Kurdî  ■  كوردی  ■  عربي
SUN, 21 JAN 2018 09:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆکوەزیرانی هەرێمی کوردستان بەشداریی مەراسیمی پرسەی ئایەتوڵڵا هاشمی ڕەفسەنجانی دەكات
| KDP.info


هەولێر-KDP.info-  ئێوارەی ئەمڕۆ چوارشەممە ١١-١-٢٠١٧ (نێچیرڤان بارزانی) سەرۆکوەزیرانی هەرێمی کوردستان، بەمەبەستی بەشداریکردن لە مەراسیمی پرسەی خوالێخۆشبوو (ئایەتوڵڵا عەلی ئەکبەر هاشمی ڕەفسەنجانی)، سەردانی کونسووڵخانەی کۆماری ئیسلامیی ئێرانی لە شاری هەولێر کرد و لە لایەن کونسووڵ و ئەندامانی نوێنەرایەتیی کۆماری ئیسلامیی ئێرانەوە پێشوازی لێ کرا.

لە سەردانەكەدا (نێچیرڤان بارزانی) سەرەخۆشی لە حکوومەت و گەلی کۆماری ئیسلامیی ئێران کرد بەبۆنەی کۆچی دوایی (ئایەتوڵڵا هاشمی) ڕەفسەنجانی سەرۆکی ئەنجومەنی باڵای دیاریکردنی بەرژەوەندییەکانی کۆماری ئیسلامیی ئێران.

دواتر لە لێدوانێكی ڕۆژنامەوانی هاوبەشدا لەگەڵ کونسووڵی کۆماری ئیسلامیی ئێران، (نێچیرڤان بارزانی) باسی لە ئامانجی سەردانەكەی كرد و گوتی "ئامانجی سەردانەکەمان بۆ کونسوڵخانەی کۆماری ئیسلامیی ئێران، گەیاندنی سەرەخۆشیی جەنابی سەرۆکی هەرێمی کوردستان، حکوومەتی هەرێمی کوردستان لە ڕێگای کونسوڵخانەی کۆماری ئیسلامیی ئێران بوو بۆ جەنابی ئایەتوڵڵا خامەنەیی رێبەری کۆماری ئیسلامیی ئێران و هەروەها خانەوادەی بەڕێز هاشمی ڕەفسەنجانی."

سەرۆک وەزیران هەروەها گوتی: "ئاشنایی و ناسینی ئێمە لەگەڵ ئەو بەڕێزە دەگەڕێتەوە بۆ ساڵانێکی زۆر کۆن و لەکۆنەوە ئێمە یەکتر دەناسین. ئەو ئاشنایی هەبوو لەگەڵ جەنابی سەرۆکی هەرێم، لەگەڵ بەڕەحمەت بێت باوکم و بەم دواییەش لەگەڵ بەندە لەنزیکەوە یەکترمان دەناسی. لەدەستدانی ئەو بەڕێزە نەک بەتەنیا بۆ ئێران، بەڵکوو بۆ گەلانی ناوچەکەش خەسارەتێکی گەورە بوو، هیوادارین خوای گەورە بە بەهەشتی شاد بکات و سەبر و تەحەمولیش بدات بە خانەوادەکەی و هەموو بەرپرسانی کۆماری ئیسلامیی ئێران".


دواتر کونسووڵی ئێران لە هەولێر گوتی: "کۆچی دوایی ئایەتوڵڵا هاشمی ڕەفسەنجانی زیانێکی گەورە بوو بۆ کۆماری ئیسلامیی ئێران و بۆ ئەو دۆستانەی کە تەمەنێک لەگەڵ ئەو ئاشنایەتییان هەبوو، هەروەک بەرێز سەرۆک وەزیران باسی کرد."


کونسووڵی ئێران ئەوەشی بەبیر هێنایەوە کە "ڕەفسەنجانی لەو کەسایەتییانە بوو کە نزیکایەتیی زۆری لەگەڵ کەسایەتییانی پێش ڕاپەڕینی ساڵی ١٩٩١ هەبوو، پەیوەندییەکی ڕاستەوخۆشی لەگەڵ بەڕێز بارزانی و بەرپرسانی دیکەدا هەبوو. بۆیە ئەو زیانە هەم بۆ ئێمە و هەم بۆ دۆستانمان زۆر گەورە بوو."

هەروەها گوتیشی: "ئێمە بە پێزانینەوە دەڕوانینە سەردانەکەی بەڕێز سەرۆک وەزیران و بەرپرسانی دیکە کە بە ئینسافەوە لە دوو ڕۆژی ڕابردوودا سەردانیان کردین و هاودەردیی زۆریان لەگەڵ کردین ، سوپاسیان دەکەین."

 




دوایین هەواڵەکان

سامی ئەتروشی: دیاره‌ كه‌ تاران دەیەوێ کێشەکانی نێوان بەغدا و ھەولێر چارە بکرێن

SATURDAY, 20 JANUARY 2018 21:01:46

هه‌ولێر-KDP.info-  پەرلەمانتارێکی پێشووی یەکگرتووی ئیسلامیی کوردستان لە پەرلەمانی عێراق، پێی وایە، لە ئێستا و پاشه‌ڕۆژیشدا پارتی و یەکێتی دوو ھێزی سەرەکی و گرینگن لە پڕۆسەی سیاسیی ھەرێمی کوردستان و دەشڵێ، سەردانی شاندی باڵای حکوومەتی ھەرێم بۆ ئێران، واتای ئه‌وه‌یه‌ كه‌ تاران دەیەوێ کێشەکانی نێوان بەغدا و ھەولێر چارە بکرێن.

 
نێچیرڤان بارزانی گەیشتە تاران

SATURDAY, 20 JANUARY 2018 18:01:53

هەولێر-KDP.info-  سەرۆکوەزیرانی کوردستان نێچیرڤان بارزانی کەمێک پێش ئێستا گەیشتە تاران.

"عەرەبە هاوردەکانی سەرگەڕان ستەم لە کورد دەکەن"

SATURDAY, 20 JANUARY 2018 18:01:22

سەرگەران-KDP.info- بەڕێوەبەری ناحیەی سەرگەڕان ئاشکرای کرد، پیلانی بەعەرەبکردنی سنووری ناحیەی سەرگەڕان بەردەوامە و عەرەبە هاودرەکان ببنە حەشد و ستەم لە کورد بکەن.

 

"پەکەکە لە مەرزی سیپەی هەڵەبجە سەرانە لە خەڵکی وەردەگرێت"

SATURDAY, 20 JANUARY 2018 16:01:27

هەولێر-KDP.info- ماوه‌ی سێ ڕۆژه‌ په‌كه‌كه‌ هێزێكی چه‌كداری ناردووه‌ته‌ شاخه‌كانی هەو‌رامان له‌ نزیك مه‌رزی لاوه‌كیی سیپه‌ له‌ گوندی ده‌ره‌یمه‌ڕی سه‌ر به‌ پارێزگای هه‌ڵه‌بجه‌، بازگه‌ی له‌ هانه‌نه‌وه‌ داناوه،‌ ئەو شوێنه‌ كۆتاییی ئه‌و ڕێیه‌یه،‌ کە وڵاغداره‌كانی هه‌ورامان له‌وێ باره‌كانیان داده‌گرن و كۆڵبه‌رانی ڕۆژهه‌ڵاتی كوردستان به ‌كۆڵ ده‌یگوازنه‌وه‌ بۆ سنووری ئێران، به‌ڵام به‌ هاتنی ئه‌و هێزه‌ی په‌كه‌كه‌ سه‌رانه‌یان له‌سه‌ر وڵاغداران و كۆڵبه‌ره‌كان داناوه‌ و ده‌بێ بۆ باری هه‌ر وڵاغێک بڕی 60 هه‌زار تمه‌ن و كۆڵبه‌ره‌کانیش ٣٠ هه‌زار تمه‌ن سه‌رانه‌ به‌ په‌كه‌كه‌ بدەن.

نێچیرڤان بارزانی و حه‌یده‌ر عه‌بادی پابه‌ندبوون به‌ ده‌ستوور، دووپات ده‌كه‌نه‌وه‌

SATURDAY, 20 JANUARY 2018 15:01:01

بەغدا-KDP.info-  نێچیرڤان بارزانی سەرۆکوەزیرانی هەرێمی کوردستان لە بەغدا لەگەڵ حەیدەر عەبادی سەرۆکوەزیرانی عێراق کۆ بووەوە و، به‌رده‌وامیی ئه‌و كۆبوونه‌وه‌ و دیدارانه‌یان به‌ مه‌به‌ستی هه‌رچی زوو ته‌واوكردنی ڕێكاره‌كانی ناردنی مووچه‌ی مووچه‌خۆرانی هه‌رێمی كوردستان و كردنه‌وه‌ی فڕگه‌كان‌، دووپات كرده‌وه‌‌.

 


 
© 2017 Kurdistan Democratic Party, KDP