبیرن، هەرهێندە قیمەتەیان هەیە و جێگا دەگرێ.




دوایین هەواڵەکان

میونیخ و نەوای ئارام

MONDAY, 19 FEBRUARY 2018 12:02:59

ئاریان فەرەج

ناوچەكە نەك هەر لە مەترسیی تیرۆر و توندڕۆیی و داعش و هاوشێوەكانی قورتار نەبووە، نەك هەر رووی لە ئاشتی و سەقامگیریی نییە، بەڵكو بە بڕوای زۆر لە كارناسان، هێشتا زۆر زووە باس لە كۆتاییی داعش و توندڕۆیی و تیرۆر بكرێت. هەر خۆشخەیاڵییەكیش لەو بارەیەوە نادیتەگرتنی ئەو هۆكارە جەوهەریانەن كە وەك چۆن داعشیان بەرهەم هێنا، دەتوانن لەو دڕندەتر بەرهەم بێنن و ئەو هۆكارانەش نەك هەر نەماون، بەڵكو تۆختر بوونەتەوە و لە هەركات هەراشترن.

كرمانج عەبدوڵڵا: دەسەڵاتی سەربازی، لە گۆڕینی ئیدارەی مەخموور شكستی خوارد

MONDAY, 19 FEBRUARY 2018 12:02:19

مەخموور-KDP.info- عێراق لە هەوڵی ئەوەدایە ئەگەر ئیدارەی پێش رووداوەكانی 16ـی ئۆكتۆبەر بە یەكجارەكی نەگەڕێتەوە مەخموور، ئەوان ناچار دەبن ئیدارەیەكی نوێ دابنێن. بەرپرسی لقی 23ـی پارتییش دەڵێ، زۆر هەوڵیان دا كە ئیدارەیەكی سەربازی لە ناوچەكە دابنێن، بەڵام نەیانتوانی و شكستیان خوارد.

 
ئەلوەتەن: عێراق سیستمی بەرگریی مووشەكی لە ڕووسیا دەكڕێت

MONDAY, 19 FEBRUARY 2018 12:02:40

ئەلوەتەن-KDP.info-  سەرچاوەیەكی هەواڵی سعوودیا ئاشكرای كرد، حكوومەتی عێراق بەنیازە سیستمی بەرگریی مووشەكی لە ڕووسیا بكڕێت.

 
سوپای سووریا دەچێتە عەفرینەوە

MONDAY, 19 FEBRUARY 2018 12:02:24

هەولێر-KDP.info-  گەورەبەرپرسێکی کوردی سووریا دەڵێ، لە نێوان ئەو هێزە کوردانەی سووریا کە لە عەفرین دژ بە هێزەکانی تورکیا شەڕ دەکەن، لەگەڵ حکوومەتی سووریادا ڕێکـکەوتوون، سوپای سووریا بچێتە سەر سنوور و شارەکەشەوە. میدیای حکوومەتی سووریایش دەڵێ، لە چەند سەعاتی دابێ، هێزەکانیان دەچنە نێو عەفرینەوە.

 
ڤاڵا فەرید: ئەمڕۆ پڕۆژەیاسای چاكسازیی بۆ ‌سەرۆكایەتیی پەرلەمان بەرز دەكرێتەوە

MONDAY, 19 FEBRUARY 2018 10:02:23

هەولێر-KDP.info- سەرۆكی لیژنەی یاسایی لە پەرلەمانی كوردستان دەڵێ، وەكوو لیژنە پەیوەندیدارەكانی پەرلەمان، ڕاپۆرتی كۆتاییان لەبارەی پڕۆژەیاسای چاكسازیی خانەنشینی و مووچە و دەرماڵەكانەوە ئامادە كردووە و، ئەمڕۆیش بۆ ‌سەرۆكایەتیی پەرلەمان بەرز دەكرێتەوە.

 


 
© 2017 Kurdistan Democratic Party, KDP