Kurdî  ■  كوردی  ■  عربي
MON, 23 APR 2018 12:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هه‌رێمى كوردستان و خاچی سووری نێودەوڵەتى جه‌خت له‌ هاریكاریى هاوبه‌ش ده‌كه‌نه‌وه‌
| KDP.info


هەولێر-KDP.info-  (نێچیرڤان بارزانی) سەرۆكوەزیرانی هەرێمی كوردستان، پێشوازی لە (پیتەر مۆریر) سەرۆكی كۆمیتەی خاچی سووری نێودەوڵەتی ICRC ی کرد و لە دیدارەکەدا هه‌رێمى كوردستان و خاچی سووری نێودەوڵەتى جه‌ختیان له‌ هاریكاریى هاوبه‌ش کردەوە.

پاشنیوەڕۆی ئەمڕۆ سێشەممە ١٠-١-٢٠١٧ (نێچیرڤان بارزانی) سەرۆكوەزیرانی هەرێمی كوردستان، پێشوازی لە (پیتەر مۆریر) سەرۆكی كۆمیتەی خاچی سووری نێودەوڵەتی ICRC و شاندێكی یاوەری كرد.

لە دیدارێكدا شاندی میوان خۆشحاڵیی خۆیان بە سەردانی هەرێمی كوردستان دەربڕی و سوپاسی ئەو هاوكاری و كارئاسانیانەیان كرد كە حكوومەتی هەرێمی كوردستان پێشكەش بە ڕێكخراوەكەیان دەكات لە كار و چالاكییەكانیاندا بەتایبەتی لە سەردانی كەمپی ئاوارەكان و گرتووخانەكان. جەختیشیان لەوە كردەوە كە پێویستە كۆمەڵگەی نێودەوڵەتی ڕاستەوخۆ و ناڕاستەوخۆ زیاتر هاوكاریی ئاوارەكان بكات، چونكە بەهۆی نائارامیی ناوچەكانیانەوە پێشبینی دەكرێت ژمارەیەكی زۆری ئاوارەكان لە كەمپەكاندا بمێننەوە.

دووپاتیشیان كردەوە وەك ڕێكخراوی ICRC هەوڵ دەدەن بە هاوكاریی دامودەزگاكانی حكوومەتی هەرێمی كوردستان و ڕێكخراوەكانی دیكە، خولی هۆشیاری سەبارەت بە خۆپاراستن لە مین و تەقەمەنییەكان بۆ ئاوارەكان بكەنەوە بۆئەوەی لەكاتی گەڕانەوەیان بۆ زێدی خۆیان بتوانن خۆیان لە مین و تەقەمەنی بپارێزن تاكو ناوچەكانیان لە پاشماوەكانی جەنگ پاك دەكرێنەوە.
لای خۆیەوە سەرۆكوەزیرانی هەرێمی كوردستان سوپاسی ئەو سەردانە و كار و چالاكییەكانی ڕێكخراوەكەی كرد و ئامادەییی حكوومەتی هەرێمی كوردستان و بەتایبەتی وەزارەتی ناوخۆی بۆ پێشكەشكردنی هەر هاوكاری و كارئاسانییەك بۆ كار و چالاكییەكانیان، دەربڕی.

هەروەها هیوای خواست ڕێكخراوەكە ڕۆڵی هەبێت لە پێشكەشكردنی بیرۆكەی گونجاو بە وەزارەتەكانی حكوومەتی هەرێم بۆ باشتركردنی كاروبارەكانیان لە بوارەكانی بەڕێوەبردنی كەمپەكان و پێشكەشكردنی خزمەتگوزاریی زیاتر بە ئاوارەكان و پەیڕەوكردنی باشتری بنەما نێودەوڵەتییەكان لە گرتووخانەكانی هەرێمی كوردستاندا.
تاوتوێكردنی دوا پێشهاتەكانی ئۆپەراسیۆنەكانی ئازادكرنەوەی مووسڵ و هاتنی ژمارەیەكی زۆرتری ئاواره‌كان بۆ هەرێمی كوردستان و دابینكردنی ئاسایش و خزمەتگوزاریی بۆیان و چەند بابەتێكی دیكەی پەیوەندیدار، لایەنێكی دیكەی دیدارەكە بوو.




دوایین هەواڵەکان

كاندیدانی پارتی لە مووسڵ: ده‌نگه‌كانی پارتی له‌ مووسڵ زیاد ده‌كه‌ن.. لەبەر دوو هۆكارە

MONDAY, 23 APRIL 2018 11:04:14

مووسڵ -KDP.info- كاندیدانی پارتی لە سنووری پارێزگای مووسڵ دەڵێن، تاوەكوو ئێستا ناتوانن بە ئازادانە بچنە مووسڵ و بانگەشە بۆ خۆیان بكەن، چونكە مەترسی لەسەر ژیانیان هەیە، به‌ڵام لەبەر دوو هۆكار ده‌نگه‌كانی پارتی زیاد ده‌بن، یەكەم هەرێم دەرگای بۆ ئاوارەكان كردەوە، دووەمیش پاش ئازادكردنی مووسڵ یەكەم لایەن كە هاوكاریی خەڵكی مووسڵی كرد، هەرێمی كوردستان بوون.

 
ریفراندۆمەكەی باشوور، شەرم یان شانازی؟

MONDAY, 23 APRIL 2018 10:04:44

هەرمان بۆکانی

پاش راپەڕینە مەزنەكەی 91ی باشوور، ریفراندۆم تاقە هەنگاوێكی شۆڕشگێڕانە و نیشتمانپەروەرانەیە كە هەموو نیشتمانپەروەرێكی كورد لە هەرچوار پارچەی كوردستان شانازیی پێوە دەكات. ئەو ریفراندۆمەی كە نیشتمانپەروەران شانازیی پێوە دەكەن و نیشتمانفرۆشانیش لەبەردەم ئاغا داگیركەرەكانیاندا لە سۆنگەیەوە ئارەقەی شەرمیان لێ دەتكێ.

فازڵ بەشارەتی: ئه‌مجاره‌ دەنگی رۆشنبیر و نیشتیمانپەروەرەكان و لایەنی دیكەمان له‌گه‌ڵه‌

MONDAY, 23 APRIL 2018 10:04:52

هەڵەبجە-KDP.info-  بەرپرسی لقی 12ی پارتی دەڵێ: "ئێمە لە بانگەشەكردن لە سنووری خۆمان بەردەوامین بۆ لیستی 184ی پارتی دیموكراتی كوردستان و، ئەم جارەیش بە هۆی هەڵوێستە نەتەوەییەكانی پارتییەوە لە ماوەی رابردوودا، دەنگەكانی زیاد دەكەن.

 
عومەر ئۆرەیی: به‌رنامه‌ی پارتی مافەكانی گەلی كوردستانه‌ و روون و ئاشكرایە

MONDAY, 23 APRIL 2018 10:04:40

ئامێدی-KDP.info- بەرپرسی لقی 18ی پارتی لە ئامێدی ڕایگەیاند، پارتی بۆ ئەوە دەچێتەوە بەغدا، تا ئەو بەرنامەیەی دایناوە، جێبەجێی بكات، خەڵكی ئامێدییش بە گوڕوتینەوە چاوەڕوانی رۆژی هەڵبژاردن دەكەن، بۆ ئەوەی دەنگ بە پارتی و كاندیدەكانی بدەن، هەر بۆیە رێژەی دەنگەكانی پارتی زیاد دەبن.

 
رێكخەری راسپاردە نێودەوڵەتییەكان: وەزارەتی دەرەوەی ئەمەریكا، ستاییشی حكوومەتی هەرێمی كردووە

MONDAY, 23 APRIL 2018 09:04:46

هەولێر-KDP.info- ئۆفیسی رێكخەری راسپاردە نێودەوڵەتییەكان لە حكوومەتی هەرێمی كوردستان ڕایدەگەیێنێت، راپۆرتی وەزارەتی دەرەوەی ئەمەریكا، ستاییشی حكوومەتی هەرێمی لە چەند بابەتێكی گرینگدا كردووە، وەك پێشوازیكردن لە ئاوارە و پەنابەران.

 


 
© 2018 Kurdistan Democratic Party, KDP