Kurdî  ■  كوردی  ■  عربي
FRI, 22 SEP 2017 02:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

تیرۆریستێکی هه‌ڵهاتووی ئه‌نجامده‌ری کرده‌وه‌ تیرۆریستیه‌که‌ی شارۆچکه‌ی عه‌نکاوا ده‌ستگیر کرا
| KDP.info


هەولێر-KDP.info-  به‌ڕێوبه‌رایه‌تی گشتیی دژه‌تیرۆری سه‌ر به‌ ئه‌نجوومه‌نی ئاسایشی هه‌رێمی کوردستان ڕایگه‌یاند، توانرا تیرۆریست (علی سلێمان عوسمان) یه‌کێک له‌ ئه‌نجامده‌ره‌ سه‌ره‌کییه‌کانی کرده‌وه‌ تیرۆریستییه‌که‌ی ڕێکه‌وتی (٢٠١٥/٤/١٧) نزیک کونسووڵخانه‌ی ئه‌مەریکا ده‌ستگیر بکه‌ن.

دوای ده‌ستگیرکردنی سه‌رپه‌رشتیار و ئه‌نجامده‌رانی کرده‌وه‌ تیرۆریستییه‌که‌ی ڕێکه‌وتی (٢٠١٥/٤/١٧تیرۆریست (علی سلێمان عوسمان) وه‌ک یه‌کێک له‌ ئه‌نجامده‌ره‌ سه‌ره‌کییه‌کانی ئه‌و کرده‌وه‌ تیرۆریستیه‌ هه‌ڵهات بۆ ده‌ره‌وه‌ی سنووری هه‌رێمی کوردستان. لە پلانێکی تۆکمەو سەرکەوتووی بەڕێوبەرایەتیی گشتیی دژەتیرۆر و دوای کۆکردنەوەی زانیاری و چاودێری ورد توانرا تیرۆریستی داواکراو (علی سلێمان عوسمان) کە ھەڵگری ناسنامەی ساختە بوو بە ناوی (ھیوا محمد اسماعیل) دەستگیر بکرێت.

شایەنی باسە گروپی تیرۆریستی (داعش) لە ڕێکەوتی (٢٠١٥/٤/١٧) لە ڕێگای ئۆتۆمبێلێکی بۆمبڕێژکراو کردەوەیەکی تیرۆریستیان لە نزیک کونسووڵخانەی ئەمەریکا لە ھەولێر ئەنجام دا، کە بووە ھۆی شەھیدبوونی دوو ھاوڵاتی و برینداربوونی ژمارەیەک ھاوڵاتی تر و دوای ماوەیەکی کەم ئەنجوومەنی ئاسایشی ھەرێمی کوردستان لە ڕاگەیاندراوێکدا دەستگیرکردنی ئەنجامدەرانی کردەوەکە و ھەڵھاتنی تیرۆریست (علی سلێمان عوسمان) ڕاگەیاند بوو.

دوای ڕەوانەکردنی پەڕاوی لێکۆڵینەوەی ئەنجامدەرانی ئەم کردەوە تیرۆریستییە بۆ دادگا کە ژمارەیان (١٧) تیرۆریست بوو بڕیاری لە سێدارەدان بۆ (٧) تیرۆریست و زیندانی ھەتا ھەتایی بۆ (١٠) تیرۆریستی دیکەی بەشداربووی کردەوەکە دەرچوو.




دوایین هەواڵەکان

هەڵەبجەییەکان بە ئاهەنگ بەڵێیان بۆ سەربەخۆیی کرد

THURSDAY, 21 SEPTEMBER 2017 20:09:03

هەڵەبجە-KDP.info- ئەمڕۆ هەڵەبجەییەکان بە کەرنەڤاڵێک پشتگیری خۆیان بۆ ریفراندۆم و سەربەخۆیی کوردستان دەربڕی؛ وەک بەشداربووانی کەرنەڤاڵەکە دەڵێن، هەمووان پشتگیری سەرکردایەتیی سیاسی کوردستان دەکەن بۆ ئەوەی کوردستان ببێتە دەوڵەت.

 
لە مێرگەسۆر پەردە لەسەر وێنەی شەهیدانی شەڕی داعش لادرا

THURSDAY, 21 SEPTEMBER 2017 19:09:27

مێرگەسۆر-KDP.info- ئەمڕۆ لە شارۆچكەی مێرگەسۆر بە ئامادەبوونی بەرپرسانی حزبی و حكوومی  و كەسوكاری شەهیدان و جەماوەرێكی زۆری ناوچەكە پەردە لەسەر وێنەی 41 شەهیدی شەڕی داعش لادرا.

 
بارزانی: سلێمانی نه‌ مه‌حكوومه‌، نه‌ سوخره‌كێش، دارولمولكی كوردستانه‌

THURSDAY, 21 SEPTEMBER 2017 19:09:13

د.محه‌ممه‌د خدر مه‌ولوود

له‌ شرۆڤه‌كردنی ده‌قی گوتاره‌كه‌ی سه‌رۆك بارزانی له‌ ئێواره‌ی رۆژی 20 ی ئه‌یلوولدا سێ ره‌هه‌ندی گرینگ ده‌خوێنینه‌وه‌، كه‌ بۆ ئه‌مڕۆ و پاشه‌ڕۆژی پرۆسه‌ی سیاسیی كوردستان زۆر گرینگ و پڕبایه‌خ  ده‌بێ، وا به‌ كورتی تیشكیان ده‌خه‌ینه‌ سه‌ر.

سەرۆک بارزانی بۆ سەرۆکی فەڕەنسا: ریفراندۆم لە کاتی دیاریکراوی خۆیدا ئەنجام دەدرێت

THURSDAY, 21 SEPTEMBER 2017 18:09:46

هەولێر-KDP.info-  سەرۆکی فەڕەنسا لەڕێی تەلەفۆنەوە پەیوەندیی بە (سەرۆک بارزانی) کرد، لەبارەی ریفراندۆمەوە (سەرۆک بارزانی) رایگەیاند، ڕیفراندۆم لە کاتی دیاریکراوی خۆیدا ئەنجام دەدرێت و دەرگای گفتوگۆش دانەخراوە و دوای ڕیفراندۆم، کوردستان لەگەڵ بەغدا گفتوگۆ دەکات.

خەڵکی سلێمانی: ڕیفراندۆم ئامانجمانە و کەس ناتوانێت لەجیاتی ئێمە بڕیار بدات

THURSDAY, 21 SEPTEMBER 2017 18:09:36

سلێمانی-KDP.info- خەڵکی سلێمانی پشتیوانی لە سەربەخۆییی کوردستان و ڕیفراندۆم دەکەن. هاووڵاتییەکی ئەو شارە دەڵێت، نایانەوێت هیچ حزبێک بە ناوی ئەوانەوە قسە بکات، خۆیان چارەنووسی خۆیان دیاری دەکەن.



 
© 2017 Kurdistan Democratic Party, KDP