Kurdî  ■  كوردی  ■  عربي
TUE, 20 FEB 2018 18:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دهۆك.. لەسەر سوكایەتیكردن بە ئاڵا، سكاڵا لەسەر هەڵسووڕاوێكی گۆڕان تۆمار دەكرێت
| KDP.info


 

دهۆك-KDP.info- بەرپرسی گشتیی دەزگای پاراستنی ئاڵا لە هەرێمی كوردستان ڕایدەگەیێنێت، لە بەرانبەر ئەو بێڕێزییەی كە هەڵسووڕاوێكی بزووتنەوەی گۆڕان بە ناوی (رۆستەم حاجی سلێمان) دانیشتووی تاراوگە دەرهەق بە ئاڵای پیرۆزی كوردستان كردوویەتی‌، لە دادگای دهۆك سكاڵا لە دژی تۆمار دەكەن.

 

(پاڵەوان شێخ مەمی)، بۆ‌ ماڵپەڕی فەرمیی پارتی دیموكراتی كوردستان گوتی: "وەكو نووسینگەی گشتیی دەزگای پاراستنی ئاڵای كوردستان، ئەمڕۆ لە دادگای دهۆك سكاڵا لە دژی ئەو هەڵسووڕاوەی بزووتنەوەی گۆڕان بە ناوی (رۆستەم حاجی سلێمان) تۆمار دەكەین، تا بخرێتە بەردەم‌ دادگا كە بێڕێزیی بەرانبەر خوێنی شەهیدان و هاووڵاتیان كردووە".

بەرپرسی گشتیی دەزگای پاراستنی ئاڵا لە هەرێمی كوردستان گوتیشی: "سكاڵاكە لە رێگای دادگای دهۆكەوە دەچێت بۆ ئەو شوێنەی كە ئەو كەسەی لێ نیشتەجێیە، ئینجا لە دەرەوە بێت یان لە ناوخۆی هەرێم، سكاڵاكە دەچێتە دادگای ئەو شوێنە".

(شێخ مەمی) زیاتر گوتی: "تۆماركردنی ئەو سكاڵایە بۆ ئەوەیە تاوەكو هیچ كوردێكی تر ئەو بێڕێزییە دووبارە نەكاتەوە، كە سوكایەتیی بە ئاڵای پیرۆزی 40 ملیۆن كورد كردووە، پاشانیش ئەو حیزبە سیاسییەی كە حیزبی گۆڕانە، هەروەها (یوسف محەممەد) كە وێنەی خۆی لەگەڵ ئەو كەسە بڵاو كردووەتەوە، پێویستە هەڵوێستی خۆیان ڕابگەیەنن بەرانبەر ئەو كەسەی كە ئەم بێڕێزییەی بەرانبەر ئاڵای پیرۆزی كوردستان كردووە".

دەشڵێت: "بەیاننامیەكمان دەبێت كە بۆ سەرۆكایەتی هەرێم، پەرلەمان و حكوومەتی هەرێمی كوردستانی دەنێرین".

نەشوان بەرزنجی




دوایین هەواڵەکان

بەغدا ١٣٠٠ خێزانی دیکەی عەرەب دێنێتە سنووری خانەقین

TUESDAY, 20 FEBRUARY 2018 16:02:21

خانەقین-KDP.info- بەرپرسێکی پارتی دیموکراتی کوردستان لە سنووری خانەقین گوتی، ئەمڕۆ بڕیاری گەڕانەوە ی ھەزار و٣٠٠ خێزانی عەرەب دەرچووە بۆ گەڕانەوەیان بۆ سنووری خانەقین، بەتایبەت ناحیەی جەلەولا، ئەمەش زیاتر بۆ ئەوەیە لە ھەڵبژاردنەکان دەنگ بدەن و دەنگی کوردیش کەم بکەن.

 
ئەمیرە زەنگەنە: براکەمیان لە کەرکووک رفاند

TUESDAY, 20 FEBRUARY 2018 15:02:04

کەرکووک -KDP.info- برای پەرلەمانتارێکی پارتی دیموکراتی کوردستان لە شاری کەرکووک دوای ڕفاندنی لە لایەن ژمارەیەک چەکداری نەناسراوە خۆی ڕزگار کرد و پەرلەمانتارەکەش دەڵێ، چەکدارەکان بە دوو ئۆتۆمبێڵ پەلاماری براکەیان داوە.

 
"تا نوێنەری راستەقینەی كەركووك شارەكە بەڕێوە نەبن، رەوشەكە خراپتر دەبێ"

TUESDAY, 20 FEBRUARY 2018 15:02:49

كەركووك-KDP.info- سەرۆكی رێكخراوی مافی مرۆڤی كورد، پێشبینی دەكات رەوشی كەركووك زیاتر بەرەو ئاڵۆزی بچێت و دەشڵێ، ئیدارەی ئێستای كەركووك لە دەرەوەوە بە سەریاندا سەپێندراوە و خەڵكی متمانەیان پێ ناكات.

 
ئەنجوومەنی پارێزگای كەركووك سكاڵا لە دژی بەغدا تۆمار دەكات

TUESDAY, 20 FEBRUARY 2018 13:02:37

كەركووك-KDP.info-  ئەندامێكی ئەنجوومەنی پارێزگای كەركووك دەڵێت، لەسەر فەرامۆشكردنیان لە ئەنجامدانی گرێبەستەكان سەبارەت بە نەوت لەگەڵ وڵاتان و كۆمپانیاكان لەلایەن حكوومەتی عێراقەوە، سكاڵا لە دژی بەغدا تۆمار دەكەن.

 
كەركووك.. رێژەی تاوان لە دوای ١٦ـی ئۆكتۆبەرەوە لە هەڵكشاندایە

TUESDAY, 20 FEBRUARY 2018 12:02:53

كەركووك-KDP.info- دوای ١٦ـی ئۆكتۆبەر و هاتنی هێزە میلیشیاكانی حەشدی شەعبی و سوپای عێراقی بۆ ناو كەركووك و دەوروبەری، وەك هاووڵاتیانی ئەو شارە ئاماژەی بۆ دەكەن، رێژەی تاوان زیاتر بووە، هاوكات بە تۆمەتی ئاساییشبوونیش چەندین هاووڵاتی دەستگیر كراون و بە پارە ئازاد كراون.

 


 
© 2017 Kurdistan Democratic Party, KDP