Kurdî  ■  كوردی  ■  عربي
WED, 16 AUG 2017 20:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی له‌ ساڵیادی قوتابیاندا: له‌ به‌ره‌وڕووبوونه‌وه‌ی هزری توندوتیژییشدا سه‌ری ڕم بن
| KDP.info


هه‌ولێر-KDP.info-  مه‌كته‌بی سیاسیی پارتی، له‌ 74ه‌مین ساڵه‌ی دامه‌زراندنی یه‌كێتیی قوتانبیانی كوردستاندا رایده‌گه‌یێنێ، روونه‌ كه‌ ئه‌رك و كاری توێژی به‌رفراوانی قوتابیان چه‌نده‌ بایه‌خدار و گرینگه‌ و چ سه‌نگ و كاریگه‌رییه‌كیشیان هه‌یه‌ به‌سه‌ر ره‌وتی په‌روه‌رده‌ و فێركردنه‌وه‌، ئاوایش له‌و قۆناغه‌ چاره‌نووسسازه‌ی ئه‌مڕۆدا پێیوسته‌ شانبه‌شانی پێشمه‌رگه‌ قاره‌مانه‌كان دڵسۆز و خۆڕاگرانه‌ سه‌ری رمی رووبه‌ڕووبوونه‌وه‌ی بیروبۆچوون و هزری نادروست و خولیای توندوتیژیی و هه‌ڕه‌شه‌ و مه‌ترسییه‌كانی تیرۆریستان بن.

ده‌قی په‌یامی پیرۆزبایی مه‌كته‌بی سیاسیی پارتی دیموكراتی كوردستان به‌بۆنه‌ی (64)ساڵه‌ی دامه‌زراندنی یه‌كێتی قوتابیانی كوردستان:

    به‌ڕێزان/ سكرتێر و ئه‌ندامانی مه‌كته‌بی سكرتاریه‌ت و هه‌ڤاڵانی لیژنه‌كانی راپه‌ڕاندنی یه‌كێتیی قوتابیانی كوردستان...
  به‌بۆنه‌ی(64)هه‌مین ساڵوه‌گه‌ڕی دامه‌زراندنی یه‌كێتییه‌ تێكۆشه‌ره‌كه‌تان و رۆژی قوتابیانی كوردستان، گه‌رمترین پیرۆزبایی له‌ ئێوه‌ و گشت كادیر و ئه‌ندامانی رێكخراوه‌كه‌تان و سه‌رجه‌م قوتابیانی ئازیزی كوردستان ده‌كه‌ین، هیوادارین وه‌ك هه‌میشه‌ سه‌ركه‌وتوو بن و درێغی نه‌كه‌ن له‌ هه‌وڵ و  كۆشش و كاروچالاكیه‌كانتان و هه‌نگاوی چاكتر بنێن بۆ به‌ده‌ستهێنانی ده‌سكه‌وتی زیاتر و هه‌رده‌م هه‌ڵگری چرای زانست و پێشكه‌وتن بن.
   مایه‌ی شانازییه‌ یه‌كێتییه‌كه‌تان، كه‌ به‌ر له‌ (64)ساڵ دامه‌زرا توانی به‌و ته‌مه‌نه‌ ده‌وڵه‌مه‌نده‌ و به‌و به‌رنامه‌ تۆكمه‌ و پێشكه‌وتنخوازه‌ی خۆی، كه‌ هه‌ڵقووڵاوی قوتابخانه‌ی كوردایه‌تی و پارتی و رێبازی پیرۆزی بارزانییه‌، له‌ گشت قۆناغه‌كانی خه‌بات و تێكۆشانی گه‌له‌كه‌مان و بزووتنه‌وه‌ سیاسییه‌كه‌یدا، رۆڵێكی دیار و به‌رچاو ببینێ له‌ خه‌باتی پیشه‌یی و سیاسیدا، هه‌روه‌ها له‌سه‌ر ئاستی ناوخۆ و هه‌رێمایه‌تی و جیهاندا رۆڵی دیار و كاریگه‌ر بووه‌، له‌و كاروانه‌شدا به‌ده‌یان سه‌ركرده‌ و كادیری لێهاتووی به‌خشیوه‌ته‌ مه‌یدانی خه‌بات و تێكۆشان.
  ئاشكرا و روونه‌، كه‌ ئه‌رك و كاری توێژی به‌رفراوانی قوتابیان چه‌نده‌ بایه‌خدار و گرینگه‌ و چ سه‌نگ و كاریگه‌رییه‌كیشیان هه‌یه‌ به‌سه‌ر ره‌وتی په‌روه‌رده‌ و فێركردن له‌لایه‌ك و، داكۆكیكردن له‌ ده‌سكه‌وته‌كانمان و پێشكه‌وتنی كۆمه‌ڵگه‌ و هۆشیاریی تاكه‌كانی له‌لایه‌كی دیكه‌وه‌، له‌و رووه‌وه‌ش قوربانیی زۆریان داوه‌ و به‌رده‌وامیشن له‌و ئه‌ركه‌ پیرۆزه‌یاندا، بۆیه‌ رۆڵی به‌رپرسانه‌ی ئێوه‌ و یه‌كێتییه‌كه‌تان هۆكارێكی دیكه‌ی وه‌رچه‌رخان و پێشكه‌وتنی بارودۆخه‌كه‌یه‌، به‌تایبه‌تی له‌و قۆناغه‌ چاره‌نووسسازه‌ی ئه‌مڕۆماندا شانبه‌شانی رۆڵه‌كانی گه‌له‌كه‌مان و پێشمه‌رگه‌ قاره‌مانه‌كان دڵسۆز و خۆڕاگرانه‌ سه‌ری رمی رووبه‌ڕووبوونه‌وه‌ی بیروبۆچوون و هزری نادروست و خولیای توندوتیژیی و هه‌ڕه‌شه‌ و مه‌ترسییه‌كانی تیرۆریستان بن، بۆ پاراستنی ده‌سكه‌وته‌كانمان و ره‌وشی ئارام و سه‌قامگیریی هه‌رێمی كوردستان و كۆتاییهێنان به‌ كێشه‌ و گیروگرفته‌كان.
   جارێكی دیكه‌ به‌و بۆنه‌وه‌ پاڵپشتی و پشتیوانیی خۆمان بۆ ئێوه‌ و یه‌كێتییه‌كه‌تان دووپات ده‌كه‌ینه‌وه‌ و، ئومێده‌وارین هه‌رده‌م له‌ ئاست گرنگیی ئه‌و ئه‌ركه‌ پیرۆزه‌تاندا بن و مایه‌ی متمانه‌ی ئه‌و توێژه‌ و پێشه‌نگی بزووتنه‌وه‌ی قوتابیانی كوردستان بن بۆ به‌رجه‌سته‌كردن و به‌ده‌ستهێنانی خواست و داخوازییه‌ ره‌واكانتان.
   سڵاو له‌ گیانی پاكی ئه‌و شه‌هیده‌ نه‌مرانه‌ی له‌ رێگای سه‌روه‌ریی یه‌كێتییه‌كه‌تان و مافه‌ ره‌واكانی گه‌له‌كه‌مان گیانیان به‌خشی..
سڵاو له‌ (64)ساڵه‌ی خه‌باتی بێوچان و پڕده‌سكه‌وتی یه‌كێتیی قوتابیانی كوردستان.

مه‌كته‌بی سیاسیی پارتی دیموكراتی كوردستان
17/2/2017




دوایین هەواڵەکان

یەکێتی بۆ پارتی: پرۆسەى ڕیفراندۆم، دەبێ ئامانجەكانى بەدی بهێنێت

WEDNESDAY, 16 AUGUST 2017 19:08:42

هەولێر-KDP.info-  مەکتەبی سیاسیی یەکێتیی نیشتمانیی کوردستان پەیامێکی پیرۆزبایی ئاراستەی پارتی دیموکراتی کوردستان کرد و لە پەیامەکەدا ڕایگەیاند، ئومێدەوارین، (هەل) و (مەرج)ەكە، بە دووربینى و خوێندنەوەى قووڵى هاوكێشەكان، بقۆزینەوە بۆ سەرخستنى ئامانجەكانى ڕیفراندۆم، كە گەلەكەمان پێی ڕازى بێت. ئەمەش، یەكڕیزیى نیشتمانى و كاراكردنەوەى پەرلەمان و چارەسەرى تەنگوچەڵەمەى ئابووریى خەڵكى دەوێت.

دواخستنی ڕیفراندۆم و بەدیلەكانی

WEDNESDAY, 16 AUGUST 2017 19:08:17

زكری مووسا
ئەمەریكاییەكان وای بۆ دەچن، ڕیفراندۆم دوابخرێ باشترە. ئەوان وای بۆ دەچن لەم كاتەدا ڕەنگە ڕیفراندۆم گرفت بۆ شەڕی داعش دروست بكات و ،هەروەها كێشە لەنێوان هێزە عێراقییەكان و پێشمەرگەدا دروست ببێ، دەشڵێن ئێمە تووشی شۆك بووین چونكە ئاگاداری ئەو بابەتە نەبووین. ئەورووپاییەكانیش پاساوی هاوشێوەی ئەمەریكایان هەیە. ئێران هەموو هەوڵێك دەدا بۆ ئەوەی كۆسپ بۆ ئەم پڕۆسەیە دروست بكات. لایەنە سیاسییە عەرەبیە شیعەكانی عێراق لە دژی وەستاونەتەوە بۆ ڕیكلامی هەڵبژاردن و هاندانی شەقامی شیعە لە دژی كوردستان كەوتوونەتە كێبڕكێ.

"بەغدا باش ڕەوشی خۆی دەزانێت، دەنا ئامادە نەدەبوون پێشوازی لە شاندنی ریفراندۆم بکەن"

WEDNESDAY, 16 AUGUST 2017 18:08:32

بەغدا-KDP.info- گوتەبێژی فراكسیۆنی پارتی لە ئەنجومەنی نوێنەران ڕایگەیاند، شاندی هەرێمی كوردستان توانیویەتی پەیامی سەركردایەتیی سیاسیی كورد و پەیامی گەلی كوردستان بگەیەنێتە لایەنانەکانی عێراق و نییەتی ڕاست و دروستی كوردستان بگەیەنێتە لایەنەكان و باڵوێزەكان. هاوكات  (د. کاوان ئیسماعیل)، ڕاگری کۆلیژی یاسا و ڕامیاریی زانکۆی سەلاحەدین  دەڵێ، من وەک ئەکادیمییەک وای بۆ دەچم ھەڵوێستی ئەمڕۆی ھەندێ سەرکردەی عێراق و سەرانی شیعە چاوەڕانکراو بوو، چونکە کاتێک ئێمە دەڵێین، دانوستان ھەڵدەبژێڕین، ئەوان ناتوانن بڵێن شەڕتان لەگەڵ دەکەین.

شاندی ڕیفراندۆم: ڕاشکاوانە بە بەغدامان گوت لەمەودوا دەبینە دراوسێیەکی باش

WEDNESDAY, 16 AUGUST 2017 17:08:17

بەغدا-KDP.info- شاندی باڵای ڕیفراندۆم لە بەغدا بەردەوامی بە دیدار و گفتوگۆکانیان دەدەن، ئەندامێکی ئەو شاندە باس لەوە دەکات، لە بەغدا زۆر قسەیان لەبارەی داهاتووی عێراقەوە کردووە و پێیان گوتوون، باشترین بڕیار سەبارەت بە عێراقی داهاتوو، ئەوەیە کە کوردستان ببێتە دراوسێیەکی باش بۆ هەموو لایەک.

کادرێن پارتى: پارتى پێشخەر بوویە بۆ بجهئینانا دەستکەڤتێن نەتەوەیى

WEDNESDAY, 16 AUGUST 2017 15:08:19

دهۆک-KDP.info- کادرێن پارتى دیموکراتێ کوردستان ل دهۆکێ دبێژن، پارتى هەر دەم ل پێشیا خەبات و شۆرەشان بوویە ژبۆ وێ ئێکێ هوشیاریا نەتەوەیى و نیشتمانى دناڤ مللەتێ کوردان دا بەربەلاڤە بکەت، جونکى پلانەکا مەزن ددرهەقێ خەلکێ کوردستانێ دا هاتەکرن وەک مللەت ژناڤ بجیت، لێ پارتى دیموکراتى کوردستان شیا مللەتێ کورد ژبن دەستیێ رزگار بکەت.



 
© 2017 Kurdistan Democratic Party, KDP