Kurdî  ■  كوردی  ■  عربي
SUN, 21 JAN 2018 09:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گه‌مه‌كاره‌‌ دۆڕاوه‌كه‌
| KDP.info


كه‌ریم قادر

له دنیای نووسیندا، له‌ نووسینی به‌رگریكردن ئاسانتر نییه‌، نه‌خاسمه‌ ئه‌گه‌ر ئه‌و به‌رگریكردنه‌ بوو به‌ فه‌رمانی حزبی، وه‌ك ئه‌وه‌ی گۆڕانه‌كان بۆ شاردنه‌وه‌ی شكستی بزووتنه‌وه‌كه‌یان قازئاسا له‌ به‌رانبه‌ر هه‌موو قسه‌ و كارێكی‌ به‌رپرسانه‌ و واقیعیانه‌ و خێر ده‌یكه‌ین و هێنده‌ نابه‌رپرسانه‌ قسه‌ی لاته‌رقه‌وچ ده‌نووسن، ناچاری دۆخی ئه‌وانه‌ به‌و گه‌مه‌كا‌ره‌ خوگرتووه‌ به‌راورد بكه‌یت، كاتێك له‌سه‌ر مێزی گه‌مه‌ به‌دۆڕاوی هه‌ڵده‌ستێ له‌ خوایه‌كی ده‌وێ یه‌كێك ئحمێك بكات بۆئه‌وه‌ی به‌ مه‌به‌ستی تۆڵه‌كردنه‌وه‌ و تێكدان گۆبه‌ندێك دروست بكات و سه‌ری گوریس بزر بكات.
به‌ر له‌ هه‌ر هێزێكی دی ئه‌ندامانی په‌رله‌مان دژی هه‌وڵه‌ كوده‌تاكه‌ی پیاوه‌ "كه‌مئه‌زمونه‌كه‌" وه‌ستانه‌وه‌‌ به‌ به‌ڵگه‌ی ئه‌وه‌ی سه‌رباری هه‌وڵه‌ شه‌خسییه‌كانی بۆ ته‌واوكردنی رێژه‌ی یاسایی دانیشتنه‌كه‌، به‌ڵام بۆی ته‌واو نه‌بوو. واتا ئه‌گه‌ر رێككه‌وتنی سیاسی و سازانی نێوان هێزه‌كان نه‌بوایه‌، ئه‌رز و ئاسمان لێكیان بدابوایێ نه‌ یووسف ده‌بووه‌ سه‌رۆكی په‌رله‌مان نه‌ فه‌خره‌دین ده‌بووه‌ سكرتێری په‌رله‌مان.
له‌گه‌ڵ ئه‌وه‌شدا مافی حزبه‌ سیاسییه‌كان و فراكسیۆنه‌كانه‌‌ بپرسن، باشه‌، سه‌ره‌ڕای هه‌وڵه‌ چڕه‌كانی دۆسته‌كانی كورد و نوێنه‌ری نه‌ته‌وه‌ یه‌كگرتووه‌كان بۆ رزگاركردنی رێككه‌وتنی سیاسی و سازانی پرۆسه‌ی سیاسی كوردستان، به‌ڵام پێداگیری له‌سه‌ر دانیشتنی په‌رله‌مان بۆ و له‌پێناو چی و چ ناوێكی لێده‌نێی؟ نه‌خاسمه‌ له‌ گه‌رمه‌ی شه‌ڕی تیرۆریستانی داعش به‌ناوی پرۆسه‌ی دیموكراتی به‌شداری له‌ پیلانێك بكرێت، كه‌ سه‌ره‌تا به‌ خۆدزینه‌وه‌ له‌ مافه‌ دارایی و سه‌ربازییه‌كانی پێشمه‌رگه‌ وه‌ك هێزێكی به‌رگریكردن و پاراستنی كوردستان و بڕینی بودجه‌ی هه‌رێمی كوردستان ده‌ستی پێكرد، كه‌ وه‌ك كوردستان له‌ هه‌موو كارێك ده‌بێ ئه‌وه‌مان له‌به‌رچاو بێت، كه‌ چۆن و به‌ چ ئامانجێك ستێرنی په‌لاماردانی داعش ئاڕاسته‌ی هه‌رێمی كوردستان كرا.
به‌كورتی ئه‌وه‌ی وا هه‌ست بكات رێگه‌ی ئاینده‌ی كوردستان ته‌خت و بێ كێشه‌ و كه‌ندوله‌نده‌، لێخوڕه‌ و بڕۆ و دنیا شامی شه‌ریفه‌، نه‌ك هه‌ر به‌ "كه‌مئه‌زموون" پێناسه‌ ده‌كرێ، به‌ڵكو "غه‌شیمێكی" عه‌یار و كاره‌ساته‌‌‌، به‌تایبه‌تی هه‌ر گه‌مه‌یه‌ك ببێته‌ هۆی دروستكردنی ئاسته‌نگ له‌به‌رده‌م سازان و یه‌كریزی و یه‌كهه‌ڵوێستی بۆ گه‌یشتن به‌و‌ ئاینده‌یه، كه‌ ته‌نها ده‌رگا كردنه‌وه‌ی ماوه‌، ده‌بێ ئه‌و گه‌مه‌كاره‌‌‌‌ خوگرتووه‌‌ له‌ پرۆسه‌كه‌ دوور بخرێته‌وه‌. ‌ 




دوایین هەواڵەکان

سامی ئەتروشی: دیاره‌ كه‌ تاران دەیەوێ کێشەکانی نێوان بەغدا و ھەولێر چارە بکرێن

SATURDAY, 20 JANUARY 2018 21:01:46

هه‌ولێر-KDP.info-  پەرلەمانتارێکی پێشووی یەکگرتووی ئیسلامیی کوردستان لە پەرلەمانی عێراق، پێی وایە، لە ئێستا و پاشه‌ڕۆژیشدا پارتی و یەکێتی دوو ھێزی سەرەکی و گرینگن لە پڕۆسەی سیاسیی ھەرێمی کوردستان و دەشڵێ، سەردانی شاندی باڵای حکوومەتی ھەرێم بۆ ئێران، واتای ئه‌وه‌یه‌ كه‌ تاران دەیەوێ کێشەکانی نێوان بەغدا و ھەولێر چارە بکرێن.

 
نێچیرڤان بارزانی گەیشتە تاران

SATURDAY, 20 JANUARY 2018 18:01:53

هەولێر-KDP.info-  سەرۆکوەزیرانی کوردستان نێچیرڤان بارزانی کەمێک پێش ئێستا گەیشتە تاران.

"عەرەبە هاوردەکانی سەرگەڕان ستەم لە کورد دەکەن"

SATURDAY, 20 JANUARY 2018 18:01:22

سەرگەران-KDP.info- بەڕێوەبەری ناحیەی سەرگەڕان ئاشکرای کرد، پیلانی بەعەرەبکردنی سنووری ناحیەی سەرگەڕان بەردەوامە و عەرەبە هاودرەکان ببنە حەشد و ستەم لە کورد بکەن.

 

"پەکەکە لە مەرزی سیپەی هەڵەبجە سەرانە لە خەڵکی وەردەگرێت"

SATURDAY, 20 JANUARY 2018 16:01:27

هەولێر-KDP.info- ماوه‌ی سێ ڕۆژه‌ په‌كه‌كه‌ هێزێكی چه‌كداری ناردووه‌ته‌ شاخه‌كانی هەو‌رامان له‌ نزیك مه‌رزی لاوه‌كیی سیپه‌ له‌ گوندی ده‌ره‌یمه‌ڕی سه‌ر به‌ پارێزگای هه‌ڵه‌بجه‌، بازگه‌ی له‌ هانه‌نه‌وه‌ داناوه،‌ ئەو شوێنه‌ كۆتاییی ئه‌و ڕێیه‌یه،‌ کە وڵاغداره‌كانی هه‌ورامان له‌وێ باره‌كانیان داده‌گرن و كۆڵبه‌رانی ڕۆژهه‌ڵاتی كوردستان به ‌كۆڵ ده‌یگوازنه‌وه‌ بۆ سنووری ئێران، به‌ڵام به‌ هاتنی ئه‌و هێزه‌ی په‌كه‌كه‌ سه‌رانه‌یان له‌سه‌ر وڵاغداران و كۆڵبه‌ره‌كان داناوه‌ و ده‌بێ بۆ باری هه‌ر وڵاغێک بڕی 60 هه‌زار تمه‌ن و كۆڵبه‌ره‌کانیش ٣٠ هه‌زار تمه‌ن سه‌رانه‌ به‌ په‌كه‌كه‌ بدەن.

نێچیرڤان بارزانی و حه‌یده‌ر عه‌بادی پابه‌ندبوون به‌ ده‌ستوور، دووپات ده‌كه‌نه‌وه‌

SATURDAY, 20 JANUARY 2018 15:01:01

بەغدا-KDP.info-  نێچیرڤان بارزانی سەرۆکوەزیرانی هەرێمی کوردستان لە بەغدا لەگەڵ حەیدەر عەبادی سەرۆکوەزیرانی عێراق کۆ بووەوە و، به‌رده‌وامیی ئه‌و كۆبوونه‌وه‌ و دیدارانه‌یان به‌ مه‌به‌ستی هه‌رچی زوو ته‌واوكردنی ڕێكاره‌كانی ناردنی مووچه‌ی مووچه‌خۆرانی هه‌رێمی كوردستان و كردنه‌وه‌ی فڕگه‌كان‌، دووپات كرده‌وه‌‌.

 


 
© 2017 Kurdistan Democratic Party, KDP