Kurdî  ■  كوردی  ■  عربي
THU, 22 FEB 2018 19:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"100 چەکداری (پەکەکە) پێوەندییان بە هێزی پێشمەرگەوە کردووە"
| KDP.info


شنگال-KDP.info-  جێگری فەرماندەی شنگال ئاشکرای کرد، دوای ھەردوو ڕووداوەکەی شنگال، چەکدارانی (یەپەشە) بە بەردەوامی پێوەندی بە ڕیزەکانی ھێزی پێشمەرگەوە دەکەن، تەنیا لە دوو سێ ڕۆژی ڕابردوودا زیاتر لە١٠٠ چەکدار ھاتوونەتە نێو ڕێزەکانی ھێزی پێشمەرگەوە، بۆ ئەو مەبەستەش لیژنەیەک بۆ پێشوازیکردنیان پێکھاتووە.

دوای ئەوەی کە (پەکەکە) لە کۆمەڵگەی خانەسۆر شەڕی بە هێزەکای پێشمەرگە فرۆشت، ئێستا لەنێو کوردانی ئێزدیدا دەمامکی (پەکەکە) بەتەواوی لادراوە و بۆیان دەرکەوتووە، کە (پەکەکە) دەیەوێت زیان بە کوردانی ئێزدی بگەیەنێت و دەڤەری شنگال ئاوەدان نەبێتەوە، بۆیە کوردانی ئێزدی کە لەنێو (پەکەکە)دان پەیتا پەیتا دەگەڕێنەوە نێو ڕیز هێزی پێشمەرگەی کوردستان. سەبارەت بەم پرسە، عەمید (سمێ بۆسەڵی) بە ماڵپەری فەرمیی پارتی دیموکراتی کوردستانی ڕاگەیاند: ''دوای ڕووداوەکانی شنگال، چەکدارانی کوردی ئێزدی کە لەنێو (پەکەکە)دان ڕووی ڕاستەقینەی (پەکەکە)یان بۆ ڕوون بووەتەوە، بۆیە بە بەردەوامی پێوەندی بە ڕیزەکانی ھێزی پێشمەرگەوە دەکەن و نایانەوێت لەوە زیاتر لەگەڵ (پەکەکە) بن.''

عەمید (سمێ بۆسەڵی) گوتی: ''بۆ ئەو مەبەستە لیژنەیەک پێکھاتووە و پێشوازی لەو چەکدارانە دەکات، کە دێنە نێو ڕیزەکانی ھێزی پێشمەرگەوە و فۆڕمێکیان بۆ ئامادە کراوە، ئەو فۆڕمە پڕدەکەنەوە و دەبنە پێشمەرگە و مووچەیان بۆ دەبڕدرێتەوە.''

(بۆسەڵی) گوتیشی: ''تەنیا لە ماوەی دوو سێ ڕۆژی ڕابردوودا زیاتر لە١٠٠ چەکداری (یەپەشە) فۆڕمیان پڕکردووەتەوە و بوونەتە پێشمەرگە و ھاتنیشیان بەردەوامە.''

بڵند ئیبراھیم 




دوایین هەواڵەکان

مه‌سروور بارزانی گه‌یشته‌ ئه‌مریكا

THURSDAY, 22 FEBRUARY 2018 16:02:22

ئەمەریکا-KDP.info-  مه‌سروور بارزانی، راوێژكاری ئه‌نجوومه‌نی ئاسایشی هه‌رێمی كوردستان به‌ سه‌ردانێك گه‌یشته‌ ویلایه‌ته‌ یه‌كگرتووه‌كانی ئه‌مەریكا و بڕیاره‌ له‌و سه‌ردانه‌یدا چاوی به‌ ژماره‌یه‌ك به‌رپرسی باڵای ئه‌مریكا بكه‌وێت.

فەلاح حەسەن باسی ڕیفراندۆم و کەرکووکی بۆ سەرۆکەکانی لاوانیی سیاسیی ئەورووپا کرد

THURSDAY, 22 FEBRUARY 2018 15:02:14

ئیتالیا -KDP.info- جێگری سەرۆکی لاوانی سیاسیی جیهان باسی ڕیفراندۆم و کەرکووکی بۆ سەرجەم سەرۆکەکانی لاوانی سیاسیی وڵاتانی ئەورووپا کرد.

 
بەرزنجی: هاوپەیمانێتیی عەبادی بەرەو لاوازی دەچێ و ناچارە داواکاریی کورد جێبەجێ بکات

THURSDAY, 22 FEBRUARY 2018 15:02:05

هەولێر-KDP.info- سەرۆکی سەنتەری زەھاوی بۆ لێکۆڵینەوە ئاشکرای کرد، زانیاری ھەیە لە مانگی ئاداری داھاتوودا ھەرێمی کوردستان و بەغدا لە ژێر چاودێریی نێودەوڵەتیدا دەگەنە ڕێککەوتن بۆ چارەسەرکردنی کێشەکانیان و دەشڵێ، ھاوپەیمانیی عەبادی بەرەو لاوازی دەچێت و ناچارە داوکاریی کورد جێبەجێ بکات.

 
"بەغدا لە فرۆشتنی نەوتی کەرکووک دەستووری پێشێل کردووە"

THURSDAY, 22 FEBRUARY 2018 15:02:42

کەرکووک -KDP.info- پسپۆڕێکی کەرتی نەوت پێی وایە، فرۆشتنی نەوتی کەرکووک بەبێ ھەماھەنگیی ئەنجومەنی پارێزگا لادانە لە دەستووری عێراق و دەشڵێ، بە پێی ماددەی  ١١٢ی دەستووری عێراق، بەغدا ناتوانێ بە تاکلایەنە و بەبێ ڕێککەوتن و ھەماھەنگی نەوتی ھیچ پارێزگایەک ھەناردە بکات.

 
وەزارەتی گواستنەوە و گەیاندن: نازانین کێ نووسراوی کردنەوەی فڕگەکانی ساختە کردووە

THURSDAY, 22 FEBRUARY 2018 13:02:53

هەولێر-KDP.info-  گوتەبێژی وەزارەتی گواستنەوە و گەیاندنی هەرێمی كوردستان دەڵێ، ئه‌وكاته‌ی نووسراوەکەی به‌غدایان بە دەست گەیشتووه‌، زانیویانه‌ ساختەیە و ده‌ستبه‌جێ بەغدایان لێ ئاگادار کردوه‌تەوە.

 


 
© 2017 Kurdistan Democratic Party, KDP