Kurdî  ■  كوردی  ■  عربي
MON, 26 JUN 2017 18:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەلی عەونی بۆ پەکەکە: واز لە موزایەدات بێنن و بكێشنەوە؛ کە ڕاست دەکەن، گرعوزێر ڕزگار بکەن
| KDP.info


هەولێر-KDP.info-  (عەلی عەونی) دەڵی، پێویستە پارتی كرێكارانی كوردستان واز لە موزایەدات بێنێت و خۆیان لە شنگال بكێشنەوە و، چونکە ئەوان هۆکاری هاتنی هێزی توركیان بۆ هەرێمی كوردستان.


(عەلی عەونی)، بە ماڵپەڕی فەرمیی پارتی راگەیاند: "ئەگەر راستە بڕیاری پارتی كرێكارانی كوردستان لە دەستی خۆیاندایە و دەیانەوێ خزمەتێك بە گەلی كورد بكەن و، بیانەوێ هیچ كێشەیەك لە نێو خاكی هەرێمی كوردستان روو نەدات و خاكی رزگاركراوی كوردستان تووشی كێشەی دیكە نەكەن، بە ڕاست ئەگەر پەكەكە دژی هەبوونی توركیایە لە هەرێمی كوردستان با چەكدارەكانیان بكێشنەوە بۆ باكووری كوردستان و ئەوێ بكەنە مەیدانی تەسفییەی حیساباتی خۆیان، ئەگەر مەبەستی پەكەكە بڕیاری خەڵكی شنگالە چارەنووسی خۆیان دیاری بكەن، ئەوە دەمێكە نوێنەرانی كوردانی ئێزدی لە پیاوماقوڵ و پیاوە ئایینی و كەسایەتیی سیاسی و رۆشنبیرانی ئێزدی لە مەزارگەی شەرەفەدین قسەی خۆیان كردووە لەبارەی داهاتووی ناوچەكەیانەوە".

ئەو ئەندامەی ئەنجوومەنی سەركردایەتیی پارتی گوتیشی: "من تێناگەم پەكەكە چیی كردووە بۆ خەڵكی هەرێمی كوردستان و دەڤەری شنگال، خۆ لەوەتەی چەكدارەكانی پەكەكە هاتوونەتە شنگال یەك گوندیان رزگار نەكردووە، ئەگەر راست دەكەن ئەوە گرعوزێر لە نزیك بارەگاكانی پەكەكەیە، با سبەی ئازادی بکەن!، لە پڕۆسەی رزگاركردنی شنگالدا هیچ رۆڵیان نەبووە، تەنیا بۆ دروستكردنی كێشە لە شنگال ماونەتەوە، تەنیا چاكە و شت كە پەكەكە كردوویەتی، لە سەرەتای شەڕی داعش رێگەیەكیان كردەوە بۆ نێو رۆژئاوای كوردستان و ژمارەیەك خەڵكی ئاوارە لەو رێگەیەوە دەرباز بوون، خۆزگە ئەو چاكەیەیشیان لەگەڵ ئێمەدا نەكردبایە".
(عەلی عەونی) ئاماژەی بۆ ئەوە كرد: "پێویستە پارتی كرێكارانی كوردستان واز لە موزایەدات بێنێت و خۆیان لە شنگال بكێشنەوە، بەڵام من گەییشتووم بەو بڕوایەی بڕیاری كشانەوەیان لە دەست خۆیاندا نییە، تەنها دەیانەوێ بەهانە بدەنە دەست وڵاتانی ناوچەكە و بە تایبەت توركیا، خۆ خەڵكێك باس لەوە دەكات توركیا بارەگای لە دێرەلوك و بامەڕنێ هەیە، بەڵام بزانن كێ توركی هێناوە بۆ هەرێمی كوردستان، كێ بووە هۆی ئەوەی توركیا بێتە هەرێمی كوردستان، من لە پەكەكە دەپرسم باشە سەر لوتكەی چیای گارە چ توركێكی لێیە چەكدارانی پەكەكە كردوویانە بە مۆڵگەی خۆیان و خۆیانیان تێدا حەشار داوە".
لەبارەی هەبوونی دانوستان لە نێوان پارتی و پەكەكەوە، (عەلی عەونی) دەڵێ: "من ئاگاداری ئەو دانوستانە نیم، بەڵام ئاگاداری لێدوان و قسەكانی سەركردەكانی پەكەكەم، ئەوانیش لەنێو خۆیاندا یەكدەنگ نین و قسەی جیاواز دەكەن لەبارەی پرسی كشانەوەی چەكدارەكانیان، شنگال پێویستی بە پەكەكە نییە، هێزی پێشمەرگە، هێزێكی نێودەوڵەتییە و شنگال دەپارێزێ، چ پێویست ناكات پەكەكە بمێنێ یان نەمێنێ لەو دەڤەرە".

قائید میرۆ




دوایین هەواڵەکان

شارەزایانی ئابووری: دوای ریفراندۆم پێگەی ئابووری هەرێم بەهێزتر دەبێ

MONDAY, 26 JUNE 2017 17:06:03

هەولێر-KDP.info-  پسپۆڕانی ئابووری باوەڕیان وایە کە ریفراندۆم کاریگەری لەسەر پاشەڕۆژی ئابووری هەرێمی کوردستان دەبێ. دەشڵێن، دوای ریفراندۆم پێگەی ئابووری هەرێمی کوردستان بەهێزتر دەبێ.

عیرفان کەرکووکی: کەرکووک بەشێکە لە خاکی کوردستان و تورکمانەکانیش دەڵێن بەڵێ بۆ ریفراندۆم

SUNDAY, 25 JUNE 2017 14:06:42

 کەرکووک-KDP.info-  (عیرفان کەرکووکی)، سەرۆکی پارتی گەلی تورکمان بە تورکمانەکان رادەگەیەنێ کە بەپیر ریفراندۆمەوە بچن و دەنگی بۆ بدەن، چونکە تەنیا بە ریفراندۆم تورکمانەکان مافەکانیان بەدی دێ.

مه‌سروور بارزانی به‌ بۆنه‌ی جه‌ژنه‌وه‌: پرۆسه‌ی ریفراندۆم سه‌رخه‌ن، كه‌ له‌ سه‌رانسه‌ری هه‌رێمی كوردستان به‌ڕێوه‌ ده‌چێت

SATURDAY, 24 JUNE 2017 21:06:44

هه‌ولێر-KDP.info-  راوێژكاری ئه‌نجوومه‌نی ئاسایشی هه‌رێمی كوردستان به‌ بۆنه‌ی جه‌ژنی ڕه‌مه‌زانه‌وه‌، ئاواتەخوازه‌ هەموو لایەک پشتیوان بن لە بە ئەنجامگەیاندن و سه‌رخستنی پرۆسه‌ی ریفراندۆمی كوردستان، كه‌ له‌ 25ی ئه‌یلوولی ئه‌مساڵ لە پێناو دیاریکردنی چارەنووسی نیشتمان و گەلەکەمان له‌ سه‌رانسه‌ری هه‌رێمی كوردستان به‌ڕێوه‌ ده‌چێت.

 
نێچیرڤان بارزانى: هیوادارم ئه‌م جه‌ژنه‌ هانده‌ر و هه‌ڵگرى ئاشتى و ته‌بایى و یه‌كڕیزى بێت

SATURDAY, 24 JUNE 2017 20:06:05

هه‌ولێر-KDP.info-  له‌ په‌یامێكدا، (نێچیرڤان بارزانى) هیواداره‌ ئه‌م جه‌ژنه‌ وه‌ك چۆن له‌ ژیانى ئایینى و كۆمه‌ڵایه‌تیدا جه‌ژنى ئاشته‌وایى و پێكهاتنه‌وه‌یه‌، له‌ هه‌موو ڕوویه‌كانى دیكه‌شه‌وه‌ ببێته‌ هانده‌ر و هه‌ڵگرى ئاشتى و ته‌بایى و یه‌كڕیزى و كارى پێكه‌وه‌یى له‌پێناو تێپه‌ڕاندنى قه‌یرانه‌كان و چاره‌سه‌ركردنى هه‌موو كێشه‌كان.

 
پارتی: با جه‌ژنی ڕه‌مه‌زان، مایه‌ی یه‌كڕیزیی و ته‌بایی و خێروخۆشی یه‌كجاره‌كی بێت بۆ گه‌له‌كه‌مان

SATURDAY, 24 JUNE 2017 20:06:06

هه‌ولێر-KDP.info- له‌ سۆنگه‌ی ئه‌وه‌وه‌ كه‌ جه‌ژنی ره‌مه‌زان، هه‌ڵگری په‌یامی لێبوورده‌یی و ئاشته‌وایی و خێروبه‌ره‌كه‌ته‌ بۆ سه‌رجه‌م مرۆڤایه‌تی و موسڵمانان، له‌ په‌یامیدا بۆ كوردستانیان، پارتی خوازیاره‌ ''ئه‌و بۆنه‌ پیرۆزه‌، مایه‌ی یه‌كڕیزیی و ته‌بایی و خێروخۆشی یه‌كجاره‌كی بێت بۆ گه‌له‌كه‌مان به‌تایبه‌تی له‌و هه‌لومه‌رجه‌ی ئه‌مڕۆماندا بۆ بنبڕكردنی بیروحه‌زوخولیای توندڕۆیی و چاره‌سه‌ركردنی كێشه‌ و گیروگرفته‌كان و قه‌یرانه‌كان و، هه‌نگاونان به‌ره‌و به‌دیهێنانی مافه‌كانمان و دابینكردنی دوارۆژێكی ئاسووده‌ و به‌خته‌وه‌ر له‌ چوارچێوه‌ی وڵاتێكی سه‌ربه‌خۆی دوور له‌ ئێش و ئازار بۆ گه‌له‌كه‌مان.''

 


 
© 2017 Kurdistan Democratic Party, KDP