Kurdî  ■  كوردی  ■  عربي
SAT, 23 JUN 2018 07:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خاكی عێراق بە كورد ناكێڵدرێ
| KDP.info


دڵشاد مستەفا وەسانی

رەتكردنەوەی مافی كورد بۆتە نەریت، بەجۆرێك لە هیچ سەردەمێكی دەسەڵاتداریی عێڕاقدا، نەك ددان بەو مافەدا نەندراوە، بەڵكو دەسەڵاتداران كێبەركێیان بووە لەسەر ئەوەی كامەیان زیاتر كورد ئازار دەدەن، لێ ئەوەی لە هەموو قۆناغەكان زیاتر كوردی بێ ئومێد كردووە، ئەو قۆناغەیە كە دوای 2003 دەستی پێكردووە، چونكە بەڵێن بە كورددرا مافی بپارێزرێت،  بەڵام دەركەوت هێشتا بەغدا بڕوای بەو مافە نییە، كەچی داوا لە كورد دەكەن، رۆڵی خۆی لە عێڕاق بگێڕێ، كام رۆڵ؟
هەڵسوكەوتی بەغدا، بێمتمانەیی لێكەوتۆتەوە، ئاخر ساڵی 2014 حكوومەتی بەناو فیدڕاڵ لە سەردەمی نوری مالكی، بودجەی كوردستانی بڕی، هیچ لایەنێكیش نەهاتۆتە سەر خەت ئەو هەڵەیە راست بكاتەوە، تەنانەت بۆ پێشاندانی نیەتپاكیش ئامادەنین بودجەی هەرێمی كوردستان بدەن، كەچی داوا لە كورد دەكەن وەك پێكهاتەیەكی سەرەكی و كارا رۆڵی خۆی ببینێ، رۆڵبینینی كورد لە عێراق، بەپێی تێڕوانینی دەسەڵاتدارانی بەغدا، ئەوەیە كە وزەی خۆی بۆ عێراق بەكاربێنێ، بەڵام بەهیچ شێوەیەك بەلای ئەوەدا ناچن، ئاخۆ لەبەرامبەر ئەو رۆڵەدا كورد چی دەست دەكەوێت؟ ئێستا كە كورد بە گوێی دەسەڵاتدارانی بەغدای چرپاندووە، بەتایبەتیش دوای هاتنی شاندی هاوپەیمانیی نیشتمانی (شیعە): دەمانەوێ دوو دراوسێی باش بین، وەڵامەكەی ئەوەبوو، جارێ كاتی نییە و دەستوور رێگەی پێنادات.
لەبەرامبەردا، كورد ساڵانێكی زۆر دروشمێكی بەرزكردبۆوە، لە دوای دیموكراسی بۆ عێراق ئینجا داوای مافی كوردستانی دەكرد، كەچی هیچ كاردانەوەیەكی ئەرێنی لە لایەن عەرەب و هێزە سیاسییەكانیاندا نەبیندراوە، وەك بڵێی كورد داوای شتێك بۆ هەموو عێراق بكات، كەچی ئەوان نەیانەوێ، هیچ منەتێكیشیان بەوە نەبووە كورد لەو پێناوەدا خوێنێكی زۆری ڕشتووە.
كەواتە بەدرێژایی ماوە جیاجیاكانی دەسەڵاتداری، بەغدا نەك بڕوای بە مافی كورد نەبووە، بەڵكو هەمیشە توانای سەربازی و ئابووریی بۆ لێدانی كوردستان بەكارهێناوە، هەوڵی بزووتنەوەی رزگاریخوازیی كوردستانیش، لە پەنای داوای مافی خەڵكی كوردستان، داوای دیموكراسیی بۆ عێڕاق بووە، دیارە ئەو دروشمەی بزووتنەوەی رزگاریخوازی، لەوەوە سەرچاوەی گرتووە كە ئەگەر حكوومەتێك بڕوای بە دیموكراسی نەبێت، بڕوای بە مافی كوردیش نابێت، هەرواش دەرچوو.
بەغدا لەسەر عادەتی خۆی بەردەوامە، پێویستە كوردیش بە خۆیدا بچێتەوە، ئاخۆ ئیشی ئەوە كار بۆ بەدیموكراتیزەكردنی عێڕاق بكات؟ ئاخر دەسەڵاتدارانی بەغدا، ئامادەنین وەك شەریك سەیری كورد بكەن، چۆن بەقسەی دەكەن؟  بۆیە كە داوا لە كورد دەكرێت رۆڵی خۆی لە عێڕاق بگێڕێ، تەنیا بۆ ئەوەیە لەسەر داوای رەوای خۆی ساردی بكەنەوە، بۆیە هەق نییە هیچ لایەنێكی كوردستان، خۆی بۆ عێراق ماندوو بكات، چونكە ژینگەی عێڕاق بڕیاریداوە، پێكەوەژیان قبوڵ نەكات، لەو ژینگەیەدا باسكردن لە مافی كورد درۆیەكی گەورەیە،  لە خۆ هەڵخەڵەتان و بەهەدەردانی وزە و توانا زیاتر نییە، خاكی عێراق خاكێكی رەقەڵانە بۆ دیموكراسی، بە كورد ناكێڵدرێت، لە راستیدا ئیشی كورد نییە، دوای 2003 كورد رۆڵێكی كارای لە بونیاتنانەوەی عێراق گێڕا،بەڵام پاداشتی ئەو رۆڵەی بە نانبڕین و هەڕەشەی پەلاماردانی كوردستان و قورسكردنی باری هەرێم لە ڕێی ئاوارەكانی عێراق و پڕچەككردنی داعش بوو، بۆیە پێویستە چیدی توانای كوردستان  بۆ بونیاتنانەوەی ئەو جۆرە عێراقە تەرخان نەكرێ، بەڵكو بۆ  وەدیهێنانی ئامانجە باڵاكەبێت.




دوایین هەواڵەکان

فەرھاد حەمە عەلی: "مەترسی کەوتنی چەند ناوچەیەکی کەرکووک ھەیە"

FRIDAY, 22 JUNE 2018 14:06:21

کەرکووک-KDP.info-  رۆژانە چەکدارانی داعش لە سنووری کەرکووک و دەورووبەری چالاکی ئەنجامدەدەن و گوتەبێژی ئاسایشی کەرکووکیش دەڵێ، ئەگەر کار وا بڕوات ژمارەیەک ناوچەی دیکەی کەرکووک دەکەوێتە دەست داعش و رەوشەکە ئاڵۆزتر دەبێ.

خەسرۆ گۆران: لە نەینەوا پارتی کورسییەک زیاد دەکات

FRIDAY, 22 JUNE 2018 13:06:41

هەولێر-KDP.info-   بە ھەژماردنەوەی دەنگی ھەڵبژاردنەکانی ١٢ی ئایاری پەرلەمانی عێراق پارتی خۆشحاڵە و بەرپرسی دەزگای ھەڵبژاردنیش دەڵێ، ئەوانەی دەنگیان بۆ فەوتاندنی دەنگی پێشمەرگەدا روویان رەشبێت.

چاودێران: "پیلانگێڕەکان شەرمەزار بوونە"

FRIDAY, 22 JUNE 2018 12:06:03

هه‌ولێر-KDP.info-  چاودێرانی سیاسی دەڵێن، پیلانگێڕانی دژی پێشمەرگە بە لایەنی کوردی و عێراقییەوە شەرمەزاربوونە، چونکە دوێنێ پیلانەکەیان سەرکەوتوو نەبوو و لە بەرانبەر ئیڕادەی بەرزی پێشمەرگە شکستی برد.

پەیامی سەرەخۆشیی سەرۆک بارزانی بۆ کەسوکاری شێخ باییز تاڵەبانی

THURSDAY, 21 JUNE 2018 22:06:44

خانەوادەی بەڕێزی خوالێخۆشبوو شێخ باییز تاڵەبانی

بەداخەوە هەواڵی کۆچی دوایی وەزیری پێشووی ئابووری و دارایی حكوومەتی هەرێمی كوردستان، شێخ باییز تاڵەبانی – مان پێگەییشت.

بەو بۆنە خەمناكەوە پرسە و سەرەخۆشیی خۆم و ئاراستەی خانەوادە بەڕێزەکەتان دەکەم و خۆم بە هاوبەشی خەمتان دەزانم.

پەیامی سەرەخۆشیی سەرۆک بارزانی بۆ کەسوکاری مەلاحاجی دێلۆیی

THURSDAY, 21 JUNE 2018 22:06:01

خانەوادەی بەڕێزی خوا لێخۆشبوو مەلاحاجی دێلۆیی

بەداخەوە هەواڵی کۆچی دوایی پێشمەرگە و کادیری ماندوویینەناسی هەردوو شۆڕشی مەزنی ئەیلوول و گوڵانمان پێ گەیشت.



 
© 2018 Kurdistan Democratic Party, KDP