Kurdî  ■  كوردی  ■  عربي
WED, 16 AUG 2017 20:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆک بارزانی: كردنەوەی كۆنسووڵخانەی ژاپۆن لە هەولێر، هەنگاوێكی باشە بۆ فراوانكردنی پەیوەندییەكان
| KDP.info


هەولێر-KDP.info-  لە دیداریدا لەگەڵ وەزیری دەوڵەت بۆ کاروباری دەرەوەی ژاپۆن، سەرۆكی هەرێمی كوردستان كردنەوەی كۆنسووڵخانەی ژاپۆنی لە هەولێر بە هەنگاوێكی باش بۆ فراوانكردنی پەیوەندییەكانی هەردوولا وەسف كرد، ئامادەیی هەرێمی كوردستانیشی بۆ فراوانتركردنی پەیوەندییەكان لەگەڵ وڵاتی ژاپۆن ڕاگەیاند.

 

ئەمڕۆ چوارشەممە 11ـی 1ـی 2017، لە سەلاحەددین، (مەسعوود بارزانی) سەرۆكی هەرێمی كوردستان، پێشوازی لە (کێنتارۆ سونۆرا) وەزیری دەوڵەت بۆ کاروباری دەرەوەی ژاپۆن و شاندێکی یاوەری کرد كرد کە لە (فۆمیۆ ئاوای) باڵیۆزی ژاپۆن لە عێراق و (کاتسۆمی مۆریاسۆ) کۆنسووڵی ژاپۆن لە هەرێمی کوردستان پێکهاتبوو.

لە دیدارەكەدا وەزیری دەوڵەت بۆ کاروباری دەرەوەی ژاپۆن، خۆشحاڵیی خۆی بە دیدارەکە ڕاگەیاند و سوپاسی (سەرۆک بارزانی) کرد بۆ ڕۆڵ و خەباتیان لە چەسپاندنی ئاشتی و بەرەوڕووبوونەوەی تیرۆر. هەروەها سوپاسگوزاریی خۆی بۆ پێشمەرگەی کوردستان ڕاگەیاند کە توانیویانە تیرۆریستان تێکبشکێنن.
وەزیری دەوڵەت بۆ کاروباری دەرەوەی ژاپۆن ڕاشیگەیاند، وڵاتەکەی دەیەوێ پەیوەندییەکانی لەگەڵ هەرێمی کوردستان پەرە پێ بدات و بۆ ئەو مەبەستەیش ئەمڕۆ کۆنسووڵخانەی وڵاتەکەی لە هەولێر دەکرێتەوە و، (کاتسۆمی مۆریاسۆ)ی وەک کۆنسووڵی وڵاتەکەی لە هەرێمی کوردستان بە (سەرۆک بارزانی) ناساند.

لە بەشێکی دیکەی دیدارەکەدا وەزیری دەوڵەت بۆ کاروباری دەرەوەی ژاپۆن، ئامادەیی وڵاتەکەیشی بۆ هاوکاریکردنی هەرێمی کوردستان لە هەموو بوارەکاندا ڕاگەیاند، بە تایبەتیش لە پووچەڵکردنەوەی تەقەمەنییەکانی پاشماوەی شەڕ و پەرەپێدانی ئابووری و پیشەسازی و تەندروستی.
دواتریش وەزیری دەوڵەت بۆ کاروباری دەرەوەی ژاپۆن داوای لە (سەرۆک بارزانی) کرد سەرنج و تێڕوانینی خۆی سەبارەت بە داهاتووی تیرۆریستان بخاتەڕوو تا بەرچاوڕوونیی زیاتریان هەبێت.

لە بەرانبەردا (سەرۆک بارزانی) وێڕای بەخێرهێنانی شاندی میوان، دەستخۆشی و پیرۆزبایی کردنەوەی کۆنسووڵخانەی ژاپۆنی لە هەولێر ئاراستەی وەزیری دەوڵەت بۆ کاروباری دەرەوەی ژاپۆن و شاندی یاوەری کرد و، سوپاسی حكوومەت و گەلی ژاپۆنی كرد و كردنەوەی كۆنسووڵخانەی ژاپۆنی لە هەولێر بە هەنگاوێكی باش بۆ فراوانكردنی پەیوەندییەكانی هەردوولا وەسف كرد و، ئامادەیی هەرێمی كوردستانی بۆ فراوانتركردنی پەیوەندییەكان لەگەڵ وڵاتی ژاپۆن ڕاگەیاند.

سەبارەت بە ئایندەی تیرۆریستان (سەرۆک بارزانی) ڕایگەیاند: "پێشمەرگە توانی مەترسیدارترین و دڕندەترین ڕێکخراوی تیرۆریستی و دوژمنی مرۆڤایەتی تێک‌بشکێنێت کە هەڕەشەیە بۆ سەر هەموو جیهان. ئێستا ئەگەرچی داعش لە داڕووخان و شکستی گەورەدایە، بەڵام مانای وا نییە کە تێکشکانی ڕێکخراوی تیرۆریستیی داعش لە ڕووی سەربازییەوە دەبێتە کوتاییهاتنی تیرۆر و توندڕۆیی، چونکە ڕەنگە بەناوی جیا و شێوازی جیاواز دەربکەونەوە. بۆیە پێویستە هەماهەنگی و هاوکارییەکی هەمەلایەنە هەبێت بۆ لەناوبردنی تیرۆر و توندڕۆیی، نەک هەر تەنیا لە ڕووی سەربەزی بەڵکوو لە هەموو ئاستەکاندا."

باسکردنی ڕەوشی سیاسی و سەربازیی ناوچەکە، بەشێکی دیکەی دیدارەکە بوو.

 




دوایین هەواڵەکان

یەکێتی بۆ پارتی: پرۆسەى ڕیفراندۆم، دەبێ ئامانجەكانى بەدی بهێنێت

WEDNESDAY, 16 AUGUST 2017 19:08:42

هەولێر-KDP.info-  مەکتەبی سیاسیی یەکێتیی نیشتمانیی کوردستان پەیامێکی پیرۆزبایی ئاراستەی پارتی دیموکراتی کوردستان کرد و لە پەیامەکەدا ڕایگەیاند، ئومێدەوارین، (هەل) و (مەرج)ەكە، بە دووربینى و خوێندنەوەى قووڵى هاوكێشەكان، بقۆزینەوە بۆ سەرخستنى ئامانجەكانى ڕیفراندۆم، كە گەلەكەمان پێی ڕازى بێت. ئەمەش، یەكڕیزیى نیشتمانى و كاراكردنەوەى پەرلەمان و چارەسەرى تەنگوچەڵەمەى ئابووریى خەڵكى دەوێت.

دواخستنی ڕیفراندۆم و بەدیلەكانی

WEDNESDAY, 16 AUGUST 2017 19:08:17

زكری مووسا
ئەمەریكاییەكان وای بۆ دەچن، ڕیفراندۆم دوابخرێ باشترە. ئەوان وای بۆ دەچن لەم كاتەدا ڕەنگە ڕیفراندۆم گرفت بۆ شەڕی داعش دروست بكات و ،هەروەها كێشە لەنێوان هێزە عێراقییەكان و پێشمەرگەدا دروست ببێ، دەشڵێن ئێمە تووشی شۆك بووین چونكە ئاگاداری ئەو بابەتە نەبووین. ئەورووپاییەكانیش پاساوی هاوشێوەی ئەمەریكایان هەیە. ئێران هەموو هەوڵێك دەدا بۆ ئەوەی كۆسپ بۆ ئەم پڕۆسەیە دروست بكات. لایەنە سیاسییە عەرەبیە شیعەكانی عێراق لە دژی وەستاونەتەوە بۆ ڕیكلامی هەڵبژاردن و هاندانی شەقامی شیعە لە دژی كوردستان كەوتوونەتە كێبڕكێ.

"بەغدا باش ڕەوشی خۆی دەزانێت، دەنا ئامادە نەدەبوون پێشوازی لە شاندنی ریفراندۆم بکەن"

WEDNESDAY, 16 AUGUST 2017 18:08:32

بەغدا-KDP.info- گوتەبێژی فراكسیۆنی پارتی لە ئەنجومەنی نوێنەران ڕایگەیاند، شاندی هەرێمی كوردستان توانیویەتی پەیامی سەركردایەتیی سیاسیی كورد و پەیامی گەلی كوردستان بگەیەنێتە لایەنانەکانی عێراق و نییەتی ڕاست و دروستی كوردستان بگەیەنێتە لایەنەكان و باڵوێزەكان. هاوكات  (د. کاوان ئیسماعیل)، ڕاگری کۆلیژی یاسا و ڕامیاریی زانکۆی سەلاحەدین  دەڵێ، من وەک ئەکادیمییەک وای بۆ دەچم ھەڵوێستی ئەمڕۆی ھەندێ سەرکردەی عێراق و سەرانی شیعە چاوەڕانکراو بوو، چونکە کاتێک ئێمە دەڵێین، دانوستان ھەڵدەبژێڕین، ئەوان ناتوانن بڵێن شەڕتان لەگەڵ دەکەین.

شاندی ڕیفراندۆم: ڕاشکاوانە بە بەغدامان گوت لەمەودوا دەبینە دراوسێیەکی باش

WEDNESDAY, 16 AUGUST 2017 17:08:17

بەغدا-KDP.info- شاندی باڵای ڕیفراندۆم لە بەغدا بەردەوامی بە دیدار و گفتوگۆکانیان دەدەن، ئەندامێکی ئەو شاندە باس لەوە دەکات، لە بەغدا زۆر قسەیان لەبارەی داهاتووی عێراقەوە کردووە و پێیان گوتوون، باشترین بڕیار سەبارەت بە عێراقی داهاتوو، ئەوەیە کە کوردستان ببێتە دراوسێیەکی باش بۆ هەموو لایەک.

کادرێن پارتى: پارتى پێشخەر بوویە بۆ بجهئینانا دەستکەڤتێن نەتەوەیى

WEDNESDAY, 16 AUGUST 2017 15:08:19

دهۆک-KDP.info- کادرێن پارتى دیموکراتێ کوردستان ل دهۆکێ دبێژن، پارتى هەر دەم ل پێشیا خەبات و شۆرەشان بوویە ژبۆ وێ ئێکێ هوشیاریا نەتەوەیى و نیشتمانى دناڤ مللەتێ کوردان دا بەربەلاڤە بکەت، جونکى پلانەکا مەزن ددرهەقێ خەلکێ کوردستانێ دا هاتەکرن وەک مللەت ژناڤ بجیت، لێ پارتى دیموکراتى کوردستان شیا مللەتێ کورد ژبن دەستیێ رزگار بکەت.



 
© 2017 Kurdistan Democratic Party, KDP