Kurdî  ■  كوردی  ■  عربي
THU, 19 APR 2018 12:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەڵبژاردنی عێراق هیچی بۆ كورد تێدا نییە
| KDP.info


زكری مووسا
یەكەم جار كە كوردستان بەشداریی هەڵبژاردنەكانی عێراقی دوای سەددام بوو، ڕێژەیەكی زۆر باشی كورسیی پارلەمانی مسۆگەر كرد و توانی ڕۆڵی بەرچاوی لە هاوكێشەكاندا هەبێت. چونكە هەموو عێراق یەك بازنەی هەڵبژاردن بوو و دەنگی كورد بە هیچ شێوەیەك بەفیڕۆ نەدەچوو. جگە لەوەیش پڕەنسیپی تەوافوق لەنێوان سێ پێكهاتە سەرەكییەكە كاری پێدەكرا.
بەڵام دواتر یاسای هەڵبژاردن لە زیانی كوردستان و لە قازانجی عەرەبی شیعه گۆڕا و تەوافوقیش پێشێل كرا و وردە وردە پاشەكشە بە ڕۆڵی كورد كرا.
بەو یاسایەی هەڵبژاردن كە نادادپەروەریی ئاشكرای تێدایە كورد بەشدار بێت لە هەڵبژاردن یان نا هیچ سوودێكی تێدا نییە چونكە:
1. بەپێی یاسای هەڵبژاردن هەموو جارێك ڕێژەی كورسییەكانی كورد كەم دەكاتەوە و هیی عەرەبی شیعە زیاد دەبێ.
2. یاساكە تەواو لە بەرژەوەندیی پێكهاتەیەكی دیاریكراوە و وا داڕێژراوە كە زۆرینەبوونی شیعه لە پارلەمان مسۆگەر دەكات.
3. هەر یاسایەك لە بەرژەوەندیی كورد بێت بە ئاسانی ڕەت دەكرێتەوە.
4. بوونی نوێنەرانی كورد لە بەغدا نەبووەتە هۆی ئەوەی ناوچە كوردستانییەكانی هەرێم بگەڕێنەوە و پێشمەرگە بە خوێنی خۆی گەڕاندیەوە.
5. بوونی پارلەمانتاری كوردی نەیتوانی ڕێگە لە بڕینی قووتی خەڵك بكرێت.
6. نوێنەرانی كورد بەهۆی ڕێژەكەیانەوە و لێكترازانی نێوانیان نەیانتوانی پشتیوانیی یاسایی بۆ پێشمەرگە بكەن و نەشیانتوانی ڕێگە لە دەرچوونی یاسای حەشدی شەعبی بگرن.
7. نوێنەرانی كورد نەیانتوانیوە هیچ یاسایەك لە بەرژەوەندیی كوردستان بچەسپێنن.
8. پڕەنسیپی تەوافوق و لەبەرچاوگرتنی ویستی كورد بوونی نەماوە.
پرسیار ئەوەیە هەڵبژاردنێك كە ئەنجامی ڕوون بێت و هیچ قازانجێكی بۆ كوردستان نەبێ چ بەهایەكی هەیە؟
هەڵبژاردنێك كە شەرعییەت بداتە پاشكۆبوونی تاهەتایی كورد بۆ دەبێ تێیدا بەشدار بین؟
بوونی نوێنەری كورد لە بەغدا چ نرخێكی هەیە ئەگەر سوور بزانین فەرهەنگی باڵادەست لە بەغدا فەرهەنگی فراوانخوازی و دروستكردنی كۆسپ و تەگەرەیە بۆ كورد؟
هەڵبژاردنێك كە بە ئاشكرا شەرعییەت بدات بە سیستەمی تاییفەگەری چ قیمەتێكی هەیە؟
كورد كە نەتوانێت لە پارلەمان بەرگری لە ماف و ئیستحقاقاتی خۆی بكات بۆ لە پارلەمان بێت؟
بۆچی كورد بچێتە گۆڕەپانێك كە ئامرازی بەرگری پێ نەبێت و پێشتر بزانێ كە دەیدۆڕێنێ؟
بەشداریی كردنی كورد لە هەڵبژاردن مۆركردنی ئەو سیستەمە فێڵباز و نادادپەروەرانەیە كە لەڕێگەی نماییشی دیموكراسی كورد دەكاتە پلە دوو و یاریكارێكی بێ دەستوپێ.




دوایین هەواڵەکان

ئافرەتان: لەپێناو دەستکەوتی زیاتردا، دەنگ بە لیستی 184 دەدەین

THURSDAY, 19 APRIL 2018 11:04:27

سۆران-KDP.info-  لە درێژەی بانگەشەی هەڵبژاردن لە سنووری شارۆچكەكانی سۆران، رۆژ بە رۆژ جەماوەری پارتی ڕوو لە زیادبوونە، ئافرەتانی ئەو سنوورە دەڵێن، تاكە حزب لە كوردستان كە خۆی بە خەمخۆری ئافرەتان زانیوە پارتییە و، لیستی 184ـیش دەستكەوتی زیاتر بەدی دێنێت، بۆیە دەنگی پێ دەدەن.

 
نەجیبە نەجیب: مەترسیدارترین هەڕەشە بۆ سەر عێراق دوای داعش، گەندەڵییە

THURSDAY, 19 APRIL 2018 11:04:11

هەولێر-KDP.info- ئابووریناسێك باس لەوە دەكات، زۆر جار بەرپرسانی حكوومەتی عێراق بۆ پەردەپۆشكردنی گەندەڵی و بندیوارەكانی خۆیان، پەنجەی تۆمەت بۆ هەرێمی كوردستان درێژ دەكەن، لە كاتێكدا عێراق گەندەڵترین وڵاتە لە جیهاندا، ئەمەیش بەپێی راپرسییە نێودەوڵەتییەكان.

 
گوتەبێژی هۆزە عەرەبەكان، هەستمان بە جیاوازیی پێكهاتەكان نەكردووە.. پشتیوانی لیستی 184 دەكەین

THURSDAY, 19 APRIL 2018 10:04:33

نەینەوا-KDP.info- گوتەبێژی هۆزە عەرەبەكان لە ناوچەكانی سنووری ماددەی 140 دەڵێت، داوایان لە تەواوی لایەنە عەرەبەكان كردووە لە سنووری ناوچەكانی ماددەی 140 و ئەوانەی لە هەرێمی كوردستانن، دەنگ بە لیستی ژمارە 184ـی پارتی دیموكراتی كوردستان و كاندیدەكانیان بدەن .

 
سێ كچی ڕفێندراوی ئێزدی لە سووریا رزگار كران

THURSDAY, 19 APRIL 2018 10:04:13

هەولێر-KDP.info- سێ كچی دیكەی كوردی ئێزدی كە سێ ساڵ بەر لە ئێستا رفێندرابوون، لە سووریا رزگار كران و سەرۆكی ئەنجوومەنی باڵای كاروباری خانمانیش دەڵێ، تا یەك كچ و ژنی رڕفێندراو لە دەست داعشدا مابێت، كار بۆ رزگاركردنی دەكەن و سەرۆكوەزیرانی ھەرێمیش ھەموو ھاوكارییەكی كردوون.

 
وه‌زاره‌تی دارایی داوا ده‌كات، ده‌روونى مووچه‌خۆران، تێكه‌ڵ به‌ بانگه‌شه‌ى هه‌ڵبژاردن و ململانێى حزبى نه‌كرێن

WEDNESDAY, 18 APRIL 2018 22:04:41

هه‌ولێر-KDP.info-  وێڕای ڕه‌تكردنه‌وه‌ی هه‌واڵێكی كه‌ناڵى KNN و به‌ ناڕاست وه‌سفكردنی، له‌ ڕوونكردنه‌وه‌یه‌كدا وه‌زاره‌تی دارایی و ئابووری، داوا ده‌كات داموده‌زگاكانى حكوومه‌ت و ده‌روونى مووچه‌خۆران، تێكه‌ڵ به‌ بانگه‌شه‌ى هه‌ڵبژاردن  و ململانێى حزبى نه‌كرێن.

 


 
© 2018 Kurdistan Democratic Party, KDP