Kurdî  ■  كوردی  ■  عربي
SUN, 28 MAY 2017 15:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نووری حەمەعەلی: پارتی و یەکێتی پرسگه‌لی هه‌نووكه‌یی تاوتوو دەکەن
| KDP.info



هەولێر-KDP.info-   (نووری حەمەعەلی) ئەندامی ئەنجوومەنی سەركردایەتیی پارتی دیموكراتی كوردستان پێوەست بە ناوەڕۆکی کۆبوونەوەی سبەینێی هەردوو مەکتەبی سیاسی پارتی و یەکێتی دەڵێ، کۆبوونەوەکە بۆ ئەوەیە تا ژیانی خەڵکی هەرێمی کوردستان باشتر بکرێ و پەرلەمانیش کارا بکرێتەوە، هەروەها پێدەچێ کە چەندخاڵێکی کۆبوونەوەی ستراتیژیی نێوان پارتی و یەکێتی تاوتوو بکرێ.

(نووری حەمەعەلی) ئەندامی ئەنجوومەنی سەركردایەتیی پارتی دیموكراتی كوردستان بە ماڵپەڕی فەرمیی پارتی راگەیاند "كۆبوونەوەی سبەی نێوان مەكتەبی سیاسی پارتیمان لەگەڵ مەكتەبی سیاسیی یەكێتی چەند تەوەرێك لەخۆ دەگرێت و، دانوستان لەبارەی باشتركردنی بارودۆخی ئێستای هەرێمی كوردستان و بەرەوپێشبردنی ژیان و گوزەرانی هاووڵاتیان دەكرێت، هەروەها ئەو پێوەندییانەی هەرێمی كوردستان لەگەڵ حكوومەتی عێراق و وڵاتانی جیهان بە گشتیی هەیەتی چۆنیەتی گرنگیدان و بەرەو پێشبردنی پێوەندییەكان مژارێكی كۆبوونەوەی سبەی نێوان هەردوو مەكتەبی سیاسی دەبێت.''

ئەندامەكەی ئەنجوومەنی سەركردایەتی پارتی دەشڵێ، "لە كۆبوونەوەكه‌دا مەكتەبی سیاسیی پارتیمان كاراكردنەوەی پەرلەمانی كوردستان لەگەڵ برادەرانی یەكێتیی گفتوگۆ دەكەن، كە پێویستە پەرلەمان بكەوێتە سەر سكەی خۆی، بەوەش پێویستە گۆڕانكاری لەدەستەی سەرۆكایەتیی پەرلەماندا بكرێت، تا رەوشی هەرێمی كوردستان بەرەوپێشتر هەنگاو بنێت و حكوومەتیش بتوانێ بەردەوامی بە كارەكانی بدات.''

لەبارەی رێككەوتنی ستراتیژی نیوان پارتی و یەکێتی، (نووری حەمەعەلی) ئاماژەی دا، رێككەوتنی ستراتیژیی نێوان پارتی و یەكێتی گرینگی خۆی هەیە و توانی كۆتایی بە شەڕی ناوخۆ بێنێت و هەرێمی كوردستان ئاوەدان بكاتەوە، گوتیشی ''پێویستە بەردەوامی هەبێت و لای ئێمەش وەك پارتی هێشتا رێككەوتنی ستراتیژی ماوە و بەسەر نەچووە، ئەگەر لای یەكێتی ئەو رێككەوتنە بەسەرچووبێت ئەوا بۆچوونی خۆیانە، لەوانەیە لە كۆبوونەوەی سبەیدا، مەكتەبی سیاسیی هەردوولا باس لە هەندێ خالی نێو رێككەوتنی ستراتیژییش بكرێت، ئەوانەی پێویستە پێداچوونەوەیان بۆ بكرێت.''

قائید میرۆ
 




دوایین هەواڵەکان

"پەكەكە پێنج سەركردەی ئەنەكەسە بە بڕیارێکی ناشەرعی دادگایی دەكات"

SUNDAY, 28 MAY 2017 14:05:42

رۆژئاوای كوردستان-KDP.info- بەرپرسی شەپۆلی دواڕۆژی كورد-سووریا رایگەیاند، ئەمڕۆ بە بڕیارێكی ناشەرعی، پێنج سەركردەی ئەنەكەسە لەلایەن پەكەكەوە دادگایی دەكرێن.

مەكتەبی سەرۆك، سەرەخۆشی لە تەحسین یاسین تەها دەكات

SUNDAY, 28 MAY 2017 14:05:54

هەڤاڵی بەڕێز تەحسین یاسین تەها..

ئەنجوومەنی شنگال: نامانەوێت جگە لە پێشمەرگە هیچ هێزێكی دیكە لە ناوچەكەدا هەبێت

SUNDAY, 28 MAY 2017 12:05:31

 شنگال-KDP.info- سەرۆكی ئەنجوومەنی شارۆچكەی شنگال رایگەیاند، ئەوەی ئێستا حەشدی شەعبی لە ناوچەكەدا دەیكات، مەترسییە بۆ سەر خەڵكی دەڤەرەكە، حەشدی شەعبی و پەكەكەیش بۆ ئەوە نەهاتوون ناوچە كوردستانییەكان ئازاد بكەن، بەڵكوو هاتوون كێشەی دیكە دروست بكەن، بۆیە پێویستە بە زوویی ناوچەكە چۆڵ بكەن.

 
مەكتەبی سیاسی، سەرەخۆشی لە دڵشاد ئیبراهیم وسوو دەكات

SUNDAY, 28 MAY 2017 12:05:22

هەڤاڵی بەڕێز دڵشاد ئیبراهیم وسوو..

بەداخەوە هەواڵی كۆچی دوایی خاتوو (خەدیجە حوسێن حەمە)ـی دایكی بەڕێزتانمان پێ گەیشت. لەم بۆنە خەمناكەدا پرسە و سەرەخۆشی ئاڕاستەی بەڕێزتان و سەرجەم خزم و كەسوكاری خوالێخۆشبوو دەكەین و هاوبەشی خەمتانین.

كیكی: 60%ـی لای ڕاستی مووسڵ وێران بووە

SUNDAY, 28 MAY 2017 10:05:21

مووسڵ-KDP.info- سەرۆكی ئەنجوومەنی پارێزگای نەینەوا دەڵێت، 60 لە سەدی لای ڕاستی مووسڵ وێران بووە و، پێدەچێت لە مانگی ڕەمەزانیشدا تەواوی مووسڵ ئازاد بكرێت.

 


 
© 2017 Kurdistan Democratic Party, KDP