Kurdî  ■  كوردی  ■  عربي
THU, 21 JUN 2018 09:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چاودێرێکی سیاسی: بەشداریکردنی سەرۆک بارزانی لە کۆنگرە نێودەوڵەتییەکان ھەرێم لە سەربەخۆیی نزیکتر دەکاتەوە
| KDP.info


ھەولێر-KDP.info-  چاودێرێکی سیاسی باوه‌ڕی وایه‌، بەشداریکردنی ھەرێمی کوردستان لە کۆنگرە نێودەوڵەتییەکان، ھەرێمی کوردستان لە سەربەخۆیییه‌كه‌ی نزیکتر دەکاتەوە و هۆكار ده‌بێ له‌ پشتگیریی نێودەوڵەتی بۆ پرسه‌ ڕه‌واكه‌ی.

کۆنگرەی میونشن ساڵێک یان دووساڵ جارێک بۆ لێکۆڵینەوە لە ئاسایشی نێودەوڵەتی ساز ده‌درێت، زۆربەی وڵاتان لەو کۆنگرەیەدا ئەندامن و بەشداریکردنی (سەرۆک بارزانی) و شاندی سیاسی و سه‌ربازییه‌كه‌ی یاوه‌ریشی تێیدا، گرینگیی سیاسی و دیپلۆماسیی خۆی ھەیە بۆ ھەرێم، چونکە چاوی بە سەرکردە و دیپلۆماتكارانی جیھان دەکەوێت.
له‌باره‌وه‌ (د.بوخاری عەبدوڵڵا) كه‌ چاودێری سیاسی و مامۆستای زانکۆیه‌، بە ماڵپەری فەرمیی پارتی دیموکراتی کوردستانی راگەیاند "بەشداریکردنی ھەرێم لەو کۆنگرەیەدا رۆڵی ھەرێم دەردەخات لە پاراستنی ئەمن و ئاسایشی کوردستان و عێراق و ناوچەکەش، هه‌ڵبه‌ت شاندی هه‌رێم له‌سه‌ر ئه‌م بنه‌مایه‌ بانگھێشت کراوە و بەشداری ده‌کات لەو کۆنفرانسە نێودەوڵەتییەدا.''

ئەمڕۆ 53یەمین كۆنفرانسی ئاسایشی میونشن لە ئەڵمانیا دەستی پێكرد. وه‌ك بڕیاریش بوو (سەرۆک بارزانی) له‌ په‌راوێزی یه‌كه‌م ڕۆژی کۆنگرەدا له‌گه‌ڵ وه‌زیری به‌رگریی ئه‌مه‌ریكا، وه‌زیری ده‌ره‌وه‌ی ئه‌رمینیا و وه‌زیری سه‌ره‌وه‌ی ئێراندا كۆ بووه‌و و، وایش بڕیاره‌ له‌گه‌ڵ زۆرێك له‌ سه‌رکرده‌ و دیپلۆماتكارانی وڵاتانی به‌شداربوو لەو کۆنفرانسەدا کۆ ببێته‌وە.

(د.بوخار عەبدوالڵا) گوتیشی، لە ھەمووجیھان دوای ھاتنی داعش و به‌ره‌وڕووبوونەوەیان لەگەڵ ھێزی پێشمەرگە و ئەو سەرکەوتنانەی بەدەستیان ھێناوە، رۆڵی ھەرێمی کوردستان و پێشمەرگە یەکجار بەرز بووه‌تەوە، چونکە ئێستا کەم کەس ھەیە لە سەرکردە و دیپلۆماسانی جیھانی ئاشنای ھێزی پێشمەرگە نەبێت، ئینجا کوردیش بووه‌تە بەشێک لە ھاوپەیمانیی نێودەوڵەتی، بۆیە بانگھێشت دەکرێت بۆ ئەو جۆرە کۆنگرانە.

عەبدوڵڵا باوه‌ڕیشی وایه‌ كه‌، ''بەشداریکردنی ھەرێم لەوجۆرە کۆنگرە نێودەوڵەتیانە و رێکخراو نێودەوڵەتییەکاندا زیاتر نزیک دەبێتەوە لە سەربەخۆیی، چونکە زیاتر دەناسرێت و خەڵک لە کێشەکان و ئامانجەکانت نزیک دەبێتەوە، بۆیە ئەمە دەبێتە پشتگیرییەکیش بۆ داوا رەواکانی گەلی کورد.''

له‌ كۆنگره‌ى ئه‌مساڵدا داخوازیى به‌شداربوون به‌ راده‌یه‌كى به‌رچاو زیادی كردووه‌. وه‌ك ئه‌وه‌ى رێكخه‌رانى كۆنگره‌كه‌ ئاماژه‌یان پێكردووه‌ و به‌ خاڵى گرینگى كۆنگره‌كه‌ى ده‌زانن.
به‌شدارانى كۆنگره‌كه‌ پێكهاتوون له‌ 47 وه‌زیرى ده‌ره‌وه‌، 30 وه‌زیرى به‌رگرى، 90 په‌رله‌مانتار و هه‌روه‌ها هه‌ریه‌ك له‌ سه‌رۆكى وڵاتانى  ئۆكراینا، پۆڵه‌ندا، ئه‌میندارى گشتیى نه‌ته‌وه‌ یه‌كگرتووه‌كان، نوێنه‌رى وه‌زاره‌تى ده‌ره‌وه‌ى یه‌كێتیى ئه‌ورووپا، ئه‌منیدارى په‌یمانى باكوورى ئه‌تڵه‌سى.

بڵند ئیبراھیم 
 




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP