Kurdî  ■  كوردی  ■  عربي
WED, 29 MAR 2017 14:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌كه‌كه‌ په‌لاماری پێشمەرگەی رۆژی دا
| KDP.info


 
هه‌ولێر-KDP.info-  فەرماندەی ھێزەکانی پێشمەرگەی رۆژ لە شنگال ڕایگه‌یاند، به‌ داخه‌وه‌ كه‌ له‌ كاتی به‌جێگه‌یاندنی ئه‌ركه‌كانیاندا، ھێزەکانیان له‌ خانەسۆری ده‌ڤه‌ره‌ی شنگال كه‌وتوونه‌ته‌ به‌ر په‌لاماری هێزه‌كانی په‌كه‌كه‌وه‌ و، به‌ هۆیه‌وه‌ ماوه‌یه‌ك شه‌ڕ له‌ نێوانیاندا ڕووی داوه‌. 
 
(قادر شێخ مەم) بۆ ماڵپەڕی فەرمیی پارتیی دیموکراتی کوردستانی ڕوونی كرده‌وه‌ ''ئه‌م بەیانیی هه‌ینییه‌ ھێزەکانمان جووڵەیان کردووە بۆ ئەوەی بچینە ناوچەی خانەسۆر لە شنگال، هه‌ڵبه‌ت بۆ ئه‌وه‌ بوو كه‌ له‌وێ جێگیر ببن، خۆی هێزه‌كانمان ئازادن كه‌ی و چۆن و له‌پێناو ئه‌ركماندا له‌ له‌سنووری خاكی خۆماندا ئه‌ركمان به‌جێ بگه‌یه‌نین، بەڵام ھێزەکانی په‌كه‌كه‌ رێگرییان لە ھێزەکانی ئێمە کرد و، سه‌عات حەوتی بەیانی بوو ته‌قه‌یان لێ كردین، ڕاستییه‌كه‌ی ئێمه‌ش وه‌ڵاممان دانه‌وه‌، به‌ڵام خۆشبه‌ختانه‌ ته‌قه‌كردن وه‌ستاوه‌.''
 
(قادر شێخ مەم) گوتی، له‌و به‌ره‌ورووبوونه‌وه‌دا په‌كه‌كه‌ کوژراو و برینداریان ھەیە و رایگه‌یاند، ''جیا له‌وه‌ی شەڕەکە وه‌ستاوه‌، له‌سه‌ر ئاستی باڵایش ھەوڵ ھەیە بۆ ئەوەی ئەو کێشەیە چارەسەر بکرێت.''
 
ئەو فەرماندەیه‌ی پێشمەرگەی ڕۆژ جه‌ختی کردەوە، ''ئێمە مەبەستمان نەبووە بچینە رۆژئاوای کوردستان و تەنھا دەچووینە ئەو ناوچەیە کە لە شنگالە و جێگر بکرێین، له‌به‌رئه‌وه‌ ئێمە سوورین دەچینە ئەوشوێنەوە و پاشەکشە ناکەین. ئاخر ئه‌وێ خاكی خۆمانه‌.''
 
بڵند ئیبراھیم  
 



دوایین هەواڵەکان

ئیبراهیم جەعفەری: بوونی بنکەی سەربازیی ئەمریکا لە عێراق قبووڵ ناکەین

WEDNESDAY, 29 MARCH 2017 13:03:41

هەولێر-KDP.info-  وەزیری دەرەوەی عێراق ڕایگەیاند، وڵاتەکەی بوونی بنکەی سەربازیی ئەمریکا لە ناو خاکی عێراق قبووڵ ناکات.

 
ئێران: ڕووسیا دەتوانێت بنکە ئاسمانییەکانی ئێران بەکار بێنێت

WEDNESDAY, 29 MARCH 2017 13:03:35

هەولێر-KDP.info-  لە لێدوانێکدا بۆ ئاژانسی ڕۆیتەرز، (محەمەد جەواد زەریف) وەزیری دەرەوەی ئێران ڕایگەیاند، ڕووسیا دەتوانێت بۆ شەڕ لەگەڵ داعش و بۆردوومانی پێگە و مۆڵگەی تیرۆریستان لە سووریا، بنکە ئاسمانییەکانی ئێران بەکار بێنێت.

 
لیوا ھەڵۆ نەجات: ڕێ بە نانەوەی پشێوی و ئاڵۆزی نادەین، سەقامگیریی کەرکووک دەپارێزین

WEDNESDAY, 29 MARCH 2017 13:03:26

کەرکووک-KDP.info-  ئاسایشی کەرکووک  رایدەگەیێنێت، ئەوانەی لە کەرکووک خۆپیشاندانیان دژی ئاڵای کوردستان کردووە، نوێنەرایەتیی پێکھاتەی تورکمان ناکەن، بۆیە ھەر کەس و لایەنێک ئاڵۆزی لە ناوشار دروست بکات، لێپێچینەوەی لەگەڵدا دەکرێت، ئەمە بڕیاری لیژنەی ئەمنیی پارێزگای کەرکووکە.

قایمقامی شنگال: كەركووك و شنگال، دەگەڕێنەوە باوەشی هەرێمی كوردستان

WEDNESDAY, 29 MARCH 2017 13:03:50

شنگال-KDP.info-  قایمقامی شارۆچكەی شنگال دەڵێت، هەڵكردنی ئاڵای كوردستان لە كەركووك، هەنگاوێكی زۆر باش و بڕیارێكێ بوێرانە بوو، هەروەها جێگای شانازی بوو بۆ كەركووكییەكان و تەواوی گەلی كوردیش.

زریان ڕۆژهەڵاتی: پەكەكە بە پاڵپشتیی دوژمنانی هەرێمی کوردستان، دەیەوێ قەرەبووی شکستەکانی بکاتەوە

WEDNESDAY, 29 MARCH 2017 11:03:24

هەولێر-KDP.info-  شرۆڤەكار و شارەزای سیاسەتی پەکەکە (زریان ڕۆژهەڵاتی) دەڵێ، پەكەكە لە باكوور شكستی خوارد، ئەنجامەكەیشی دەستگیركردنی ژمارەیەكی زۆر لە ئەندامانی بوو، بۆیە هەوڵ دەدات پێگەی خۆی لە رۆژئاوا قایمتر بكات و، لە باشووریش رۆڵی هەبێت تا قەرەبووی ئەو بارودۆخەی باكوور بكاتەوە.



 
© 2017 Kurdistan Democratic Party, KDP