Kurdî  ■  كوردی  ■  عربي
SUN, 21 JAN 2018 09:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د.ماجید شنگالی: بەغدا لە وەدەرنانی پەکەکە لە شنگالدا جیددی نییە
| KDP.info


بەغدا  -KDP.info-ئەندامی ئەنجوومەنی نوێنەرانی عێراق (د.ماجد شنگالی) دەڵێ، عێراق لە وەدەرنانی پەکەکە لە شنگالدا جیددی نییە، چونکە پەکەکە خۆیان دەڵێن بەغدا هاوکاریان دەکات.

(د.ماجید شەنگالی)، بە ماڵپەڕی فەرمیی پارتی دیموکراتی کوردستانی راگەیاند، بەغدا لە وەدەرنانی پەکەکە لە شنگالدا جیددی نییە، هەڵبەت ئەگەر بیانەوێ پەکەکە وەدەربنێن ئەی بۆچی هاوکارییان دەکەن.
دەشڵێ، لە زاری گوتەبێژی حکوومەتی عێراقەوە پێیمان گوتراوە، ئامادەن هێزێکی هاوبەشی سوپای عێراق و پێشمەرگە پێکبهێنرێت بۆ ئەوەی ببرێتە شنگال و پەکەکە ئەو شارە چۆڵ بکات، بەڵام ئه‌وه‌تا پەکەکە خۆیان دەڵێن بەغدا هاوکاریمان دەکات.

(شنگالی) گوتیشی، بەگوێرەی دەستووری عێراق بوونی پەکەکە لە شنگالدا دەستووری نییە، چونکە نابێ جیا لە هێزەكانی عێراق هیچ هێزێکی دیکە لە ناوچەکەدا بوونی هەبێ، پەکەکەیش بوونی نایاساییە و هێزێکە لە دەرەوەی دامەزراوەی بەرگریی عێراق و هەرێمی کوردستانە، بۆیە ئەگەر پەکەکە نەڕوات ئەوا زیان دەکات.

ئاماژەیشی دا، هەموو لایەک لە سەرخەتن تا پەکەکە شنگال چۆڵ بکات، ئەمەریکایش لە زاری گوتەبێژی وەزارەتی دەرەوەی وڵاتەکەیه‌وه‌ بە ئاشکرا رایگه‌یاندووه‌، نابێ پەکەکە لە شنگال بێ، چونكه‌ بەهۆی پەکەکەوەیە دەڤەرەکە ئاوەدان ناکرێتەوە و خەڵکی بۆی ناگەڕینەوە.

کارزان سەباح




دوایین هەواڵەکان

سامی ئەتروشی: دیاره‌ كه‌ تاران دەیەوێ کێشەکانی نێوان بەغدا و ھەولێر چارە بکرێن

SATURDAY, 20 JANUARY 2018 21:01:46

هه‌ولێر-KDP.info-  پەرلەمانتارێکی پێشووی یەکگرتووی ئیسلامیی کوردستان لە پەرلەمانی عێراق، پێی وایە، لە ئێستا و پاشه‌ڕۆژیشدا پارتی و یەکێتی دوو ھێزی سەرەکی و گرینگن لە پڕۆسەی سیاسیی ھەرێمی کوردستان و دەشڵێ، سەردانی شاندی باڵای حکوومەتی ھەرێم بۆ ئێران، واتای ئه‌وه‌یه‌ كه‌ تاران دەیەوێ کێشەکانی نێوان بەغدا و ھەولێر چارە بکرێن.

 
نێچیرڤان بارزانی گەیشتە تاران

SATURDAY, 20 JANUARY 2018 18:01:53

هەولێر-KDP.info-  سەرۆکوەزیرانی کوردستان نێچیرڤان بارزانی کەمێک پێش ئێستا گەیشتە تاران.

"عەرەبە هاوردەکانی سەرگەڕان ستەم لە کورد دەکەن"

SATURDAY, 20 JANUARY 2018 18:01:22

سەرگەران-KDP.info- بەڕێوەبەری ناحیەی سەرگەڕان ئاشکرای کرد، پیلانی بەعەرەبکردنی سنووری ناحیەی سەرگەڕان بەردەوامە و عەرەبە هاودرەکان ببنە حەشد و ستەم لە کورد بکەن.

 

"پەکەکە لە مەرزی سیپەی هەڵەبجە سەرانە لە خەڵکی وەردەگرێت"

SATURDAY, 20 JANUARY 2018 16:01:27

هەولێر-KDP.info- ماوه‌ی سێ ڕۆژه‌ په‌كه‌كه‌ هێزێكی چه‌كداری ناردووه‌ته‌ شاخه‌كانی هەو‌رامان له‌ نزیك مه‌رزی لاوه‌كیی سیپه‌ له‌ گوندی ده‌ره‌یمه‌ڕی سه‌ر به‌ پارێزگای هه‌ڵه‌بجه‌، بازگه‌ی له‌ هانه‌نه‌وه‌ داناوه،‌ ئەو شوێنه‌ كۆتاییی ئه‌و ڕێیه‌یه،‌ کە وڵاغداره‌كانی هه‌ورامان له‌وێ باره‌كانیان داده‌گرن و كۆڵبه‌رانی ڕۆژهه‌ڵاتی كوردستان به ‌كۆڵ ده‌یگوازنه‌وه‌ بۆ سنووری ئێران، به‌ڵام به‌ هاتنی ئه‌و هێزه‌ی په‌كه‌كه‌ سه‌رانه‌یان له‌سه‌ر وڵاغداران و كۆڵبه‌ره‌كان داناوه‌ و ده‌بێ بۆ باری هه‌ر وڵاغێک بڕی 60 هه‌زار تمه‌ن و كۆڵبه‌ره‌کانیش ٣٠ هه‌زار تمه‌ن سه‌رانه‌ به‌ په‌كه‌كه‌ بدەن.

نێچیرڤان بارزانی و حه‌یده‌ر عه‌بادی پابه‌ندبوون به‌ ده‌ستوور، دووپات ده‌كه‌نه‌وه‌

SATURDAY, 20 JANUARY 2018 15:01:01

بەغدا-KDP.info-  نێچیرڤان بارزانی سەرۆکوەزیرانی هەرێمی کوردستان لە بەغدا لەگەڵ حەیدەر عەبادی سەرۆکوەزیرانی عێراق کۆ بووەوە و، به‌رده‌وامیی ئه‌و كۆبوونه‌وه‌ و دیدارانه‌یان به‌ مه‌به‌ستی هه‌رچی زوو ته‌واوكردنی ڕێكاره‌كانی ناردنی مووچه‌ی مووچه‌خۆرانی هه‌رێمی كوردستان و كردنه‌وه‌ی فڕگه‌كان‌، دووپات كرده‌وه‌‌.

 


 
© 2017 Kurdistan Democratic Party, KDP