Kurdî  ■  كوردی  ■  عربي
SUN, 23 APR 2017 20:54 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هاووڵاتیان بە گەشبینییەوە دەڕواننە چاكسازییەكەی سەرۆك بارزانی
| KDP.info


 

سلێمانی-KDP.info- هاووڵاتیان و ئابووریناسان، بە گەشبینییەوە دەڕواننە چاكسازییەكەی سەرۆكی هەرێمی كوردستان و ئاماژە بەوە دەكەن، ئەوەی لە (سەرۆك بارزانی) چاوەڕێیان دەكرد، ئەمڕۆ بە چاوی خۆیان دەبینن و، هەموو پشتگیرییەكی خۆیشیان بۆ سەرۆكی هەرێم دووپات دەكەنەوە.

(نەوزاد شێخ كامیل)ـی ئابووریناس لە سلێمانی، بۆ ماڵپەڕی فەرمیی پارتی دیموكراتی كوردستان ڕایگەیاند: "من وەك ئابووریناسێك زۆر بە گەشبینییەوە دەڕوانمە دەرەنجامی پڕۆژە چاكسازییەكەی سەرۆكی هەرێمی كوردستان، بە تایبەت لە بواری شەفافییەتی داهات و كەمكردنەوەی خەرجی و زیادكردنی داهات كە ئەوەیش بووژانەوەیەكی باش بە ژێرخانی ئابووریی حكوومەتی هەرێمی كوردستان دەدات".

(شێخ كامیل) گوتیشی: "هەنگاوەكانی لیژنەی چاكسازی زۆر ئیجابی دەبینین، كە لە ڕووی ئابوورییەوە هەنگاوێكی زۆر گەورە نراوە، بۆیە پێویستە لە هەنگاوەكانی داهاتوویاندا لەپاڵ كەرتی نەوت، ئیش لەسەر بووژانەوەی كەرتەكانی كشتوكاڵی و گەشتیاری و پیشەسازی بكەن بە گشتی، چونكە بەردەوامیی چاكسازی، گەشەی گەورە بە ئاییندەی ئابووریی كوردستان دەدات".

(سیروام حەمەشەریف) مامۆستای زانكۆی سلێمانی، بۆ ماڵپەڕی فەرمیی پارتی دیموكراتی كوردستان دەڵێت: "ڕووبەڕووبوونەوەی گەندەڵی، ئەركێكی نیشتیمانییە، (سەرۆك بارزانی)ـیش كە لە كاتی خۆیدا هاووڵاتیانی كوردستان بە متمانەوە دەنگیان بە بەڕێزیان دا تا هەرێمەكەمان لە دەستێكی ئەمیندا بێت، هەر ئەویشە ئەمڕۆ دەبینین بە هەموو تواناوە كار بۆ چاكسازی و بنەبڕكردنی گەندەڵی لە كوردستان دەكات".

(حەمەشەریف) ئاماژەی بەوە دا: "ئەو ئیجرائاتانەی لە بارەی گەندەڵییەوە كراون، جێگەی خۆشحاڵین، دڵنیایشین بەڕێزیان بەردەوام دەبێت لە ڕووبەڕووبوونەوەی گەندەڵی و بەسزاگەیاندنی گەندەڵكاران، ئەو لیژنانەی هەستاون بە كارەكانیان، لیژنەی پسپۆڕ بوونە، بۆیە ئەمڕۆ پاش یەك ساڵ بەشێك لە بەرهەمی چاكسازییەكەی سەرۆك دەبینین، هاووڵاتیانیش چاوەڕێی كاری باشتر دەكەن".

هاوكات دكتۆر (ئارارات ئەنوەر) لە ڕانیە، بۆ ماڵپەڕی فەرمیی پارتی دیموكراتی كوردستان ئاماژەی بەوە دا: "ڕێكخستنەوە و چاكسازییەكەی كەرتی تەندروستی زۆر گرینگە، بۆیە لە زەمەنێكەوە داوای چاكسازیمان لە كەرتی تەندروستیدا كردووە كە كەموكوڕیی زۆری تێدا بووە و كوالیتی دەرمان وەك پێویست نەبووە، بۆیە داوا دەكەین ئەو كۆمپانیایانەی كە دەرمانی خراپیان هاوردە كردووە، سزای توند بدرێن".

(ئەنوەر) دەڵێت: "كەرتی تەندروستی، خزمەتگوزارییەكی گشتییە، بۆیە رێكخستنەوە و جیاكردنەوەی كەرتی تایبەت و حكوومی زۆر گرنگە بۆ رەوشی تەندروستیی ئەمڕۆی كوردستان، لەبەر ئەوە وەك پزیشكێك بە ئومێدەوە لە هەنگاوەكانی (سەرۆك بارزانی) بۆ چاكسازیی تەندروستی دەڕوانم".

پارێزەر (كارزان سەلام) لە هەڵەبجە، بۆ ماڵپەڕی فەرمیی پارتی دیموكراتی كوردستان گوتی: "ستراكتۆری گۆڕانكاری لە هەیكەلییەی حكوومەت و بچووككردنەوە و كەمكردنەوەی ئەو بەڕێوەبەرایەتی و بەشانەی كە پێویست نین و بوونەتە بارگرانی بەسەر حكوومەتی هەرێمەوە، زۆر گرینگە كە بەشێكە لە چاكسازییەكەی سەرۆكی هەرێم".

(سەلام) گوتیشی: "هەر لەم چاكسازییەدا ئیش لەسەر ئەوە كراوە كەسی شیاو بخرێتە شوێنی شیاو، هەروەها دۆزینەوەی هەلی كار بۆ هاووڵاتیان و لابردنی ئەو كەسانەی سەركەوتوو نەبوون لە ئەركەكانیان، ئەمەیش جێگای خۆشحاڵیی هاونیشتیمانیانی كوردستانە كە زیاتر لە ملیارێك دینار بەس لە بواری بچووكردنەوەی حكوومەت گەڕاوەتەوە سەر داهاتی گشتی، بۆیە بە گەشبینیەوە دەڕوانمە پڕۆژە چاكسازییەكەی (سەرۆك بارزانی) كە بۆ داهاتوی حكوومەتی هەرێمی كوردستان ئەرێنییە".

ڕۆژنانەنووس (ڕەهێڵ جاف) لە گەرمیان، دەڵێت: "ئەوەی هاووڵاتیان چاوەڕێیان دەكرد لە لیژنە چاكسازییەكەی (سەرۆك بارزانی)، زۆر ئیشی لەسەر كراوە و بەرهەمەكەیشی دیارە، بۆیە هاووڵاتیانی كوردستان دڵخۆشن بەم هەنگاوەی چاكسازی و بە گەشبینی و دڵخۆشییەوە لێی دەڕوانن، داواكاریشین بەردەوامی بە چاكسازی و بنەبڕكردنی گەندەڵی بدرێت كە ئەم پڕۆسەیە لە بەرژەوەندیی تاك بە تاكی هاووڵاتیاندایە".

 

هێڤیار هەڵەبجەیی




دوایین هەواڵەکان

مەکتەبی سەرۆک سەرەخۆشیی لە که‌مال شوکری قه‌مچخۆیی دەکات

SUNDAY, 23 APRIL 2017 19:04:46

به‌ڕێز که‌مال شوکری قه‌مچخۆیی

"لە لەیلان ٩ حاڵەتی تەقەکردن لە کادیرانی پارتی تۆمار کراوە"

SUNDAY, 23 APRIL 2017 16:04:48

کەرکووک-KDP.info-  بەرپرسی لێژنەی ناوچەی لەیلانی پارتی دیموکراتی کوردستان دەڵێ دەبێ دەزگا ئەمنییەکانی لەیلان جیددی بن لەبەر ئەوەی چەند جارێک تەقە لە ماڵی کادیرانی پارتی کراوە و نابێ ئەو دۆخە وەها درێژە بکێشێ.

راگەیاندراوی کۆبوونەوەی هاوبەشی پارتی و یەکێتی

SUNDAY, 23 APRIL 2017 15:04:09

هەولێر-KDP.info- بە ئامادەبوونی (سەرۆک بارزانی) هەردوو مەکتەبی سیاسی پارتی دیموکراتی کوردستان و یەکێتیی نیشتمانی کوردستان کۆبوونەوە و لە کۆبوونەوەکەدا سێ تەوەر گفتوگۆیان لەبارەوە کرا.

نوێنەری نەتەوە یەکگرتووەکان و شاندێکی ڕەوتی سەدر کەمپی حەسەنشامیان بەسەر کردەوە

SUNDAY, 23 APRIL 2017 15:04:16

حەسەنشام-KDP.info-  (لیزا گراندنی)، نوێنەری تایبەتیی سکرتێری گشتیی نەتەوە یەکگرتووەکان لە عێراق  و، (یان واڵتسمان)، سەرکونسووڵی هۆڵەندا لە عێراق بە مەبەستی بەسەرکردنەوەی ئاوارەکان سەردانی کەمپی حەسەنشامیان کرد.

هێمن هەورامی: ئایندەی هەرێمی کوردستان پێوەستە بە ئایندەی ڕۆژهەڵاتی ناوینەوە

SUNDAY, 23 APRIL 2017 14:04:41

دهۆک-KDP.info-  لە چوارچێوەی یەکەمین کۆنفرانسی نێودەوڵەتیی زانکۆی دهۆک، کە لە لایەن ناوەندی توێژینەوەی (بێشکچی) بۆ لێکۆڵینەوەی مرۆڤایەتییەوە ساز کرابوو. پانێڵێک بە ناونیشانی (خوێندنەوەیەک بۆ هەرێمی کوردستان، دوای نەمانی داعش) بۆ یاریدەدەری (سەرۆک بارزانی) ڕێکخرا.



 
© 2017 Kurdistan Democratic Party, KDP