Kurdî  ■  كوردی  ■  عربي
MON, 23 APR 2018 12:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی له‌ ساڵیادی یه‌كێتیی لاوانی دیموكراتی كوردستان: هه‌لومه‌رجه‌كه‌ زیاتر پێویستی به‌ خه‌بات و تواناكانتانه‌
| KDP.info


هه‌ولێر-KDP.info-  له‌ 64 ساڵه‌ی دامه‌زراندنی یه‌كێتیی لاوانی دیموكراتی كوردستان، مه‌كته‌بی سیاسیی پارتی دیموكراتی كوردستان رایده‌گه‌یێنێ، ئه‌و هه‌لومه‌رجه‌ چاره‌نووسسازه‌ی ئه‌مڕۆی هه‌رێمی كوردستان زیاتر پێویستی به‌ هه‌وڵ و كۆششی بێوچان و هێز و توانا و ئاماده‌یی لاوانه‌ وه‌ك  شووره‌یه‌كی پۆڵایین و داكۆكیكار له‌ ده‌سكه‌وته‌كانی گه‌له‌كه‌مان، هه‌روه‌ها شانبه‌شانی رۆڵه‌ دڵسۆزه‌كان و پێشمه‌رگه‌ قاره‌مانه‌كان له‌ سه‌نگه‌ری تێكۆشاندا بن بۆ به‌رپه‌رچدانه‌وه‌ی هه‌ڕه‌شه‌ و مه‌ترسیی تیرۆریستان و ناحه‌زان و پاراستنی ئه‌و ئه‌زموونه‌ و به‌ده‌ستهاتنی مافه‌ ره‌واكانی گه‌له‌كه‌مان.

ده‌قی په‌یامی پیرۆزبایی مه‌كته‌بی سیاسیی پارتی دیموكراتی كوردستان به‌بۆنه‌ی (64)ساڵه‌ی دامه‌زراندنی یه‌كێتیی لاوانی دیموكراتی كوردستان:

            به‌ڕێزان/ سكرتێر و ئه‌ندامانی مه‌كته‌بی سكرتاریه‌ت و هه‌ڤاڵانی ئه‌نجوومه‌نی سه‌ركردایه‌تیی یه‌كێتیی لاوانی دیموكراتی كوردستان..
   به‌بۆنه‌ی(64)ه‌مین ساڵوه‌گه‌ڕی دامه‌زراندنی یه‌كێتییه‌ خه‌باتگێڕه‌كه‌تان پیرۆزباییه‌كی گه‌رم له‌ ئێوه‌ و كادیر و ئه‌ندامانی رێكخراوه‌كه‌تان و سه‌رجه‌م لاوانی كوردستان ده‌كه‌ین، ئومێده‌وارین هه‌رده‌م له‌ كار و چالاكی و هه‌وڵ و كۆششه‌كانتان به‌رده‌وام و سه‌ركه‌وتوو بن و، زیاتر به‌ره‌و پێش بچن و ده‌سكه‌وتی زۆرتر بۆ توێژی لاوان و كۆمه‌ڵگه‌كه‌مان به‌ده‌ست بێنن.
   مایه‌ی شانازییه‌ به‌درێژاییی خه‌باتی نه‌پساوه‌ی (64)ساڵه‌یدا، یه‌كێتیی لاوان توانیویه‌تی وه‌ك رێكخراوێكی كاریگه‌ر و گرینگ كۆكه‌ره‌وه‌ی هێز و تواناكانی لاوان بێت و پانتاییی كار و چالاكییه‌كانی زیاتر و به‌رفراوانتر ببێ، هه‌روه‌ها شێلگێرانه‌ سوور بێ له‌سه‌ر جێبه‌جێكردنی كارنامه‌ و پلانه‌كانی و زیاتر په‌ره‌یان پێ بدات له‌سه‌ر ئاستی كوردستان و ناوچه‌كه‌ رۆڵی شیاوی خۆی زیاتر و چاكتر ببینێ بۆ به‌دیهێنانی خواست و ویست و ئامانجه‌ ره‌واكانی توێژی لاوان و گه‌له‌كه‌مان.
  نكوڵی ناكرێ له‌ رۆڵی توێژی به‌رفراوانی لاوان شانبه‌شانی توێژ و چینه‌كانی دیكه‌ له‌ مه‌یدانی كار و قوربانیداندا، هه‌ر بۆیه‌ش جێ په‌نجه‌یان له‌ گشت بوارێكدا روون و به‌رچاوه‌ له‌ رووی جۆشدان و ته‌یاركردنی ئه‌و توێژه‌وهۆشیاركردنه‌وه‌یان له‌پێناو بونیاتنانی كۆمه‌ڵگایه‌كی ته‌ندروست و به‌رهه‌مدار، دوور له‌ ره‌فتاروهێزی توندوتیژی و ئاژاوه‌گێڕیی بۆ به‌دیهێنانی دواڕۆژێكی ئاسووده‌وبه‌خته‌وه‌ر بۆ لاوان له‌و رێگایه‌ش به‌ده‌یان سه‌ركرده‌و سیاسه‌تمه‌داروكه‌سایه‌تی لێهاتوو له‌ رێكخراوه‌كه‌تاندا پێگه‌یاندووه‌ و هێناوه‌ته‌ ئاراوه‌.
  مایه‌ی هه‌ڵوه‌سته‌یه‌ ئه‌و هه‌لومه‌رجه‌ چاره‌نووسسازه‌ی ئه‌مڕۆی هه‌رێمی كوردستان زیاتر پێویستی به‌ هه‌وڵ و كۆششی بێوچان و هێز و تواناوئاماده‌یی ئێوه‌یه‌ وه‌ك  شووره‌یه‌كی پۆڵایین و داكۆكیكار له‌ ده‌سكه‌وته‌كانی گه‌له‌كه‌مان، هه‌روه‌ها شانبه‌شانی رۆڵه‌ دڵسۆزه‌كان و پێشمه‌رگه‌ قاره‌مانه‌كان له‌ سه‌نگه‌ری تێكۆشان دابن بۆ به‌رپه‌رچدانه‌وه‌ی هه‌ڕه‌شه‌ و مه‌ترسیی تیرۆریستان و ناحه‌زان و پاراستنی ئه‌و ئه‌زموونه‌ و به‌ده‌ستهاتنی مافه‌ ره‌واكانی گه‌له‌كه‌مان.
  جارێكی دیكه‌ به‌و بۆنه‌یه‌وه‌ پاڵپشتی و پشتیوانیی ته‌واوی خۆمان بۆ ئێوه‌ و یه‌كێتییه‌كه‌تان دووپات ده‌كه‌ینه‌وه‌ و، ئومێده‌وارین هه‌رده‌م پێشه‌نگ بن و له‌ به‌ره‌وپێشچوون دابن بۆ به‌دیهێنانی گشت ئامانجه‌كانتان.
سڵاو له‌ گیانی پاكی ئه‌و شه‌هیده‌ نه‌مرانه‌ی له‌ رێگای سه‌رفرازیی یه‌كێتییه‌كه‌تان گیانیان به‌خشی..
سڵاو له‌ (64)ساڵه‌ی خه‌بات و تێكۆشانی نه‌سره‌وتووی پڕده‌سكه‌وتی یه‌كێتیی لاوانی دیموكراتی كوردستان.                             
 
مه‌كته‌بی سیاسیی پارتی دیموكراتی كوردستان
17/2/2017




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP