Kurdî  ■  كوردی  ■  عربي
SAT, 25 NOV 2017 14:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

به‌غدا بەڵێنەکەی لەبارەی ناردنی پێداوستیی تەندروستی بۆ ھەولێر نەبردووه‌تەسەر
| KDP.info


ھەولێر-KDP.info-  وەزیری تەندروستیی حکوومەتی عێراق كه‌ هاته‌ ھەرێمی کوردستان، به‌ڵێنی دا پێداویستیی تەندروستی بۆ ھەرێمی کوردستان رەوانە بكات، كه‌چی وه‌ك گوتەبێژی تەندروستیی ھەولێر دەڵێت، به‌غدا هێشتا ھیچ ھاوکارییەکی رەوانە نەکردووە.

گوتەبێژی تەندروستیی ھەولێر(فاخر کرمانجی) بە ماڵپەری فەرمیی پارتی دیموکراتی کوردستانی گوت "کاتێک وەزیری تەندروستیی حکوومەتی عێراق سەردانی ھەرێمی کوردستانی کرد و بینی کە چ گوشارێک لەسەر نەخۆشخانەکانی ھەولێر ھەیە بەھۆی ھاتنی ژمارەیەکی زۆری ئاوارە و کێشەی کەمیی دەرمانمان ھەیە، بەڵێنی دا ھاوکاریی بۆ ئێمە رەوانە بکات، بەڵام ماوەیەکی زۆر تێپەڕیوە و تا ئێستا ھیچ ھاوکارییەکیان رەوانە نەکردووە.''

گوتیشی، گوشارێکی زۆر لەسەر نەخۆشخانەکانی ھەولێر ھەیە بەھۆی ھاتنی ئاوارەی بەردەوام لە مووسڵه‌وه‌ و، رۆژانە زۆر له‌ ئاوارەكان سەردانی نەخۆشخانەکان دەکەن، بۆیە تاوەکو ئێستا کێشەی کەمیی دەرمانمان ھەیە و ئەو کێشەیە بەردەوامە.''

گوتەبێژی تەندروستیی ھەولێر هه‌روه‌ها گوتی، چەندان جار داوایان کردووە لە رێگای راگەیاندنەکانەوە، بەڵام تاوەکو ئێستا ھیچیان بۆ رەوانە نەکردوون.

بڵند ئیبراھیم
 




دوایین هەواڵەکان

موسەننا ئەمین: به‌و دەستووره‌ی پڕوپاگەندەی جێبەجێكردنی دەكه‌ن، بە كەمتر لە ١٧% رازی نابین

SATURDAY, 25 NOVEMBER 2017 12:11:34
هەولێر-KDP.info- سەرۆكی فڕاكسیۆنی یەكگرتووی ئیسلامی لە پەرلەمانی عێراق ئاماژە بۆ ئەوە دكات، ئەگەر بەغدا دەیەوێ یاسا و دەستوور جێبەجێ بكات، پێویستە لەوەوە دەست پێ بكات بەشەبوودجە و مووچەی خەڵكی كوردستان رەوانە بكات. دەشڵێ، "بە ھەموولایەكمان راگەیاندووە بە كەمتر لە ١٧% رازی نابین و مافی خەڵكی كوردستانە بەپێی دەستوورێك كە عێراق پڕوپاگەندەی جێبەجێكردنی دەكات".
 
تۆزەکەی سەر دەستووری عێراق به‌مزووانه‌ لا ده‌برێت؟

SATURDAY, 25 NOVEMBER 2017 12:11:05

هه‌ولێر-KDP.info-  کۆمەڵگای نێودەوڵەتی، حکوومەتەکانی بەغدا و هەولێر هان دەدەن لەسەر بنەمای دەستوور دەست بە دانوستان بکەنەوە، بەڵام دیار نییە بەپێی شرۆڤه‌ی کام لایەن لە دەستوور ئەو پرۆسەیە دەست پێیکەن. سەرەڕای هاندانی نێودەوڵەتی، پەرلەمانتارێکی کورد پێی وایە، تا هەڵبژاردنی داهاتوو بەغدا و هەولێر لە دەوری مێزێک کۆ نابنەوە.

 
بەڕێوەبەری كشتوكاڵی كەركووك: زەوی لە كورد وەردەگیرێتەوە و دەدرێتەوە عەرەبەكان

SATURDAY, 25 NOVEMBER 2017 12:11:10
كەركووك-KDP.info- بەڕێوەبەری كشتوكاڵی كەركووك دەڵێ، ئەو عەرەبانەی پێشتر گرێبەستی زەوییەكانیان ھەڵوەشاوەتەوە كە موڵكی كورد بوون، ئێستا جارێكی دیكە گەڕاونەتەوە سەر زەوییەكان و لە كوردی وەردەگرنەوە، بە جۆرێك جارێكی دیكە بەعەرەبكردن بە شێوەیەكی زەق لە كەركووك زیندوو كراوەتەوە.
 
موراد ئاغا: ھەشت كەس كوژراون.. زانیاری ھەیە كه‌ چەند گرووپێكی شیعەن

SATURDAY, 25 NOVEMBER 2017 12:11:34
خانەقین-KDP.info- ئەندامێكی ئەنجوومەنی شارۆچكەی خانەقین ڕایدەگەیێنێت، دوای نەمانی ھێزی پێشمەرگە لە ناوچەكە، ئێستا چەندان گرووپی شیعە پەیدا بوونە و خەڵكی كورد و سوننە دەكەنە ئامانج، تەنیا لە چەند رۆژی رابردوویشدا، ھەشت كەس كوژراون.
 
سەرحان سلێڤانەیی: به‌غدا زانی هه‌ڵه‌ی كردووه‌، بۆیه‌ به‌ بەشەبوودجەی ھەرێمدا ده‌چێته‌وه‌

SATURDAY, 25 NOVEMBER 2017 11:11:02

بەغدا-KDP.info-  ئەندامێكی لیژنەی دارایی لە پەرلەمانی عێراق دەڵێت، حكوومەتی عێراق گۆڕانكاری لە پڕۆژەیاسای بوودجەدا دەكات و رەنگە بیكاتەوە ١٧%، چونكە بە ھۆی گوشاری كەسانێكەوە بەشەبوودجەی ھەرێم كەم كراوەتەوە، ئێستایش حكوومەتی عێراق دەزانێت سەر ناگرێت، بۆیە وەكوو خۆی لێ دەكاتەوە.

 


 
© 2017 Kurdistan Democratic Party, KDP