Kurdî  ■  كوردی  ■  عربي
THU, 26 APR 2018 09:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌كه‌كه‌ له‌ ڕۆژئاوا كێشه‌ی تێكه‌وت؛ ''به‌ ساڵح موسلیم و په‌كه‌كه‌یان گوت تیرۆریست، کەچی قسه‌ی نه‌كرد''
| KDP.info



ڕۆژئاوای کوردستان-KDP.info-  چالاکێکی سیاسیی ڕۆژئاوای کوردستان، ئاماژە بەوە دەکات، (باڵه‌كه‌ی په‌كه‌كه‌ له‌ ڕۆژئاوا) بەهۆی سیاسەتەکانییەوە لە ئاستی دەرەوە سەرکۆنە دەکرێت و، لەبەردەم (ساڵح موسلیم)دا، (په‌كه‌كه‌ی رۆژئاوا) و (پەکەکەی قه‌ندیل) بە تیرۆریست لەقەڵەم دران و كه‌چی نوققه‌ی نه‌كرد!.

(شێروان ئیبراهیم) چالاکێکی سیاسیی ڕۆژئاوای کوردستانە، کە ئێستا لە کۆنگرە دیپلۆماسییەکاندا بەشداریی هەیە، بە ماڵپەڕی فەرمیی پارتی دیموکراتی کوردستانی گوت: ''لە چەند ڕۆژی ڕابردوودا لە کۆنگرەی سۆسیال ئینتەرناسیۆنالیستدا لە کۆلۆمبیا، لە ناوچەی کارتاینا گفتوگۆی تایبەت کرا. لەوێ نوێنەری (په‌كه‌كه‌ له‌ ڕۆژئاوا-ساڵح موسلیم-) ئامادە بوو، یەکێتیی نیشتمانیی کوردستان، ناوی (پەیەدە)ی بەرز کردەوە بۆ ئەوەی ببێتە ئەندام، بەڵام ئەندامەکانی دیکە قه‌بووڵیان نەکرد و، داواکەی یەکێتی ڕەت کرایەوە.''

به‌گوێره‌ی ئه‌و زانیارییانه‌ی ئه‌و چالاكه‌ سیاسییه‌ پێیڕاگه‌یاندین، هۆکاری قه‌بووڵنه‌كردنی په‌كه‌كه‌ ئەوە بووه‌، ''ئاگایان لە ڕەفتاری (په‌كه‌كه‌) و ئەو هەڵسوکەوتەی لە دژی (ئەنەکەسە) دەیکات له‌ ڕۆژئاوا، هەبوو. ئەوەش کاریگەریی زۆری لەسەر نەبوونیان بە ئەندام هەبوو.''

لە كۆنگره‌كه‌ی ئەنتەرناسیۆنالدا كه‌ ڕێکخراوەکانی ئەمەریکا و کەنەدا و به‌ گشتی 91 دەوڵەت تێیدا بەشدارن، (شێروان ئیبراهیم) ده‌ڵێ، ''لە یەکێک لە دانیشتەکاندا باسی ئەوە کرا، کە ناکرێت حزبێک ببێتە ئەندامی سۆسیال ئەنتەرناسیۆنال و وەک (په‌كه‌كه‌) ڕەفتار بکات، کە ئەو قسەیە کرا، نوێنەرانی (په‌كه‌كه‌ی ڕۆژئاوا) شۆک بوون، چونکە ئەندامانی کۆنگرەکە گوتیان، ئاخر دەکرێت ئەندامێکی ئەو کۆنگرەیە باسی دیموکراسی بکات و خۆی ئەوە ڕەفتاری بێت و سیاسه‌تی تاكڕۆیی به‌ بنه‌ما گرتبێت؟''

(شێروان ئیبراهیم) گوتی: ''سه‌ركرده‌ و ئەندامانی (په‌كه‌كه‌ی ڕۆژئاوا و په‌كه‌كه‌ی قه‌ندیل) خاوەنی بڕیاری خۆیان نین. (ساڵح موسلیم) کە هاوسەرۆکیانە له‌ ڕۆژئاوا، خاوەنی بڕیار نییە، هه‌ڵبه‌ت بڕیار لەلای (سه‌رانی قه‌ندیله‌) و، هەر لەبەر ئەوەش (باڵی په‌كه‌كه‌ له‌ ڕۆژئاوا) دەنگی ناڕەزایی تێکەوتووە. ئه‌و باڵه‌ حزبییه‌ی ڕۆژئاوا وای لێهاتووە، لەبەرچاوی (ساڵح موسلیم) لە کۆنگرەکەدا (جەهەپە) لەسەر (پەکەکە) قسەی کرد و گوتی: ''پەکەکە تیرۆریستە'' و وەک تەعلیقێک بۆ (پەیەدە-په‌كه‌كه‌ی ڕۆژئاوا)یش گوتی، (تیرۆری خراپ و تیرۆری باش)، (ساڵح موسلیم) سەیری دەکرد و قسەی نەکرد، لەکاتێکدا هەموو کەس دەزانێت (پەکەکە) لە لیستی تیرۆردایە، ئەگەر (پەکەکە) لەسەر تیرۆردا بێت، (باڵه‌كه‌ی ڕۆژئاوا)یشی هه‌ر لە لیستی تیرۆردایە.''

کارزان سەباح هەروامی




دوایین هەواڵەکان

نێچیرڤان بارزانی: کوردستانیان باش دەزانن، پارتی دەتوانێت مافەکانیان دەستەبەر بکات

THURSDAY, 26 APRIL 2018 00:04:39

هه‌وللێر-KDP.info-  سەرۆکوەزیرانی هەرێمی کوردستان جه‌خت ده‌كاته‌وه‌ له‌وه‌ی پارتی به‌ هێزی یه‌كه‌م ده‌مێنێته‌وه‌ و بۆ ئه‌م دڵناییه‌شی پشتبه‌ستوو بە دەنگی خەڵکی کوردستان ده‌ڵێ، ''پشتگەرمین بەوەی کە کوردستان و کوردستانیان باش دەزانن، کە پارتی ئەو هێزەیە کە دەتوانێت مافەکانیان بۆ دەستەبەر بکات و هەوڵی جددی بدات، ئێمە پشتگەرمین بە دەنگی خەڵک.''

 
هەڤوەڵاتیان: دێ دەنگ ب لیستا خودانا داستانێن پردێ و سحیلا دەین

WEDNESDAY, 25 APRIL 2018 18:04:08

دهۆک-KDP.info- هەڤوەڵاتیێن پارێزگەها دهۆکێ ددەنە دیارکرن، ژبۆ رۆژا دەنگدانێ ب دل و جان ل سەر سندۆقان ئامادەبن و دەنگ ب لیستا ١٨٤ یا خودانا داستانێن پردێ و سحێلا دەین.

 
د. ساڵح مه‌لا عومەر: خەڵکی کوردستان دەنگ بەو لیستە دەدەن کە خاوەنی ریفراندۆمە

WEDNESDAY, 25 APRIL 2018 16:04:35

هه‌ولێر-KDP.info- ماموستایه‌كی زانكۆی سه‌ڵاحه‌دین ده‌ڵێ، له‌ هه‌ڵبژاردنی په‌رله‌مانی عێراقدا ئه‌م جاره‌ خه‌ڵكی كوردستان ده‌نگ به‌و لیسته‌ ده‌ده‌ن كه‌ خاوه‌نی ڕیفراندۆمه‌ و هه‌ڵوێسته‌كانی نه‌ته‌وه‌یی بوون، چونكه‌ بینیمان له‌م خوله‌ی په‌رله‌ماندا هه‌ندێك نوێنه‌ری لایه‌نه‌كان له‌جیاتی به‌رگریكردن له ‌خه‌ڵكی كوردستان ببوونه‌ پارێزه‌ری به‌غدا و دژایه‌تیی خه‌ڵكی كوردستانیان ده‌كرد و دژی ئه‌وان ده‌نگیان ده‌دا.

 
مەکتەبی سەرۆک، سەرەخۆشیی لە پڕۆفیسۆرعزەدین مستەفا ڕەسووڵ و فاروق مەلا مستەفا دەکات

WEDNESDAY, 25 APRIL 2018 16:04:19

بەڕێزان پڕۆفیسۆر عزەدین مستەفا ڕەسووڵ

 


 
© 2018 Kurdistan Democratic Party, KDP