Kurdî  ■  كوردی  ■  عربي
THU, 21 JUN 2018 09:37 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پایتەختی بەرگریكردن لە مرۆڤایەتی
| KDP.info


دڵشاد مستەفا وەسانی
حكوومەتەكانی ناوچەكە، نەك نەیانتوانیوە پێكەوەژیان لە نێوان پێكهاتە نەتەوەیی و ئایینی و مەزهەبییەكان دروست بكەن، بەڵكو خۆیان هۆكاری دروستبوونی كێشە و لێكدووركەوتنەوەی ئەو پێكهاتانەن. هەر ئەو تێڕوانینەی نەخوێندنەوەی میللەتان، حكوومەتەكانی بەو ئاقارەدا بردووە، وێڕای ئەوەی، پشكیان لە سەرهەڵدانی تیرۆر بەردەكەوێت، هێشتا وەك كارتی گوشار، سەیری رێكخراوە تیرۆریستییەكان، بەتایبەتیش داعش دەكەن.
دوای ساڵی 2014 بەهۆی شەڕ و قەیرانی دارایی و ئەو هەموو ئاوارەیە باری كوردستان زۆر قورس بوو، لەگەڵ ئەوەشدا، لەپەنای شەڕی داسەپاوی داعش و ئابڵۆقەی بەغدا، هەولێر بووە پایتەختی بەرگریكردن لە مرۆڤایەتی، ئەمەش قسەیەك نییە لەخۆڕا بیكەم، بەڵكو سەرۆك و سەركردە باڵاكانی جیهان لە كاتی سەردانیان بۆ هەولێر، رایانگەیاند پێشمەرگە لە جیاتی هەموو جیهان شەڕ دەكات. ئەوەی هەولێر لە پایتەختەكانی دەوروبەر و ناوچەكە جیادەكاتەوە، راست و دروستیی هەڵوێستە لەگەڵ گەلی كوردستان و جیهان، چونكە پێشمەرگە بە فەرمانی هیچ پایتەختێك نەچۆتە شەڕ، بەڵكو بە ئیرادەی پۆڵاینی خۆی و خەڵكی كوردستان بە فەرماندەیی سەرۆك بارزانی و بە چەكی سادەوە، بڕیاری بەرگریكردنی لە خاك و خەڵكی كوردستان و مرۆڤایەتی دا، لە تەواوی ناوچەكانی عێڕاق پێكهاتەكان هەڕەشەیان لێ كرا و كوردستانیان وەك شوێنێكی ئارام هەڵبژارد، ئەوە ئیرادەی خەڵك و بڕیاری هەولێرە بۆ حەواندنەوەی پێكهاتەكان، وا لە فرانسوا هۆڵاندی سەرۆككۆماری فەڕەنسا بكات لەكاتی سەردانی بۆ هەولێر لە 2ی ئەم مانگە بڵێ: "فەڕەنسا ستایشی ئەم پێكەوەژیانەی كوردستان دەكات و پارێزگاری لەم فرەیی و پێكەوەژیانە دەكات".
ئەمە دروستیی هەڵوێستی پێشمەرگەیە لەكاتێكدا داعش شەڕی بردە پایتەختەكانی ئەورووپا، بەرپرسی باڵای ئەو وڵاتانە، لە ئاستی سەرۆك و سەرۆكوەزیران و وەزیر، سەردانی هەولێریان دەكرد، بەوە سەرسام دەبوون، لە سایەی ئەو بارگرانییەوە، پێشمەرگە ئەفسانەی داعش تێك‌دەشكێنێ. پێشمەرگە بووە جەنگاوەرێكی جیهانی، هەولێریش بووە پایتەختی ئەو پێشمەرگانەی بەرگری لە مرۆڤایەتی دەكەن، پایتەختی كوردستان بووە رووگەی سەركردەكانی جیهان، كەچی جێی داخە، حزبایەتیی بەرتەسك، هەندێ كەسی بەو ئاقارەدا برد، رەخنە لە سەرۆكی فەڕەنسا بگرن، لەبەرئەوەی سەردانی هەولێری كردووە، دەبوو ئەو جموجۆڵە گەرمە دیپلۆماسییەی هەولێر بكەنە هۆكاری لێك نزیك بوونەوە، هەرچەندە ئەو دەنگە لە ئاست ئەو پەیوەندییە گەرمەی هەولێر و پایتەختی وڵاتان، نوزەیەكە، بەڵام باشتر وایە پشت لە حزبایەتیی بەرتەسك بكەن و هەولێر وەك باوەشێكی گەرم ببینن، نەك بە چاوی حزبایەتی، چونكە پایتەختەكانی دەوروبەر كار لەسەر ئەوە دەكەن، هەولێر خاڵی راكێشانی وڵاتان و لە هەمان كاتیشدا هێز و لایەنەكانی كوردستان نەبێت، بۆیە ئەو هێزەی پێ لەخۆ نانێ و پشت لە هەولێر دەكات، لە كاروان بەجێ دەمێنێ.




دوایین هەواڵەکان

وەزارەتى خوێندنى باڵا، لیستى زانکۆ باوەڕپێکراوەکانى تورکیا و ئێرانی بڵاو كرده‌وه‌

THURSDAY, 21 JUNE 2018 00:06:18

هه‌ولێر-KDP.info-  وەزارەتى خوێندنى باڵا و توێژینەوەى زانستیى حکوومەتى هەرێمى کوردستان پێداچوونەوەى بە لیستى زانکۆ باوەڕپێکراوەکانى وڵاتانى (تورکیا – ئێران) کرد و لیستێکى نوێی بڵاو كرده‌وه‌.

 
مه‌كته‌بی سه‌رۆك سه‌رخۆشی له‌ شاخەوان غەریب ده‌كات

THURSDAY, 21 JUNE 2018 00:06:05

بەناوی خودای گەورە و میهرەبان

به‌ڕێز شاخەوان غەریب

بەبیستنی هه‌واڵی كۆچی دوایی كاكە(شڤان)ـی كوڕت خەمبار بووین.

پارتی سه‌رخۆشی له‌ خانەوادەی مەلا حاجی دێلۆیی ده‌كات

THURSDAY, 21 JUNE 2018 00:06:33

بەڕێزان خانەوادەی مەلا حاجی دێلۆیی

خەمبار بووین بە بیستنی هەواڵی کۆچی دوایی پێشمەرگەی هەدوو شۆڕشی مەزنی ئەیلوول و گوڵان، کادیری تێکۆشەر و دڵسۆزی پارتی و رێبازی بارزانی، ئەندامی مەکتەبی رێکخستن و کەسایەتیی دیاری دەڤەری پشدەر (مەلا حاجی دێلۆیی).

"بۆ گەڕانه‌وه‌ی پێشمه‌رگه‌ بۆ سنووری خانه‌قین سبه‌ی خۆپێشاندان دەکرێ"

WEDNESDAY, 20 JUNE 2018 16:06:14

خانه‌قین-KDP.info-  به ‌هۆی ئه‌وه‌ی مه‌ترسییه‌كی گه‌وره‌ له‌سه‌ر خانه‌قین هه‌یه‌ و به‌رده‌وام كرده‌وه‌ی تیرۆریستی لێ ئه‌نجام ده‌درێت و چه‌ندین گوند به‌و هۆیه‌وه‌ چۆڵ كراون و خه‌ڵكێكی زۆر بوونەته‌ قوربانی. عامر رەفعەت دەڵێ، ئیدی سبه‌ی له‌ خانه‌قین خۆپێشاندان بۆ گەڕانه‌وه‌ی هێزی پێشمه‌رگه‌ بۆ ئه‌و ناوچانه‌ ده‌ست پێ ده‌كات و خه‌ڵكی خانه‌قین مان ده‌گرن و دووكانه‌كانیان داده‌خه‌ن .

 
"زیاتر له ‌20 هه‌زار په‌نابه‌ر گه‌ڕاونه‌ته‌وه‌ عێراق و هه‌رێم"

WEDNESDAY, 20 JUNE 2018 16:06:22

هه‌ولێر-KDP.info- به‌ڕێوەبه‌ری كۆچ و كۆچبه‌ران گوتی، له‌ شه‌ڕی داعش و قه‌یرانی داراییدا شه‌پۆلێكی كۆچكردن له‌ هه‌رێمی كوردستانەوە بۆ ده‌ره‌وه‌ ده‌ستی پێ كرد، به‌ڵام له‌ دوای كۆتاییهاتنی شەڕی داعش كۆچكردن پێچه‌وانه‌ بووەته‌وه‌، به‌ جۆرێك له‌ دوو ساڵی ڕابردوودا زیاتر له‌20 هه‌زار كه‌س گه‌ڕاونه‌ته‌وه‌ بۆ عێراق، كه‌ 39%یان په‌نابه‌ری هه‌رێمی كوردستانن و گه‌ڕاونه‌ته‌وه‌ هه‌رێم و به‌رنامه‌یه‌كیشیان داناوه‌ هه‌ر ئاواره‌یه‌ك بگه‌ڕێته‌وه‌ هاوكاریی دارایی پێشكه‌ش ده‌كرێت.

 


 
© 2018 Kurdistan Democratic Party, KDP